ಬಿಪಿಒ ಉದ್ಯಮಕ್ಕೆ ಸಿಹಿಸುದ್ದಿ ನೀಡಿದ ಕೇಂದ್ರ: ಕಂಪೆನಿಗಳ ಕಾರ್ಯನಿರ್ವಹಣೆ ಹಾದಿ ಸುಗಮ
ಜಾಗತಿಕ ಮಟ್ಟದಲ್ಲಿ ಎದುರಾಗುತ್ತಿರುವ ಸ್ಪರ್ಧೆಯನ್ನು ಎದುರಿಸಲು ಕೇಂದ್ರ ಸರಕಾರವು ಬಿಪಿಒ ಉದ್ಯಮಕ್ಕೆ ಇರುವ ಹಲವಾರು ನಿಯಂತ್ರಣ ಕ್ರಮಗಳ ಮಾರ್ಗಸೂಚಿಯನ್ನು ಸಡಿಲಗೊಳಿಸಿದೆ. ಇದು ಈ ಉದ್ಯಮಕ್ಕೆ ಭಾರಿ ಉತ್ತೇಜನ ನೀಡಲಿದೆ.
Agencies 24 Jun 2021, 6:39 pm
ಹೈಲೈಟ್ಸ್:
- ಭಾರತದ ಬಿಪಿಒ ಉದ್ಯಮಕ್ಕೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಭಾರಿ ಪೈಪೋಟಿ
- ಕಂಪೆನಿಗಳ ನಡುವೆ ಕೆಲಸದ ಹಂಚಿಕೆ ಇನ್ನು ಸರಳ, ಹೊರಗುತ್ತಿಗೆಯೂ ಸಲೀಸು
- ಯಾವುದೇ ಸ್ಥಳದಿಂದ ಕೆಲಸ ಮಾಡುವ ಚಟುವಟಿಕೆಗೂ ಅನುಕೂಲ
ಹೊಸದಿಲ್ಲಿ: ಫಿಲಿಪ್ಪೀನ್ಸ್, ಮೆಕ್ಸಿಕೋ, ಮಲೇಷ್ಯಾ ಮತ್ತು ಕೆನಡಾಗಳಂತಹ ವಿವಿಧ ದೇಶಗಳಿಂದ ಎದುರಾಗುತ್ತಿರುವ ಸ್ಪರ್ಧೆಯ ಕಾರಣದಿಂದ, ಭಾರತೀಯ ಬಿಪಿಒ ಉದ್ಯಮಕ್ಕೆ ಇರುವ ಅನೇಕ ನಿಯಂತ್ರಣ ಅನುಮೋದನೆ ಹಾಗೂ ನಿಯಮಗಳಿಂದ ವಿಮುಕ್ತಿ ನೀಡಲು ಕೇಂದ್ರ ಸರಕಾರ ಮುಂದಾಗಿದೆ. ಈ ನಡೆಯು ಬಿಪಿಒ ಉದ್ಯಮ ಪ್ರಮಾಣ ಹಾಗೂ ವೇಗವನ್ನು ವೃದ್ಧಿಸಲು ವಿಭಿನ್ನ ಸಂಸ್ಥೆಗಳ ನಡುವೆ ಮೂಲಸೌಕರ್ಯ ಹಾಗೂ ಕೆಲಸದ ಹಂಚಿಕೆಯ ಪ್ರಕ್ರಿಯೆಯನ್ನು ಸರಳಗೊಳಿಸಲಿದೆ.
ಧ್ವನಿ ಆಧಾರಿತ ಬಿಪಿಒಗಳಿಗೆ ಇದರಿಂದ ಮುಖ್ಯವಾಗಿ ಅನುಕೂಲವಾಗಲಿದ್ದು, ಕೆಲಸಗಳನ್ನು ಪರಸ್ಪರ ಹಂಚಿಕೊಳ್ಳಲು ಇರುವ ಹಲವಾರು ಅಡೆತಡೆಗಳು ನಿವಾರಣೆಯಾಗುವುದರಿಂದ ಸೇವೆಗಳ ಹೊರಗುತ್ತಿಗೆ ಒದಗಿಸಲು ಕಂಪೆನಿಗಳಿಗೆ ಅನುವು ಮಾಡಿಕೊಡಲಿದೆ. ಜತೆಗೆ ಒಂದೇ ಮೂಲಸೌಕರ್ಯದಲ್ಲಿ ದೇಶಿ ಹಾಗೂ ಅಂತಾರಾಷ್ಟ್ರೀಯ ಕಾರ್ಯ ನಿಯೋಜನೆಗಳನ್ನು ತೆಗೆದುಕೊಳ್ಳಲು, ದೂರದ ಊರುಗಳಲ್ಲಿ ನೆಲೆಸಿರುವ ಉದ್ಯೋಗಿಗಳಿಗೆ ಸಾಂಕ್ರಾಮಿಕದ ಸಂದರ್ಭದಲ್ಲಿ ಸುಲಭವಾಗಿ ಕೆಲಸ ನಿರ್ವಹಿಸಲು ಕೂಡ ಇದು ಅವಕಾಶ ನೀಡಲಿದೆ.
'ಇತರೆ ಸೇವಾ ಪೂರೈಕೆದಾರರು' (ಒಎಸ್ಪಿ) ಸಂಬಂಧಿಸಿದ ಪರಿಷ್ಕೃತ ಮಾರ್ಗಸೂಚಿಯನ್ನು ಸರಕಾರ ಬಿಡುಗಡೆ ಮಾಡಿದ್ದು, ಭಾರತೀಯ ಐಟಿ ವಲಯದ ಕಾರ್ಯ ಚಟುವಟಿಕೆಗಳಿಗೆ ಇರುವ ನಿರ್ಬಂಧಗಳನ್ನು ಸಡಿಲಗೊಳಿಸುವ ಹೆಜ್ಜೆಗಳನ್ನು ಇರಿಸಲಾಗಿದೆ. ದೂರದ ಊರುಗಳಿಂದ ಕೆಲಸ ಮಾಡುವುದು, ಯಾವುದೇ ಸ್ಥಳದಿಂದ ಕೆಲಸ ಮಾಡುವುದು ಮುಂತಾದ ಆಯ್ಕೆಗಳಿಗೆ ಅವಕಾಶ ನೀಡುತ್ತಿದೆ.
38.5 ಬಿಲಿಯನ್ ಡಾಲರ್ ಆದಾಯ ವೃದ್ಧಿ
ಹೊಸ ನಿಯಮಗಳಿಂದಾಗಿ ಭಾರತದಲ್ಲಿನ ಐಟಿ-ಬಿಪಿಎಂ (ವ್ಯವಹಾರ ಪ್ರಕ್ರಿಯೆ ನಿರ್ವಹಣೆ) ಉದ್ಯಮವು 2021-22ನೇ ಹಣಕಾಸು ವರ್ಷದಲ್ಲಿ 38.5 ಬಿಲಿಯನ್ ಡಾಲರ್ ಆದಾಯ ವೃದ್ಧಿಯನ್ನು ಕಾಣಲಿದೆ ಎಂದು ಅಂದಾಜಿಸಲಾಗಿದೆ. ನಿಯಮಗಳ ಸಡಿಲಿಕೆಯಿಂದಾಗಿ ಅಂತಾರಾಷ್ಟ್ರೀಯ ಮಟ್ಟದ ಸ್ಪರ್ಧೆಗಳನ್ನು ಎದುರಿಸುವಷ್ಟು ಉದ್ಯಮವು ಬೆಳೆಯುವ ನಿರೀಕ್ಷೆ ಹೊಂದಲಾಗಿದೆ.
ಪ್ರಧಾನಿ ಮೋದಿ ಟ್ವೀಟ್
'2020ರ ನವೆಂಬರ್ನಲ್ಲಿ ಒಎಸ್ಪಿ ಮಾರ್ಗಸೂಚಿಗಳನ್ನು ಸಡಿಲಗೊಳಿಸುವ ಮೂಲಕ ಬಿಪಿಒ ಉದ್ಯಮಕ್ಕೆ ಉತ್ತೇಜನ ನೀಡಲು ಪ್ರಯತ್ನಿಸಲಾಗಿತ್ತು. ಈಗ ಅವುಗಳಲ್ಲಿ ಮತ್ತಷ್ಟು ವಿನಾಯಿತಿ ನೀಡಲಾಗಿದೆ. ಇದರಿಂದ ಉದ್ಯಮ ಸುಗಮವಾಗಲಾಗಿದ್ದು ಹಾಗೂ ನಿಯಂತ್ರಣಗಳಲ್ಲಿ ಸ್ಪಷ್ಟತೆ ದೊರಕಲಿದೆ. ಇದು ನಮ್ಮ ತಾಂತ್ರಿಕ ಉದ್ಯಮದ ಸಂಕೀರ್ಣ ಹೊರೆಯನ್ನು ತಗ್ಗಿಸಲಿದೆ' ಎಂದು ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್ ಮಾಡಿದ್ದಾರೆ.
ಧ್ವನಿ ಆಧಾರಿತ ಬಿಪಿಒಗಳಿಗೆ ಇದರಿಂದ ಮುಖ್ಯವಾಗಿ ಅನುಕೂಲವಾಗಲಿದ್ದು, ಕೆಲಸಗಳನ್ನು ಪರಸ್ಪರ ಹಂಚಿಕೊಳ್ಳಲು ಇರುವ ಹಲವಾರು ಅಡೆತಡೆಗಳು ನಿವಾರಣೆಯಾಗುವುದರಿಂದ ಸೇವೆಗಳ ಹೊರಗುತ್ತಿಗೆ ಒದಗಿಸಲು ಕಂಪೆನಿಗಳಿಗೆ ಅನುವು ಮಾಡಿಕೊಡಲಿದೆ. ಜತೆಗೆ ಒಂದೇ ಮೂಲಸೌಕರ್ಯದಲ್ಲಿ ದೇಶಿ ಹಾಗೂ ಅಂತಾರಾಷ್ಟ್ರೀಯ ಕಾರ್ಯ ನಿಯೋಜನೆಗಳನ್ನು ತೆಗೆದುಕೊಳ್ಳಲು, ದೂರದ ಊರುಗಳಲ್ಲಿ ನೆಲೆಸಿರುವ ಉದ್ಯೋಗಿಗಳಿಗೆ ಸಾಂಕ್ರಾಮಿಕದ ಸಂದರ್ಭದಲ್ಲಿ ಸುಲಭವಾಗಿ ಕೆಲಸ ನಿರ್ವಹಿಸಲು ಕೂಡ ಇದು ಅವಕಾಶ ನೀಡಲಿದೆ.
'ಇತರೆ ಸೇವಾ ಪೂರೈಕೆದಾರರು' (ಒಎಸ್ಪಿ) ಸಂಬಂಧಿಸಿದ ಪರಿಷ್ಕೃತ ಮಾರ್ಗಸೂಚಿಯನ್ನು ಸರಕಾರ ಬಿಡುಗಡೆ ಮಾಡಿದ್ದು, ಭಾರತೀಯ ಐಟಿ ವಲಯದ ಕಾರ್ಯ ಚಟುವಟಿಕೆಗಳಿಗೆ ಇರುವ ನಿರ್ಬಂಧಗಳನ್ನು ಸಡಿಲಗೊಳಿಸುವ ಹೆಜ್ಜೆಗಳನ್ನು ಇರಿಸಲಾಗಿದೆ. ದೂರದ ಊರುಗಳಿಂದ ಕೆಲಸ ಮಾಡುವುದು, ಯಾವುದೇ ಸ್ಥಳದಿಂದ ಕೆಲಸ ಮಾಡುವುದು ಮುಂತಾದ ಆಯ್ಕೆಗಳಿಗೆ ಅವಕಾಶ ನೀಡುತ್ತಿದೆ.
38.5 ಬಿಲಿಯನ್ ಡಾಲರ್ ಆದಾಯ ವೃದ್ಧಿ
ಹೊಸ ನಿಯಮಗಳಿಂದಾಗಿ ಭಾರತದಲ್ಲಿನ ಐಟಿ-ಬಿಪಿಎಂ (ವ್ಯವಹಾರ ಪ್ರಕ್ರಿಯೆ ನಿರ್ವಹಣೆ) ಉದ್ಯಮವು 2021-22ನೇ ಹಣಕಾಸು ವರ್ಷದಲ್ಲಿ 38.5 ಬಿಲಿಯನ್ ಡಾಲರ್ ಆದಾಯ ವೃದ್ಧಿಯನ್ನು ಕಾಣಲಿದೆ ಎಂದು ಅಂದಾಜಿಸಲಾಗಿದೆ. ನಿಯಮಗಳ ಸಡಿಲಿಕೆಯಿಂದಾಗಿ ಅಂತಾರಾಷ್ಟ್ರೀಯ ಮಟ್ಟದ ಸ್ಪರ್ಧೆಗಳನ್ನು ಎದುರಿಸುವಷ್ಟು ಉದ್ಯಮವು ಬೆಳೆಯುವ ನಿರೀಕ್ಷೆ ಹೊಂದಲಾಗಿದೆ.
ಪ್ರಧಾನಿ ಮೋದಿ ಟ್ವೀಟ್
'2020ರ ನವೆಂಬರ್ನಲ್ಲಿ ಒಎಸ್ಪಿ ಮಾರ್ಗಸೂಚಿಗಳನ್ನು ಸಡಿಲಗೊಳಿಸುವ ಮೂಲಕ ಬಿಪಿಒ ಉದ್ಯಮಕ್ಕೆ ಉತ್ತೇಜನ ನೀಡಲು ಪ್ರಯತ್ನಿಸಲಾಗಿತ್ತು. ಈಗ ಅವುಗಳಲ್ಲಿ ಮತ್ತಷ್ಟು ವಿನಾಯಿತಿ ನೀಡಲಾಗಿದೆ. ಇದರಿಂದ ಉದ್ಯಮ ಸುಗಮವಾಗಲಾಗಿದ್ದು ಹಾಗೂ ನಿಯಂತ್ರಣಗಳಲ್ಲಿ ಸ್ಪಷ್ಟತೆ ದೊರಕಲಿದೆ. ಇದು ನಮ್ಮ ತಾಂತ್ರಿಕ ಉದ್ಯಮದ ಸಂಕೀರ್ಣ ಹೊರೆಯನ್ನು ತಗ್ಗಿಸಲಿದೆ' ಎಂದು ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್ ಮಾಡಿದ್ದಾರೆ.