ಬ್ಯಾಂಕ್‌ಗಳಿಗೆ 83,000 ಕೋಟಿ ರೂ. ನೆರವು

ಹೊಸದಿಲ್ಲಿ : ಸಾರ್ವಜನಿಕ ವಲಯದ ಬ್ಯಾಂಕ್‌ಗಳಿಗೆ ಸರಕಾರ ಮುಂದಿನ ಕೆಲ ತಿಂಗಳುಗಳಲ್ಲಿ 83,000 ಕೋಟಿ ರೂ.ಗಳನ್ನು ಬಿಡುಗಡೆ ಮಾಡಲಿದೆ ಎಂದು ಹಣಕಾಸು ಸಚಿವ ಅರುಣ್‌ ಜೇಟ್ಲಿ ತಿಳಿಸಿದ್ದಾರೆ.
ಇದರೊಂದಿಗೆ ಪ್ರಸಕ್ತ ಸಾಲಿನಲ್ಲಿ ಸಾರ್ವಜನಿಕ ಬ್ಯಾಂಕ್‌ಗಳಿಗೆ ಸರಕಾರದ ಆರ್ಥಿಕ ನೆರವಿನ ಒಟ್ಟು ಮೊತ್ತ 1.06 ಲಕ್ಷ ಕೋಟಿ ರೂ.ಗಳಿಗೆ ಏರಿಕೆಯಾದಂತಾಗಿದೆ.
ಇದರಿಂದ ಬ್ಯಾಂಕ್‌ಗಳ ಸಾಲ ವಿತರಣೆಯ ಸಾಮರ್ಥ್ಯ‌ ವೃದ್ಧಿಸಲಿದೆ. ಆರ್‌ಬಿಐನ ಪಿಸಿಎ ನಿಯಮಾವಳಿಗಳಿಂದ ಹೊರಬರಲು ಸಹಾಯಕವಾಗಲಿದೆ. ಪಿಸಿಎ ಚೌಕಟ್ಟಿನಡಿಯಲ್ಲಿ ಆರ್‌ಬಿಐ, ವಸೂಲಾಗದ ಸಾಲ ಹೆಚ್ಚಾಗಿರುವ ಬ್ಯಾಂಕ್‌ಗಳಿಗೆ ಸಾಲ ವಿತರಣೆಗೆ ಸಂಬಂಧಿಸಿ ನಿರ್ಬಂಧ ವಿಧಿಸಬಹುದು.