ವಾಹನ ನೋಂದಣಿ ನೀತಿ ಸುಧಾರಣೆಗೆ ಅಧಿಸೂಚನೆ: ಅಂಗವಿಕಲರಿಗೂ ಸಿಗಲಿದ ಮಾಲೀಕತ್ವ!

ಹೊಸದಿಲ್ಲಿ: ಮೋಟಾರು ವಾಹನಗಳ ದಾಖಲಾತಿಗಳಲ್ಲಿ ಮಾಲಿಕತ್ವದ ವಿವರಗಳಿಗೆ ಸಂಬಂಧಿಸಿದ ನೀತಿಯ ಸುಧಾರಣೆಗೆ ಸಾರಿಗೆ ಸಚಿವಾಲಯವು ಅಧಿಸೂಚನೆ ಪ್ರಕಟಿಸಿದೆ.

ಸದ್ಯದ ಮೋಟಾರು ವಾಹನ ನಿಯಮಗಳಲ್ಲಿ (1989) ಮಾಹನದ ಮಾಲಿಕತ್ವ ವಿವರಗಳಲ್ಲಿ ವಿಶೇಷ ಚೇತನರ ಬಗ್ಗೆ ಸ್ಪಷ್ಟವಾಗಿ ವಿವರಗಳನ್ನು ನಮೂದಿಸಲು ಅವಕಾಶ ಇರಲಿಲ್ಲ. ಇದರಿಂದಾಗಿ ಅವರಿಗೆ ಸಮಸ್ಯೆಯಾಗುತ್ತಿತ್ತು. ಆದರೆ ನೀತಿಗಳ ಸುಧಾರಣೆಯ ಪರಿಣಾಮ ಅನುಕೂಲವಾಗಲಿದೆ ಎಂದು ಸರಕಾರ ತಿಳಿಸಿದೆ.

ಸಾರಿಗೆ ಸಚಿವಾಲಯವು 2020ರ ಅಕ್ಟೋಬರ್‌ 22ರಂದು ಮೋಟಾರು ವಾಹನ ನಿಯಮಾವಳಿಗಳಿಗೆ ತಿದ್ದುಪಡಿ ಹೊರಡಿಸಿದೆ. ಮುಖ್ಯವಾಗಿ ವಿಶೇಷ ಚೇತನರಿಗೆ ಇದರಿಂದ ಪ್ರಯೋಜನವಾಗಲಿದೆ ಎಂದು ಸಾರಿಗೆ ಇಲಾಖೆಯ ಹೇಳಿಕೆ ತಿಳಿಸಿದೆ.

ಬೆಂಗಳೂರು: ಸಂಚಾರ ನಿಯಮ ಉಲ್ಲಂಘಿಸಿದ್ರೆ ಮನೆ ಬಾಗಿಲಿಗೆ ಬರ್ತಾರೆ ಪೊಲೀಸರು!

ಪರಿಷ್ಕೃತ ನಿಯಮಾವಳಿಗಳ ಅಡಿಯಲ್ಲಿ ಸ್ವಾಯತ್ತ ಸಂಸ್ಥೆಗಳು, ಕೇಂದ್ರ ಸರಕಾರ, ಚಾರಿಟೆಬಲ್‌ ಟ್ರಸ್ಟ್‌, ಶಿಕ್ಷಣ ಸಂಸ್ಥೆ, ಸ್ಥಳೀಯಾಡಳಿತ, ಜಂಟಿ ಮಾಲಿಕತ್ವ, ಪೊಲೀಸ್‌ ಇಲಾಖೆ, ವಿಶೇಷ ಚೇತನರು ಇತ್ಯಾದಿ ವಲಯದ ಮಾಲಿಕತ್ವದ ವಿವರಗಳು ಸ್ಪಷ್ಟವಾಗಿ ನಮೂದಾಗಲಿವೆ.

ಆಟೋ ಚಾಲಕರಿಗೆ ಟ್ರಾಫಿಕ್‌ ಸ್ಟಿಕ್ಕರ್‌, ಸ್ಮಾರ್ಟ್‌ ಡಿಸ್‌ಪ್ಲೇ ಕಾರ್ಡ್‌: ಅಂಗೈನಲ್ಲೇ ಚಾಲಕರ ಮಾಹಿತಿ!

ಯಾರಿಗೆ ಪ್ರಯೋಜನ?
ಹಳೆಯ ವಾಹನ ಕಾಯಿದೆಯಲ್ಲಿ ವಿಶೇಷಚೇತನರಿಗೆ ವಾಹನ ಮಾಲಿಕತ್ವ ಕುರಿತು ಸ್ಪಷ್ಟವಾಗಿ ನಮೂದಿಸಲು ಅವಕಾಶ ಇರದ ಪರಿಣಾಮ ಕೆಲವು ಕೈಗಾರಿಕಾ ವಲಯಗಳಲ್ಲಿ ವಿದೇಶಿ ಹಣಕಾಸು ನೆರವು ಪಡೆಯಲು ಹಾಗೂ ಸರಕಾರದ ಕೆಲವು ಯೋಜನೆಗಳ ಅನುಕೂಲ ಪಡೆಯಲು ಕಷ್ಟವಾಗುತ್ತಿತ್ತು. ಇದೀಗ ಬದಲಾವಣೆಯಿಂದ ನಾನಾ ಯೋಜನೆಗಳ ಪ್ರಯೋಜನ ಪಡೆಯಲು ಅನುಕೂಲವಾಗಲಿದೆ.