ಎಚ್‌ಡಿಎಫ್‌ಸಿ ಲಾಭ ಶೇ.29ರಷ್ಟು ಏರಿಕೆ

ಹೊಸದಿಲ್ಲಿ: ಮಾರ್ಚ್‌ಗೆ ಅಂತ್ಯವಾದ ನಾಲ್ಕನೇ ತ್ರೈಮಾಸಿಕದ ಫಲಿತಾಂಶವನ್ನು ಎಚ್‌ಡಿಎಫ್‌ಸಿ ಸೋಮವಾರ ಪ್ರಕಟಿಸಿದೆ. ಅದರ ಒಟ್ಟು ನಿವ್ವಳ ಲಾಭ ಶೇ.29ರಷ್ಟು ಏರಿಕೆಯಾಗಿದ್ದು, 3,961 ಕೋಟಿ ರೂ. ತಲುಪಿದೆ. ಕಳೆದ ವರ್ಷದ ಇದೇ ಅವಧಿಯಲ್ಲಿ ಕಂಪನಿಯು 3,079 ಕೋಟಿ ರೂ. ಲಾಭ ಗಳಿಸಿತ್ತು.

ಖಾಸಗಿ ವಲಯದ ಪ್ರಮುಖ ಬ್ಯಾಂಕ್‌ಗಳಲ್ಲಿ ಒಂದಾದ ಕೋಟಕ್‌ ಮಹೀಂದ್ರಾದ ನಿವ್ವಳ ಲಾಭ ಶೇ.15 ವೃದ್ಧಿಸಿದ್ದು 1,124 ಕೋಟಿ ರೂ.ಗೆ ಏರಿಕೆಯಾಗಿದೆ. ಕಳೆದ ವರ್ಷದ ಇದೇ ಅವಧಿಯಲ್ಲಿ ಬ್ಯಾಂಕ್‌ 976 ಕೋಟಿ ರೂ. ಲಾಭ ದಾಖಲಿಸಿತ್ತು.