ಸರಕಾರ/ತೆರಿಗೆದಾರರಿಗೆ ಏನು ಲಾಭ?
* ತೆರಿಗೆದಾರರು ಅಥವಾ ತೆರಿಗೆ ಬಾಕಿ ಉಳಿಸಿಕೊಂಡ ಕಂಪನಿಗಳು ಮತ್ತು ತೆರಿಗೆ ಇಲಾಖೆ ನಡುವಿನ ಬಿಕ್ಕಟ್ಟು ಇತ್ಯರ್ಥಕ್ಕೆ ಯೋಜನೆ ಸಹಕಾರಿ.
* ನಾನಾ ಕೋರ್ಟ್‌ಗಳಲ್ಲಿ ಸುಮಾರು 5 ಲಕ್ಷ ಪ್ರಕರಣಗಳಿವೆ. ವಿವಾದ್‌ ಸೇ ವಿಶ್ವಾಸ್‌ ಯೋಜನೆಯನ್ನು ಬಳಸಿಕೊಂಡರೆ, ಕಂಪನಿಗಳ ತೆರಿಗೆ ತಲೆನೋವಿನ ಪ್ರಕರಣ ಇತ್ಯರ್ಥವಾಗುತ್ತದೆ. ಸಾಕಷ್ಟು ಹಣವೂ ಉಳಿಯುತ್ತದೆ.
* ಈ ಯೋಜನೆಯಿಂದ ಸರಕಾರಕ್ಕೆ ಒಂದೂವರೆ ಲಕ್ಷ ಕೋಟಿ ರೂ.ಗಳಷ್ಟು ಆದಾಯವು ಬರುವ ನಿರೀಕ್ಷೆ ಇದೆ.
* ವಿತ್ತೀಯ ಕೊರತೆಯ ಗುರಿ ಮುಟ್ಟಲು ಸರಕಾರಕ್ಕೆ ಇದರಿಂದ ಅನುಕೂಲವಾಗುತ್ತದೆ.
2020ರ ಮಾ. 31ರ ತನಕ ಇಷ್ಟು ಪಾವತಿಸಿದರೆ ಸಾಕು!
ಐಟಿ ಇಲಾಖೆಯು ತೆರಿಗೆ ಪ್ರಕರಣಗಳ ಇತ್ಯರ್ಥಕ್ಕೆ ನೀಡಿರುವ ಆಫರ್‌ಗಳು ಇಲ್ಲಿವೆ.
50% - ತೆರಿಗೆ ಮೊತ್ತದಲ್ಲಿಅರ್ಧ ಭಾಗ ಕೊಟ್ಟರೇ ಸಾಕು. ದಂಡ ಅಥವಾ ಬಡ್ಡಿ ಇರುವುದಿಲ್ಲ.
62.5% - ಐಟಿ ಇಲಾಖೆ ದಾಳಿ ಮಾಡಿರುವ ಪ್ರಕರಣಗಳಲ್ಲಿ ತೆರಿಗೆ ಮೊತ್ತದಲ್ಲಿ 62.5% ಕಟ್ಟಿದರೆ ಸಾಕು. ದಂಡ/ಬಡ್ಡಿ ಬೇಕಿಲ್ಲ.
12.5% - ದಂಡ, ಬಡ್ಡಿ ಅಥವಾ ಶುಲ್ಕದ ಮೊತ್ತದಲ್ಲಿ ಇಷ್ಟು ಭಾಗ ಕಟ್ಟಿದರೆ ಪ್ರಕರಣ ಇತ್ಯರ್ಥ
2020ರ ಮಾ. 31ರ ಬಳಿಕ ಎಷ್ಟು ಕಟ್ಟಬೇಕು?
55 % - ತೆರಿಗೆ ಮೊತ್ತದಲ್ಲಿ ಇಷ್ಟು ಭಾಗ ಕೊಟ್ಟರೇ ಸಾಕು. ದಂಡ ಅಥವಾ ಬಡ್ಡಿ ಇರುವುದಿಲ್ಲ.
67.5% - ಐಟಿ ಇಲಾಖೆ ದಾಳಿ ಮಾಡಿರುವ ಪ್ರಕರಣಗಳಲ್ಲಿ ತೆರಿಗೆ ಮೊತ್ತದಲ್ಲಿ 67.5% ಕಟ್ಟಿದರೆ ಸಾಕು. ದಂಡ/ಬಡ್ಡಿ ಬೇಕಿಲ್ಲ.
15% - ದಂಡ, ಬಡ್ಡಿ ಅಥವಾ ಶುಲ್ಕದ ಮೊತ್ತದಲ್ಲಿ ಇಷ್ಟು ಭಾಗ ಕಟ್ಟಿದರೆ ಪ್ರಕರಣ ಇತ್ಯರ್ಥ
9.32 ಲಕ್ಷ ಕೋಟಿ ರೂ. ಬಾಕಿ!
ನನೆಗುದಿಗೆ ಬಿದ್ದಿರುವ 9.32 ಲಕ್ಷ ಕೋಟಿ ರೂ. ಮೌಲ್ಯದ 4.8 ಲಕ್ಷ ಪ್ರಕರಣಗಳನ್ನು ಇತ್ಯರ್ಥಗೊಳಿಸುವುದು ವಿವಾದ್‌ ಸೇ ವಿಶ್ವಾಸ್‌ ಯೋಜನೆಯ ಉದ್ದೇಶ.