29 ಆ್ಯಪ್‌ಗಳಿಗೆ ಗೇಟ್‌ಪಾಸ್‌ ನೀಡಿದ ಗೂಗಲ್‌

ಹೊಸದಿಲ್ಲಿ: ಆ್ಯಂಡ್ರಾಯ್ಡ್‌ ಮೊಬೈಲ್‌ ಬಳಕೆದಾರರು ಆ್ಯಪ್‌ಗಳನ್ನು ಡೌನ್‌ಲೋಡ್‌ ಮಾಡಿಕೊಳ್ಳುವಾಗ ಎಚ್ಚರದಿಂದ ಇರಬೇಕು. ಪ್ಲೇ ಸ್ಟೋರ್‌ನಲ್ಲಿನ ಆ್ಯಪ್‌ಗಳು ವಿಶ್ವಸನೀಯ ಎನ್ನಲಾಗುತ್ತದೆ. ಆದರೆ, ಇಲ್ಲಿಯೇ ಇರುವ ಆ್ಯಪ್‌ಗಳು ಬಳಕೆದಾರರ ಮಾಹಿತಿ ಕದಿಯುವಲ್ಲಿ ಹಿಂದೆ ಬಿದ್ದಿಲ್ಲ! ಇಂಥ 29 ಖದೀಮ ಆ್ಯಪ್‌ಗಳನ್ನು ಗೂಗಲ್‌ ಗುರ್ತಿಸಿದ್ದು, ತನ್ನ 'ಪ್ಲೇ ಸ್ಟೋರ್‌'ನಿಂದ ತೆಗೆದುಹಾಕಿದೆ.

ಗೂಗಲ್‌ ಗುರ್ತಿಸಿರುವ ಮಾಹಿತಿಚೋರ ಆ್ಯಪ್‌ಗಳಲ್ಲಿ ಹೆಚ್ಚಿನವುಗಳನ್ನು ಏಷ್ಯಾದವರು ಅದರಲ್ಲೂ ಭಾರತೀಯರೇ ಹೆಚ್ಚಿನದಾಗಿ ಡೌನ್‌ಲೋಡ್‌ ಮಾಡಿಕೊಂಡಿದ್ದಾರೆ ಎಂದು ಮಾಧ್ಯಮ ವರದಿಗಳು ಹೇಳಿವೆ. ಬ್ಯೂಟಿ ಕ್ಯಾಮೆರಾ, ಬ್ಯೂಟಿ ಆ್ಯಫ್ಸ್‌ ಹೆಸರಿನಲ್ಲಿ ಹ್ಯಾಕರ್‌ಗಳು ಮೊಬೈಲ್‌ಗಳನ್ನು ಪ್ರವೇಶಿಸುತ್ತಾರೆ.