ಕೊರೊನಾ ನಡುವೆಯೂ ಎಚ್‌ಡಿಎಫ್‌ಸಿ ಬ್ಯಾಂಕ್‌ ಲಾಭ 18% ಏರಿಕೆ, 7,513 ಕೋಟಿ ರೂ.ಗೆ ಹೆಚ್ಚಳ

ಮುಂಬಯಿ: ಕೊರೊನಾ ಬಿಕ್ಕಟ್ಟಿನ ನಡುವೆಯೂ ಎರಡನೇ ತ್ರೈಮಾಸಿಕದಲ್ಲಿ ಎಚ್‌ಡಿಎಫ್‌ಸಿ ಬ್ಯಾಂಕ್‌ ನಿವ್ವಳ ಲಾಭ ಬರೋಬ್ಬರಿ 7,513.11 ಕೋಟಿ ರೂಪಾಯಿಗೆ ಏರಿಕೆಯಾಗಿದೆ. ಸೆಪ್ಟೆಂಬರ್‌ 30ಕ್ಕೆ ಅಂತ್ಯಗೊಂಡ ತ್ರೈಮಾಸಿಕದಲ್ಲಿ ದೇಶದ ಖಾಸಗಿ ರಂಗದ ಅತೀ ದೊಡ್ಡ ಬ್ಯಾಂಕ್‌ ಎಚ್‌ಡಿಎಫ್‌ಸಿಯ ಲಾಭ ಶೇ.18.41ರಷ್ಟು ಏರಿಕೆಯಾಗಿದೆ.

ಕಳೆದ ವರ್ಷದ ಇದೇ ಅವಧಿಯಲ್ಲಿ ಬ್ಯಾಂಕ್‌ 6,344.99 ಕೋಟಿ ರೂ. ಲಾಭ ಗಳಿಸಿತ್ತು. ಇದೇ ಅವಧಿಯಲ್ಲಿ ಬ್ಯಾಂಕ್‌ 33,755 ಕೋಟಿ ರೂ. ಆದಾಯ ಗಳಿಸಿತ್ತು. ಅದು ಈ ಬಾರಿ ಶೇ. 6.86ರಷ್ಟು ಏರಿಕೆ ಕಂಡು 36,069.42 ಕೋಟಿ ರೂ.ಗೆ ಏರಿಕೆಯಾಗಿದೆ.

ನಿವ್ವಳ ಬಡ್ಡಿ ಆದಾಯ ಕೂಡ 13,515.04 ಕೋಟಿ ರೂಪಾಯಿಗಳಿಂದ 15,776.39 ಕೋಟಿ ರೂಪಾಯಿಗೆ ಏರಿಕೆಯಾಗಿದೆ. ಸಂಸ್ಥೆಯ ನಿವ್ವಳ್ಳ ಬಡ್ಡಿ ಆದಾಯದಲ್ಲಿ ಶೇ. 16.73ರಷ್ಟು ಏರಿಕೆ ದಾಖಲಾಗಿದೆ.

ಟಿಸಿಎಸ್‌ Q2 ಲಾಭ 7,475 ಕೋಟಿ ರೂ.ಗೆ ಇಳಿಕೆ, ಸಂಕಷ್ಟದ ನಡುವೆಯೂ ಸಂಬಳ ಏರಿಕೆ, ಷೇರು ಬೈಬ್ಯಾಕ್‌!
ಇನ್ನೊಂದು ಕಡೆ ವಸೂಲಾಗದ ಸಾಲದ ಪ್ರಮಾಣವೂ (ಎನ್‌ಪಿಎ) ಈ ಹಿಂದಿನ ತ್ರೈಮಾಸಿಕದಲ್ಲಿದ್ದ ಶೇ.1.36 ರಿಂದ ಶೇ. 1.08ಕ್ಕೆ ಇಳಿಕೆಯಾಗಿದೆ. ಹಿಂದಿನ ವರ್ಷ ಇದೇ ಅವಧಿಯಲ್ಲಿ ಬ್ಯಾಂಕ್‌ನ ಎನ್‌ಪಿಎ ಪ್ರಮಾಣ ಶೇ. 1.38ರಷ್ಟಿತ್ತು.