ಶೀಘ್ರದಲ್ಲೇ ಜಿಎಸ್‌ಟಿ ದರ ಪರಿಷ್ಕರಣೆ : ಹೆಚ್ಚಲಿದೆ ಕೆಲ ಸರಕುಗಳ ದರ

ಹೊಸದಿಲ್ಲಿ: ಸರಕು ಮತ್ತು ಸೇವಾ ತೆರಿಗೆ(ಜಿಎಸ್‌ಟಿ) ಮಂಡಳಿಯು ಡಿಸೆಂಬರ್‌ 18ರಂದು ಸಭೆ ಸೇರಲಿದ್ದು, ತೆರಿಗೆ ಸಂಗ್ರಹದ ಕೊರತೆಯ ಬಗ್ಗೆ ರಾಜ್ಯಗಳ ಜತೆ ಪರಾಮರ್ಶೆ ನಡೆಸುವ ನಿರೀಕ್ಷೆ ಇದೆ. ಇದರೊಟ್ಟಿಗೆ ಜಿಎಸ್‌ಟಿ ದರಗಳನ್ನು ಪರಿಷ್ಕರಿಸಲಿದ್ದು, ಕೆಲವು ವಸ್ತುಗಳ ದರ ಏರಿಕೆಯಾಗುವ ಸಾಧ್ಯತೆ ಇದೆ.

ಆರ್ಥಿಕ ಹಿಂಜರಿತದಿಂದ ಪ್ರಸಕ್ತ ವರ್ಷದ ಜಿಎಸ್‌ಟಿ ಆದಾಯ ನಿರೀಕ್ಷೆಯಷ್ಟಿಲ್ಲ. ತೆರಿಗೆ ಸಂಗ್ರಹ ಇಳಿಕೆಯಾಗಿರುವುದರಿಂದ ಜಿಎಸ್‌ಟಿ ದರಗಳ ಪರಿಷ್ಕರಣೆ ಮಾಡುವ ಅನಿವಾರ್ಯತೆ ಸರಕಾರದ ಮುಂದಿದೆ. ಕೆಲ ವಸ್ತುಗಳ ಮೇಲಿನ ಜಿಎಸ್‌ಟಿ ದರವನ್ನು ಸರಕಾರ ಏರಿಕೆ ಮಾಡುವ ಅವಕಾಶಗಳಿವೆ ಎಂದು ಅಧಿಕಾರಿಗಳು ಅಭಿಪ್ರಾಯಪಟ್ಟಿದ್ದಾರೆ.

ಡಿ.18ರ ಸಭೆ ಕುರಿತಾಗಿ ಈಗಾಗಲೇ ಜಿಎಸ್‌ಟಿ ಮಂಡಳಿಯು ರಾಜ್ಯಗಳಿಗೆ ಪತ್ರ ಬರೆದಿದ್ದು, ಕಂದಾಯ ನಷ್ಟಕ್ಕೆ ಸಂಬಂಧಿಸಿದಂತೆ ರಾಜ್ಯಗಳಿಗೆ ಪರಿಹಾರ ನೀಡಲು ಅಸಹಾಯಕತೆ ವ್ಯಕ್ತಪಡಿಸುವ ಸಾಧ್ಯತೆ ಇದೆ. ಪರಿಹಾರ ಮೊತ್ತವನ್ನು ನೀಡುವಲ್ಲಿಕೇಂದ್ರವು ವಿಳಂಬ ಮಾಡುತ್ತಿದೆ ಎನ್ನುವ ದೂರುಗಳು ರಾಜ್ಯಗಳಿಂದ ಬಂದಿದ್ದು, ಈ ನಿಟ್ಟಿನಲ್ಲಿಸಭೆ ಮಹತ್ವ ಪಡೆದಿದೆ ಎಂದು ಮೂಲಗಳು ತಿಳಿಸಿವೆ.

ಆರ್ಥಿಕ ಬಿಕ್ಕಟ್ಟಿನ ಪರಿಸ್ಥಿತಿಯಲ್ಲೂ ಶೇ.6ರಷ್ಟು ಹೆಚ್ಚಿದ ಜಿಎಸ್‌ಟಿ ಆದಾಯ

ಜಿಎಸ್‌ಟಿ ಸರಳೀಕರಣದ ವಿಷಯವನ್ನು ಈಗಾಗಲೇ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಪ್ರಸ್ತಾಪಿಸಿದ್ದು, ಈ ಅಂಶವೂ ಸಭೆಯಲ್ಲಿಚರ್ಚೆಯಾಗಲಿದೆ. ಕಳೆದ ಎರಡು ತಿಂಗಳಿಂದ ತೀವ್ರ ಕುಸಿದಿದ್ದ ಜಿಎಸ್‌ಟಿ ಆದಾಯವು ನವೆಂಬರ್‌ನಲ್ಲಿಶೇ.6ರಷ್ಟು ಏರಿಕೆಯಾಗಿದ್ದು, ಒಂದು ಲಕ್ಷ ಕೋಟಿ ರೂ.ಗಳನ್ನು ಮೀರಿದೆ. ಜಿಎಸ್‌ಟಿ ಸಭೆಯು ಆದಾಯ ಕ್ರೋಡೀಕರಣಕ್ಕೆ ಹೆಚ್ಚು ಆದ್ಯತೆ ನೀಡಲಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಚುನಾವಣಾ ಉಪಸಮರ: ಯಾವ ಪಕ್ಷಕ್ಕೆ ಎಷ್ಟು ಟಾರ್ಗೆಟ್? ಬಿಜೆಪಿ ಉಳಿಯಲು ಎಷ್ಟು ಗೆಲ್ಬೇಕು?