ಭೋಪಾಲದಲ್ಲಿ ಡೇಟಾ ಸೆಂಟರ್‌

ಹೊಸದಿಲ್ಲಿ : ಭಾರತದ ಅತಿ ದೊಡ್ಡ ನ್ಯಾಶನಲ್‌ ಡೇಟಾ ಸೆಂಟರ್‌ ಅನ್ನು ಭೋಪಾಲದಲ್ಲಿ ಸ್ಥಾಪಿಸಲು ಸರಕಾರ ಯೋಜಿಸಿದೆ. ಬಿಪಿಒ ಅಭಿವೃದ್ಧಿ ಯೋಜನೆಯನ್ನು 1 ಲಕ್ಷ ಸೀಟುಗಳಿಗೆ ವೃದ್ಧಿಸಲು ನಿರ್ಧರಿಸಿರುವ ಸರಕಾರ, ದೇಶದ ಬೃಹತ್‌ ಡೇಟಾ ಸೆಂಟರ್‌ ಅನ್ನು ಭೋಪಾಲದಲ್ಲಿ ತೆರೆಯಲಿದೆ ಎಂದು ಮಾಹಿತಿ ತಂತ್ರಜ್ಞಾನ ಸಚಿವ ರವಿ ಶಂಕರ ಪ್ರಸಾದ್‌ ತಿಳಿಸಿದ್ದಾರೆ.

ಒಟ್ಟು 59 ಕೋಟಿಗೂ ಹೆಚ್ಚು ಭಾರತೀಯರು 88 ಕೋಟಿ ಬ್ಯಾಂಕ್‌ ಖಾತೆಗಳನ್ನು ಆಧಾರ್‌ಗೆ ಸಂಪರ್ಕ ಕಲ್ಪಿಸಿದ್ದಾರೆ. ಬಿಪಿಒ ಯೋಜನೆಯು ಈಗ 48,000 ಸೀಟುಗಳಿಗೆ ಸೀಮಿತವಾಗಿದ್ದು, 1 ಲಕ್ಷ ಸೀಟುಗಳಿಗೆ ವಿಸ್ತರಿಸಲಾಗುವುದು ಎಂದರು. ಭೋಪಾಲದಲ್ಲಿ ನೂತನ ಡೇಟಾ ಸೆಂಟರ್‌ 5 ಲಕ್ಷ ಸರ್ವರ್‌ ಗಳ ಸಾಮರ್ಥ್ಯ‌ದೊಂದಿಗೆ ಬರಲಿದೆ ಎಂದರು.