ಹೊಸ ಕಂಪನಿಗೆ ಪರಭಾರೆಯಾಗಲಿದೆ ಏರ್ ಇಂಡಿಯಾ ಸಾಲ

ಹೊಸದಿಲ್ಲಿ: ಸಾಲದ ಹೊರೆಗೆ ಸಿಕ್ಕಿ ನಷ್ಟದ ಹಾದಿಯಲ್ಲಿರುವ ಏರ್ ಇಂಡಿಯಾವನ್ನು ಖಾಸಗಿ ಸಂಸ್ಥೆಗೆ ಮಾರಾಟ ಮಾಡಲು ಸರಕಾರ ನಿರ್ಧರಿಸಿದ್ದು, ಮಾರಾಟ ಮಾಡುವ ಜತೆಗೆ ನೂತನ ಕಂಪನಿಗೆ 30,000 ಕೋಟಿ ರೂ. ಸಾಲದ ಹೊರೆಯೂ ವರ್ಗಾವಣೆಯಾಗಲಿದೆ.

ಏರ್ ಇಂಡಿಯಾ ಒಟ್ಟಾರೆ 55,000 ಕೋಟಿ ರೂ. ಸಾಲದ ಹೊಂದಿದೆ. ಅದರಲ್ಲಿ 29,000-30,000 ಕೋಟಿ ರೂ. ಸಾಲ ಹೊಸ ಕಂಪನಿಗೆ ವರ್ಗಾವಣೆ ಮಾಡಲು ಸರಕಾರ ನಿರ್ಧರಿಸಿದೆ. ನಷ್ಟದ ಹಾದಿಯಿಂದ ಏರ್ ಇಂಡಿಯಾವನ್ನು ಪಾರು ಮಾಡಲು ಸರಕಾರ ಹಲವು ಕ್ರಮ ಕೈಗೊಂಡಿದ್ದು, ಹಲವು ಬಾರಿ ಏರ್ ಇಂಡಿಯಾ ಮಾರಾಟಕ್ಕೆ ಯತ್ನಿಸಿದರೂ, ಪ್ರಯೋಜನವಾಗಿರಲಿಲ್ಲ.

55,000 ಕೋಟಿ ರೂ. ಸಾಲದ ಪೈಕಿ ಮಾರಾಟಗಾರರಿಗೆ ಪಾವತಿಗೆ ಬಾಕಿ ಉಳಿಸಿಕೊಂಡಿರುವ ಮೊತ್ತವನ್ನು ಒಳಗೊಂಡಿಲ್ಲ.

ಕಂಪನಿ ಮಾರಾಟದ ಜತೆಗೆ ಏರ್ ಇಂಡಿಯಾದ ಅಂಗಸಂಸ್ಥೆಗಳ ಮಾರಾಟಕ್ಕೂ ಸರಕಾರ ಮುಂದಾಗಿದೆ. ಸಾಲದ ವರ್ಗಾವಣೆಯಿಂದ ಏರ್ ಇಂಡಿಯಾ ಮೇಲಿನ ಬಹುದೊಡ್ಡ ಹೊರೆ ಇಳಿಕೆಯಾಗುವ ನಿರೀಕ್ಷೆಯಿದೆ.