8 ಪ್ರಮುಖ ಕೈಗಾರಿಕಾ ವಲಯಗಳ ಬೆಳವಣಿಗೆ ಮೈನಸ್‌ 9.6%!

ಹೊಸದಿಲ್ಲಿ: ದೇಶದ ಮೂಲ ಸೌಕರ್ಯಕ್ಕೆ ಸಂಬಂಧಿಸಿದ ಎಂಟು ಪ್ರಮುಖ ಕೈಗಾರಿಕಾ ವಲಯಗಳ ಬೆಳವಣಿಗೆಯು ಸತತ 5ನೇ ತಿಂಗಳಾದ ಜುಲೈನಲ್ಲೂ ಇಳಿಕೆಯ ಹಾದಿಯಲ್ಲಿ ಮುಂದುವರೆದಿದೆ. ಜುಲೈನಲ್ಲಿ ಮೈನಸ್‌ ಶೇ. 9.6ರಷ್ಟು ಕುಸಿತ ಕಂಡು ಬಂದಿದೆ. 2019ರ ಜುಲೈನಲ್ಲಿ ಶೇ.2.6ರ ಬೆಳವಣಿಗೆ ದಾಖಲಾಗಿತ್ತು.

ಆದಾಗ್ಯೂ, ಕಳೆದ ತಿಂಗಳಿಗೆ ಹೋಲಿಸಿದರೆ ಅಲ್ಪ ಬೆಳವಣಿಗೆ ಕಂಡು ಬಂದಿದೆ. ಜೂನ್‌ನಲ್ಲಿ ಮೈನಸ್‌ ಶೇ. 12.9 ಕುಸಿತ ದಾಖಲಾಗಿತ್ತು. ಪ್ರಮುಖ ಎಂಟು ಕೈಗಾರಿಕಾ ವಲಯಗಳಲ್ಲಿ ರಸಗೊಬ್ಬರ ಹೊರತು ಪಡಿಸಿದರೆ, ಉಳಿದ 7 ವಲಯಗಳಲ್ಲೂ ನಕಾರಾತ್ಮಕ ಬೆಳವಣಿಗೆ ದಾಖಲಾಗಿದೆ.

ಕಲ್ಲಿದ್ದಲು, ಕಚ್ಚಾ ತೈಲ, ನೈಸರ್ಗಿಕ ಅನಿಲ, ಸಂಸ್ಕರಿತ ಉತ್ಪನ್ನಗಳು, ಉಕ್ಕು, ಸಿಮೆಂಟ್‌, ವಿದ್ಯುತ್‌ ವಲಯಗಳಲ್ಲಿ ಬೆಳವಣಿಗೆ ನಕಾರಾತ್ಮಕ ಮಟ್ಟದಲ್ಲಿ ಮುಂದುವರೆದಿದೆ. ರಸಗೊಬ್ಬರ ವಲಯದಲ್ಲಿ ಬೆಳವಣಿಗೆ ಶೇ.6.9ರಷ್ಟಿದೆ. ಕಳೆದ ವರ್ಷದ ಜುಲೈನಲ್ಲಿ ಇದು ಶೇ.1.5ರಷ್ಟಿತ್ತು.
2020-21ರ ಒಟ್ಟಾರೆ ಬೆಳವಣಿಗೆಯು ಶೇ.20.5ರಷ್ಟಿತ್ತು.

ಮೊದಲ ತ್ರೈಮಾಸಿಕದಲ್ಲಿ ಜಿಡಿಪಿ 23.9% ಇಳಿಕೆ, ಭಾರತದ ಇತಿಹಾಸದ ಮಹಾ ಆರ್ಥಿಕ ಕುಸಿತ

ಪ್ರಮುಖ 8 ವಲಯಗಳಲ್ಲಿನ ಬೆಳವಣಿಗೆ

ಮಾರ್ಚ್‌ -6.5%
ಏಪ್ರಿಲ್‌ -38.1%
ಮೇ -23.4%
ಜೂನ್‌ -12.9
ಜುಲೈ -9.6%