ಜಿಎಸ್‌ಟಿಯಲ್ಲಿ ನೋಂದಣಿಗೆ ಎಷ್ಟು ದಿನ ಕಾಯಬಹುದು?
ರಾಮ್‌ ಗೋಪಾಲ್‌ ಶರ್ಮಾ
ಬೆಂಗಳೂರು
ಜಿಎಸ್‌ಟಿಯಲ್ಲಿ ನೋಂದಣಿಗೆ ಎಷ್ಟು ದಿನ ಕಾಯಬೇಕಾಗುತ್ತದೆ?
ಜಿಎಸ್‌ಟಿಯಲ್ಲಿ ನೋಂದಣಿಯ ಪ್ರಕ್ರಿಯೆ ಪೂರ್ಣಗೊಳ್ಳಲು ಅರ್ಜಿದಾರರು ಸುಮಾರು 30 ದಿನಗಳ ಕಾಲ ಕಾಯಬಹುದು.
ಗೋಪಾಲ್‌ ರಾವ್‌
ರಾಯಚೂರು
ನಾನು ಸೇವಾ ತೆರಿಗೆಯಲ್ಲಿ ನೋಂದಣಿಯಾಗಿದ್ದೇನೆ. ಆದರೆ ಜಿಎಸ್‌ಟಿಯಲ್ಲಿ ನೋಂದಣಿಯಾಗಲೇಬೇಕಾದ ಉತ್ತರದಾಯಿತ್ವ ಹೊಂದಿಲ್ಲ. ಇಂಥ ಸನ್ನಿವೇಶದಲ್ಲಿ ಏನು ಮಾಡಬಹುದು?
ನೀವು 2017ರ ಜುಲೈ 31ರೊಳಗೆ ನಿಮ್ಮ ತಾತ್ಕಾಲಿಕ ಐಡಿಯನ್ನು (ಜಿಎಸ್‌ಟಿ) ರದ್ದುಪಡಿಸಲು ಮನವಿ ಸಲ್ಲಿಸಬಹುದು.
ನಿತೀಶ್‌ ಕುಮಾರ್‌
ಬೆಂಗಳೂರು
ನಾನೊಬ್ಬ ರಫ್ತುದಾರ. ಸೇವಾ ತೆರಿಗೆಯಲ್ಲಿ ರಿಫಂಡ್‌ ಬರಬೇಕಾಗಿದೆ. ಈಗ ಜಿಎಸ್‌ಟಿ ಬಂದಿರುವುದರಿಂದ ಇದಕ್ಕೆ ಏನಾದರೂ ಸಮಸ್ಯೆ ಆಗಬಹುದೇ?
ಈ ಹಿಂದಿನ ಕಾನೂನು ಪ್ರಕಾರ ಬರಬೇಕಾಗಿರುವ ರಿಫಂಡ್‌, ಆ ಕಾನೂನು ಪ್ರಕಾರವಾಗಿಯೇ ನಿಮಗೆ ಅನ್ವಯವಾಗಲಿದೆ. ಆತಂಕ ಪಡಬೇಕಾದ ಅಗತ್ಯ ಇಲ್ಲ.
ರಾಜೇಶ್‌ ಶರ್ಮಾ
ಮಂಗಳೂರು
ಜಿಎಸ್‌ಟಿಯಲ್ಲಿ ನೋಂದಣಿಯಾಗದಿರುವ ಡೀಲರ್‌ಗಳಿಗೆ ಉತ್ಪನ್ನಗಳನ್ನು ಮಾರಾಟ ಮಾಡುವ ಸಂದರ್ಭ ಅವರ ಪ್ಯಾನ್‌, ಆಧಾರ್‌ ವಿವರಗಳನ್ನು ಪಡೆಯಬೇಕೆ?
ಹಾಗೇನಿಲ್ಲ. ನೋಂದಣಿಯಾಗದಿರುವ ಡೀಲರ್‌ಗಳ ಆಧಾರ್‌, ಪ್ಯಾನ್‌ ವಿವರ ಸಂಗ್ರಹಿಸಬೇಕು ಎನ್ನುವ ನಿಯಮ ಜಿಎಸ್‌ಟಿಯಡಿಯಲ್ಲಿ ಇಲ್ಲ.
ಉತ್ತರಿಸಿದ ತಜ್ಞರು
ಮನೋಹರ್‌ ಬೆಂಗಳೂರು