ಜಿಎಸ್‌ಟಿ ಆಗಸ್ಟ್‌ಗಿಂತ ಸೆಪ್ಟೆಂಬರ್‌ನಲ್ಲಿ ಏರಿಕೆ; 94,442 ಕೋಟಿ ರೂ. ಸಂಗ್ರಹ

ಹೊಸದಿಲ್ಲಿ: ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಸಂಗ್ರಹ ಕಳೆದ ಸೆಪ್ಟೆಂಬರ್‌ನಲ್ಲಿ ಏರಿಕೆಯಾಗಿದೆ.

ಕಳೆದ ಆಗಸ್ಟ್‌ ತಿಂಗಳಿಗೆ ಹೋಲಿಸಿದರೆ ಜಿಎಸ್‌ಟಿ ಸಂಗ್ರಹ ಗಣನೀಯವಾಗಿ ಹೆಚ್ಚಳವಾಗಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಸೆಪ್ಟೆಂಬರ್ ತಿಂಗಳಿನಲ್ಲಿ ಜಿಎಸ್‌ಟಿ ಸಂಗ್ರಹ 94,442 ರೂಪಾಯಿಗಳಾಗಿದೆ. 67 ಲಕ್ಷ ಜಿಎಸ್‌ಟಿ ಅರ್ಜಿ ಸಲ್ಲಿಕೆಯಾಗಿದೆ.

ಈ ಪೈಕಿ ಸೆಂಟ್ರಲ್‌ ಜಿಎಸ್‌ಟಿ 15,318 ರೂಪಾಯಿಗಳು ಹಾಗೂ ರಾಜ್ಯ ಜಿಎಸ್‌ಟಿ 21,061 ರೂಪಾಯಿ. ಹಾಗೂ ಸಂಯೋಜಿತ ಜಿಎಸ್‌ಟಿ 50,070 ರೂಪಾಯಿಗಳಾಗಿದೆ ಎಂದು ಹಣಕಾಸು ಸಚಿವಾಲಯ ಮಾಹಿತಿ ನೀಡಿದೆ.

ಸೆಪ್ಟೆಂಬರ್‌ ತಿಂಗಳಿನಲ್ಲಿ ಕೇಂದ್ರ ಮತ್ತು ರಾಜ್ಯ ಜಿಎಸ್‌ಟಿ ಗಳಿಕೆ ಕ್ರಮವಾಗಿ 30,574 ರೂಪಾಯಿ ಹಾಗೂ 35,015 ರೂಪಾಯಿಗಳಾಗಿದೆ ಎಂದು ಸಚಿವಾಲಯದ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಆಗಸ್ಟ್‌ ತಿಂಗಳಿನಲ್ಲಿ ಜಿಎಸ್‌ಟಿ ಗಳಿಕೆ 93,690 ರೂ.ಗಳಾಗಿತ್ತು.