ಹೊಸದಿಲ್ಲಿ: ಉತ್ತಮ ಉದ್ಯೋಗದಾತ ಎನ್ನುವ ಹೆಗ್ಗಳಿಕೆಗೆ ಮತ್ತೆ ಗೂಗಲ್ ಇಂಡಿಯಾ ಕಂಪನಿ ಪಾತ್ರವಾಗಿದೆ. ಎರಡನೇ ಸ್ಥಾನದಲ್ಲಿ ಮರ್ಸಿಡಿಸ್-ಬೆನ್ಜ್ ಇದೆ. ರಾರಯಂಡ್ಸ್ಟಡ್ ಎಚ್ಆರ್ ಸಂಸ್ಥೆಯ ಇತ್ತೀಚಿನ ಸಮೀಕ್ಷೆಯಲ್ಲಿ ಮತ್ತೆ ಗೂಗಲ್ ಇಂಡಿಯಾ ಮಾನ್ಯತೆ ಗಳಿಸಿದ್ದು, ಸತತ ಮೂರನೇ ಸಲ ರಾರಯನ್ಸ್ಟಡ್ ಪ್ರಶಸ್ತಿ ದೊರೆತಿದೆ.
'ಆಕರ್ಷಕ ಉದ್ಯೋಗದಾತ ಕಂಪನಿ' ಎನ್ನುವ ಮೆಚ್ಚುಗೆಗೆ ಪಾತ್ರವಾಗಿರುವ ಗೂಗಲ್ ಇಂಡಿಯಾದಲ್ಲಿ ಕೆಲಸ ಮಾಡಬೇಕು ಎನ್ನುವುದು ಎನ್ನುವುದು ಬಹುತೇಕ ಉದ್ಯೋಗಿಗಳು ಮತ್ತು ವಿದ್ಯಾರ್ಥಿಗಳ ಕನಸು. ಅಲ್ಲಿನ ಉದ್ಯೋಗಸ್ನೇಹಿ ವಾತಾವರಣವೇ ಇದಕ್ಕೆ ಕಾರಣ.
ವಲಯವಾರು ವಿಭಾಗಗಳಲ್ಲಿ ಅಮೆಜಾನ್ ಇಂಡಿಯಾ(ಇ-ಕಾಮರ್ಸ್), ಐಟಿಸಿ ಲಿಮಿಟೆಡ್(ಎಫ್ಎಂಸಿಜಿ), ಫಿಲಿಫ್ಸ್ ಇಂಡಿಯಾ(ಕನ್ಸೂಮರ್ ಆ್ಯಂಡ್ ಹೆಲ್ತ್ಕೇರ್) ಕಂಪನಿಗಳು ಪುರಸ್ಕಾರ ಪಡೆದಿವೆ.
ವೇತನ ಮತ್ತು ಉದ್ಯೋಗಿಗಳಿಗೆ ದೊರಕುವ ಸೌಲಭ್ಯಗಳು, ಉದ್ಯೋಗದ ಖಾತ್ರಿ ಮತ್ತಿತರ ಅಂಶಗಳನ್ನು ಪರಿಗಣಿಸಿ, ಪ್ರಶಸ್ತಿಗಳನ್ನು ನೀಡಲಾಗಿದೆ.
ರಾರಯಂಡ್ಸ್ಟಡ್ ಉದ್ಯೋಗದಾತ ಬ್ರಾಂಡ್ಗಳ ಅಧ್ಯಯನದ ಏಳನೇ ಆವೃತ್ತಿಯು ಇದಾಗಿದೆ. ಯುರೋಪ್, ಏಷ್ಯಾ-ಪೆಸಿಫಿಕ್ ಸೇರಿದಂತೆ 26 ದೇಶಗಳಲ್ಲಿನ 150ಕ್ಕೂ ಹೆಚ್ಚು ದೊಡ್ಡ ಕಂಪನಿಗಳನ್ನು ಸಮೀಕ್ಷೆಗೆ ಪರಿಗಣಿಸಲಾಗಿತ್ತು. 1.65 ಲಕ್ಷ ಮಂದಿಯ ಪ್ರತಿಕ್ರಿಯೆಯನ್ನು ಕೇಳಲಾಗಿತ್ತು.
ಮಜಾ ಮಾಡುತ್ತಲೇ ಕೆಲಸ ಮಾಡಿ...
ಉದ್ಯೋಗಿಗಳು ಖುಷಿಯಲ್ಲಿದ್ದರೆ ಕೆಲಸಗಳು ಸುಗಮವಾಗಿ ನೆರವೇರುತ್ತವೆ. ಒತ್ತಡ ಹೇರಿದರೆ ಉದ್ಯೋಗಿಗಳು ಬಳಲಿ, ಕೆಲಸದ ಕಾರ್ಯಕ್ಷ ಮತೆ ಕುಸಿಯುತ್ತದೆ ಎನ್ನುವ ನೀತಿಯನ್ನು ಗೂಗಲ್ ಅನುಸರಿಸುತ್ತಿದೆ. ಇದರ ಕಚೇರಿಗಳು ಉದ್ಯೋಗಿಗಳ ಎಲ್ಲ ರೀತಿಯ ಅಗತ್ಯಗಳನ್ನು ತೀರಿಸುವಂತಿವೆ. ಕಚೇರಿ ಒಳಗೆ ಕಾಲಿಟ್ಟರೆ ಸ್ಪಾ , ಮಸಾಜ್ ಕುರ್ಚಿಗಳು, ಸುಖಾಸನಗಳು, ಟ್ರೆಡ್ಮಿಲ್ ಎಲ್ಲವೂ ಎದುರಾಗುತ್ತವೆ. ಬೆಂಗಳೂರು, ಗುರ್ಗಾಂವ್, ಮುಂಬಯಿ, ಹೈದರಾಬಾದ್ನಲ್ಲಿನ ಗೂಗಲ್ ಕಚೇರಿಗಳು ಉದ್ಯೋಗಿಗಳ ಉತ್ಸಾಹ ಹೆಚ್ಚಿಸಲು ಸಾಕಷ್ಟು ಸೌಲಭ್ಯಗಳನ್ನು ಹೊಂದಿವೆ.