ಹೊಸದಿಲ್ಲಿ: ಸಣ್ಣ ಉಳಿತಾಯವನ್ನು ನೆಚ್ಚಿಕೊಂಡಿರುವ ಹೂಡಿಕೆದಾರರಿಗೆ ಕೇಂದ್ರ ಸರಕಾರ ಶುಭ ಸುದ್ದಿ ನೀಡಿದೆ. ಜುಲೈ-ಸೆಪ್ಟೆಂಬರ್‌ ತ್ರೈಮಾಸಿಕದಲ್ಲಿ ಸಣ್ಣ ಉಳಿತಾಯ ಯೋಜನೆಗಳ ಮೇಲಿನ ಬಡ್ಡಿದರವನ್ನು ಯಥಾಸ್ಥಿತಿಯಲ್ಲಿ ಮುಂದುವರಿಸಲು ಸರಕಾರ ನಿರ್ಧರಿಸಿದೆ. ಈ ಸಂಬಂಧ ಅಂಚೆ ಇಲಾಖೆ ಸುತ್ತೋಲೆ ಹೊರಡಿಸಿದೆ.

ಈ ಸುತ್ತೋಲೆ ಪ್ರಕಾರ ಸಾರ್ವಜನಿಕ ಭವಿಷ್ಯ ನಿಧಿ (ಪಿಪಿಇ) ಬಡ್ಡಿದರ ಶೇ. 7.1 ರಲ್ಲಿ ಮುಂದುವರಿಯಲಿದೆ. ಹಿರಿಯ ನಾಗರಿಕರ ಉಳಿತಾಯ ಯೋಜನೆಯಲ್ಲಿ (ಎಸ್‌ಸಿಎಸ್‌ಎಸ್‌) ಶೇ. 7.40 ರಷ್ಟು ಬಡ್ಡಿ ಸಿಗಲಿದೆ. ಇನ್ನು ಅಂಚೆ ಕಚೇರಿಯ ನಿಶ್ಚಿತ ಠೇವಣಿಗಳಿಗೆ ಶೇ. 5.5 ರಿಂದ 6.7ರಷ್ಟು ಬಡ್ಡಿ ದೊರೆಯಲಿದೆ.
ಪಿಪಿಎಫ್‌ ಬಡ್ಡಿ ದರ 46 ವರ್ಷಗಳ ಹಿಂದಿನ ದರಕ್ಕೆ ಇಳಿಕೆ ಸಾಧ್ಯತೆ

ಅಂಚೆ ಕಚೇರಿಯ ಠೇಚಣಿ ಯೋಜನೆಯ ಬಡ್ಡಿ ದರಗಳು ಹೀಗಿವೆ,



ಹೂಡಿಕೆದಾರರಿಗೆ ಶುಭ ಸುದ್ದಿ

ಈ ಹಿಂದೆ ಏಪ್ರಿಲ್‌-ಜೂನ್‌ ತ್ರೈಮಾಸಿಕದಲ್ಲಿ ಕೇಂದ್ರ ಸರಕಾರ ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರವನ್ನು ಶೇ. 0.7 ರಿಂದ ಶೇ. 1.4 ರಷ್ಟು ಕಡಿತಗೊಳಿಸಿತ್ತು. ಒಂದೊಮ್ಮೆ ಇದೀಗ ಎರಡನೇ ತ್ರೈಮಾಸಿಕದಲ್ಲೂ ಕೇಂದ್ರ ಸರಕಾರ ಬಡ್ಡಿ ದರವನ್ನು ಕಡಿತಗೊಳಿಸಿದ್ದೇ ಆದಲ್ಲಿ ಪಿಪಿಎಫ್‌ ಬಡ್ಡಿ ದರಗಳು 46 ವರ್ಷಗಳ ಹಿಂದಿನ ದರಕ್ಕೆ ಇಳಿಕೆಯಾಗುತ್ತಿದ್ದವು. ಆದರೆ ಅದೃಷ್ಟವಶಾತ್‌ ಆ ಬೆಳವಣಿಗೆ ನಡೆದಿಲ್ಲ.

ಇದೊಂದೇ ಅಲ್ಲ, ಅತ್ತ ಬ್ಯಾಂಕ್‌ನ ನಿಶ್ಚಿತ ಠೇವಣಿಗಳ ಬಡ್ಡಿ ದರವೂ ದೊಡ್ಡ ಮಟ್ಟಕ್ಕೆ ಇಳಿಕೆಯಾಗಿದೆ. ಆರ್‌ಬಿಐ ಪ್ರಮುಖ ಬಡ್ಡಿ ದರಗಳನ್ನು ಇಳಿಸುತ್ತಲೇ ಇರುವುದರಿಂದ ಬ್ಯಾಂಕ್‌ನ ಕಡಿಮೆ ಅವಧಿಯ ನಿಶ್ಚಿತ ಠೇವಣಿಗಳ ಬಡ್ಡಿ ದರಗಳು ಸಾಮಾನ್ಯ ಉಳಿತಾಯ ಖಾತೆ ಬಡ್ಡಿ ದರಕ್ಕಿಂತಲೂ ಕಡಿಮೆಯಾಗಿದೆ.

ಇನ್ನೊಂದು ಕಡೆ ಬ್ಯಾಂಕ್‌ಗಳ ಉಳಿತಾಯ ಖಾತೆಯ ಬಡ್ಡಿ ದರಗಳೂ ಗಣನೀಯವಾಗಿ ಇಳಿಕೆಯಾಗಿವೆ. ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ ಉಳಿತಾಯ ಖಾತೆ ಮೇಲೆ ವಾರ್ಷಿಕ ಕೇವಲ ಶೇ. 2.7ರಷ್ಟು ಬಡ್ಡಿ ದರ ಮಾತ್ರ ನೀಡುತ್ತಿದೆ. ಹೀಗಿರುವಾಗ ಸಣ್ಣ ಉಳಿತಾಯ ಖಾತೆಗಳ ಮೇಲಿನ ಬಡ್ಡಿ ದರವನ್ನು ಸರಕಾರ ಬದಲಾಯಿಸದೇ ಇರುವುದರಿಂದ ಜನರು ಸ್ವಲ್ಪ ನಿರಾಳರಾಗಿದ್ದಾರೆ.

ಈ ತೀರ್ಮಾನದ ಬೆನ್ನಿಗೆ ಅಂಚೆ ಕಚೇರಿಯ ಉಳಿತಾಯ ಖಾತೆಗಳಲ್ಲಿ ಶೇ. 4 ರಷ್ಟು ಬಡ್ಡಿ ಸಿಗಲಿದೆ. ಇದು ಹೆಚ್ಚು ಕಡಿಮೆ ಎಲ್ಲಾ ಬ್ಯಾಂಕ್‌ಗಳ ಬಡ್ಡಿದರಕ್ಕಿಂತ ಹೆಚ್ಚಿನದಾಗಿದೆ.