ಎಚ್‌ಡಿಎಫ್‌ಸಿ ಬ್ಯಾಂಕ್‌ ಲಾಭ ಶೇ.21ರಷ್ಟು ವೃದ್ಧಿ

ಮುಂಬಯಿ: ಎಚ್‌ಡಿಎಫ್‌ಸಿ ಬ್ಯಾಂಕ್‌ ನಿವ್ವಳ ಲಾಭವು ಮೊದಲ ತ್ರೈಮಾಸಿಕದಲ್ಲಿ ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ, ಶೇ.21ರಷ್ಟು ವೃದ್ಧಿಯಾಗಿದೆ. ಈ ತ್ರೈಮಾಸಿಕದಲ್ಲಿ 5,568 ಕೋಟಿ ರೂ. ಲಾಭ ಗಳಿಸಿದ್ದು, ಕಳೆದ ಅವಧಿಯಲ್ಲಿ 4,601 ಕೋಟಿ ರೂ. ದಾಖಲಾಗಿತ್ತು.

ಖಾಸಗಿ ವಲಯದ ಪ್ರಮುಖ ಬ್ಯಾಂಕ್‌ ಆದ ಎಚ್‌ಡಿಎಫ್‌ಸಿಯ ಒಟ್ಟು ಠೇವಣಿ ಮೊತ್ತ ಶೇ.18.50ರಷ್ಟು ವೃದ್ಧಿಯಾಗಿದೆ. ಬ್ಯಾಂಕಿನ ಒಟ್ಟು ಬ್ಯಾಲೆನ್ಸ್‌ ಶೀಟ್‌ ಗಾತ್ರವು 2019ರ ಜೂ.30ಕ್ಕೆ 12,65,253 ಕೋಟಿ ರೂ. ಇದೆ. ಕಳೆದ ವರ್ಷದ ಇದೇ ಅವಧಿಗೆ 10,80,409 ಕೋಟಿ ರೂ. ಇತ್ತು. ವಾಹನ ಸಾಲಗಳ ವಲಯದಲ್ಲಿ ಶೇ.8.3ರಷ್ಟು ಬೆಳವಣಿಗೆ ಕಂಡು ಬಂದಿದೆ.