ಹೊಸದಿಲ್ಲಿ : ಜಿಎಸ್ಟಿಯಲ್ಲಿ ಇತ್ತೀಚೆಗೆ ಕೈಮಗ್ಗ ಮತ್ತು ಕರಕುಶಲ ವಸ್ತುಗಳಿಗೆ ತೆರಿಗೆ ದರವನ್ನು ಕಡಿತಗೊಳಿಸಿದ್ದರೂ, ಸಮಾಧಾನಗೊಳ್ಳದ ಕಲಾವಿದರು, ಇಂಥ ಉತ್ಪನ್ನಗಳಿಗೆ ಸಂಪೂರ್ಣವಾಗಿ ಜಿಎಸ್ಟಿಯಿಂದ ವಿನಾಯಿತಿ ನೀಡಬೇಕು ಎಂದು ಒತ್ತಾಯಿಸಿದ್ದಾರೆ.
ಕ್ರಾಫ್ಟ್ಸ್ ಕೌನ್ಸಿಲ್ ಆಫ್ ಇಂಡಿಯಾ ವತಿಯಿಂದ ಜಿಎಸ್ಟಿ ಕುರಿತು ಆಯೋಜಿಸಿದ್ದ ವಿಚಾರಸಂಕಿರಣದಲ್ಲಿ ಭಾಗವಹಿಸಿದ ಕೈಮಗ್ಗ ಮತ್ತು ಕರಕುಶಲ ಕಲಾವಿದರು, ಕುಶಲಕರ್ಮಿಗಳು ಈ ಒತ್ತಾಯ ಮಾಡಿದರು.
ಜಿಎಸ್ಟಿ ಮಂಡಳಿಯು ನವೆಂಬರ್ 10ರಂದು ನಡೆಸಿದ ಸಭೆಯಲ್ಲಿ ಬಹುತೇಕ ಎಲ್ಲ ಕೈಮಗ್ಗ, ಕರಕುಶಲ ಉತ್ಪನ್ನಗಳ ಜಿಎಸ್ಟಿಯನ್ನು ಶೇ.12ಕ್ಕೆ ತಗ್ಗಿಸಿತ್ತು. ಖಾದಿಯನ್ನು ಈಗ್ಗಾಲೇ ಜಿಎಸ್ಟಿಯಿಂದ ಹೊರಗಿಡಲಾಗಿದೆ. ಇದಕ್ಕೂ ಮುನ್ನ ಈ ಕರಕುಶಲ, ಕೈಮಗ್ಗ ಉತ್ಪನ್ನಗಳಿಗೆ ಶೇ.18ರಿಂದ 28ರ ತನಕ ಜಿಎಸ್ಟಿ ಇತ್ತು.