ಲಾಕ್‌ಡೌನ್ ಸಮಯದಲ್ಲಿ ಸಿಹಿ ಸುದ್ದಿ: ಸಿಲಿಂಡರ್ ಬೆಲೆಯಲ್ಲಿ ಭಾರೀ ಕಡಿತ ಘೋಷಣೆ!

ನವದೆಹಲಿ: ಮಹತ್ವದ ಬೆಳವಣಿಗೆಯೊಂದರಲ್ಲಿ ಸಬ್ಸಿಡಿ ರಹಿತ ಅಡುಗೆ ಅನಿಲ ಸಿಲಿಂಡರ್ ಬೆಲೆಯಲ್ಲಿ ಬರೋಬ್ಬರಿ 65 ರೂ.ಗಳಷ್ಟು ಕಡಿತ ಮಾಡಿ ಕೇಂದ್ರ ಸರ್ಕಾರ ಆದೇಶ ಹೊರಡಿಸಿದೆ.

ದೇಶದ ಎಲ್ಲಾ ಮಹಾನಗರಗಳಲ್ಲಿ ಇಂದಿನಿಂದಲೇ ಜಾರಿಗೆ ಬರುವಂತೆ ಪ್ರತಿ ಸಬ್ಸಿಡಿ ರಹಿತ ಗ್ಯಾಸ್ ಸಿಲಿಂಡರ್ ಬೆಲೆಯಲ್ಲಿ 65 ರೂ. ಕಡಿತ ಮಾಡಲಾಗಿದೆ.


ಲಾಕ್‌ಡೌನ್ ಸಮಯದಲ್ಲಿ ಸಾರ್ವಜನಿಕರ ನೆರವಿಗೆ ಧಾವಿಸಿರುವ ಕೇಂದ್ರ ಸರ್ಕಾರ 14.2 ಲೀಟರ್ ಸಾಮರ್ಥ್ಯದ ಸಿಲಿಂಡರ್ ಬೆಲೆಯಲ್ಲಿ ಭಾರೀ ಕಡಿತ ಮಾಡಿರುವುದು ಸಂತಸದ ಸಂಗತಿಯಾಗಿದೆ.

3 ತಿಂಗಳ ಇಎಂಐ ಮುಕ್ತಿ ಇದ್ಯೋ, ಇಲ್ವೋ..? ಆರ್‌ಬಿಐ ನಿಯಮಕ್ಕೆ ಬ್ಯಾಂಕ್‌ಗಳು ಇನ್ನೂ ಮೌನ..!

ದೇಶದ ಮಹಾನಗರಗಳಲ್ಲಿ ಈ ಆದೇಶ ಇಂದಿನಿಂದಲೇ ಜಾರಿಗೆ ಬರಲಿದ್ದು, ಅದರಂತೆ ಮಹಾನಗರಗಳಲ್ಲಿ ಸಬ್ಸಿಡಿ ರಹಿತ ಸಿಲಿಂಡರ್ ಬೆಲೆಗಳತ್ತ ಗಮನ ಹರಿಸುವುದಾದರೆ..

ನವದೆಹಲಿ: 744 ರೂ. (61.5 ರೂ. ಕಡಿತ)
ಮುಂಬೈ: 714.50 (62 ರೂ. ಕಡಿತ)
ಕೋಲ್ಕತ್ತಾ: 774.50(65 ರೂ. ಕಡಿತ)
ಚೆನ್ನೈ: 761.50(64.5 ರೂ. ಕಡಿತ)

ಬೆಂಗಳೂರು: 807.50 (ಯಾವುದೇ ಕಡಿತವಿಲ್ಲ)

ಒಟ್ಟಿನಲ್ಲಿ ಕೊರೊನಾ ವೈರಸ್ ವಿರುದ್ಧದ ಹೋರಾಟದಲ್ಲಿ ಇಡೀ ದೇಶವನ್ನು ಒಟ್ಟುಗೂಡಿಸಿರುವ ಕೇಂದ್ರ ಸರ್ಕಾರ, ಸಾರ್ವಜನಿಕರಿಗೆ ಒಂದೊಂದೇ ರಿಯಾಯ್ತಿಗಳನ್ನು ಘೋಷಿಸುವ ಮೂಲಕ ನೆರವಿಗೆ ಧಾವಿಸುತ್ತಿರುವುದು ಶ್ಲಾಘನೀಯ.