ಭಾರತದ ಪ್ರಗತಿಯ ವೇಗ ಹೆಚ್ಚಳ: ವಿಶ್ವ ಬ್ಯಾಂಕ್‌

ವಾಷಿಂಗ್ಟನ್‌: ಭಾರತದ ಪ್ರಗತಿಯು ಸದೃಢವಾಗಿದೆ. ಅದು ಇನ್ನಷ್ಟು ವೇಗವನ್ನು ಪಡೆಯಲಿದೆ. 2018-19ರ ಆರ್ಥಿಕ ವರ್ಷದಲ್ಲಿ ಜಿಡಿಪಿ ಶೇ.7.3ರಷ್ಟು ಮುಟ್ಟಲಿದೆ. 2018-19ರಲ್ಲಿ ಅದು ಶೇ.7.5ಕ್ಕೆ ಏರಿಕೆಯಾಗಲಿದೆ ಎಂದು ವಿಶ್ವಬ್ಯಾಂಕ್‌ ಭಾನುವಾರ ಹೇಳಿದೆ.

''ನೋಟು ಅಮಾನ್ಯತೆ ಮತ್ತು ಜಿಎಸ್‌ಟಿ ಜಾರಿಯಿಂದ ಉಂಟಾಗಿದ್ದ ಅಡ್ಡಿಗಳನ್ನು ದಾಟಿಕೊಂಡು ಭಾರತ ಮುನ್ನಡೆದಿದೆ. ಜಿಎಸ್‌ಟಿ ಅನುಷ್ಠಾನ, ಬ್ಯಾಂಕ್‌ಗಳಿಗೆ ಮರು ಬಂಡವಾಳ ಪೂರೈಕೆಯಿಂದ ಭಾರತದ ಪ್ರಗತಿ ಮತ್ತಷ್ಟು ವೇಗ ಪಡೆಯಲಿದೆ,'' ಎಂದು ದಕ್ಷಿಣ ಏಷ್ಯಾಕ್ಕೆ ಸಂಬಂಧಿಸಿದ ಹೊಸ ವರದಿಯಲ್ಲಿ ವಿಶ್ವಬ್ಯಾಂಕ್‌ ಅಭಿಪ್ರಾಯಪಟ್ಟಿದೆ.

ಉತ್ಪಾದನಾ ವಲಯದಲ್ಲಿ ಬೆಳವಣಿಗೆಯು ಶೇ.8.8ರಷ್ಟಿದೆ. ವರ್ಷದ ಮೊದಲಾರ್ಧದಲ್ಲಿ ಅದು ಶೇ.2.7ರಷ್ಟಿತ್ತು. ಈ ಬೆಳವಣಿಗೆಯು ಶೇ.7.7ರ ಸ್ಥಿರತೆಯನ್ನು ಕಾಯ್ದುಕೊಳ್ಳಲಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ.