ಅಂಚೆ ಕಚೇರಿ ಇಂಟರ್ನೆಟ್‌ ಬ್ಯಾಂಕಿಂಗ್ ಆಕ್ಟಿವೇಶನ್ ಹೇಗೆ? ಇಲ್ಲಿದೆ ಮಾಹಿತಿ!

ಬೆಂಗಳೂರು: ದೇಶದ ಅತಿ ಹೆಚ್ಚು ಶಾಖೆ ಹೊಂದಿರುವ ಬ್ಯಾಂಕು ಎಂಬ ಹೆಗ್ಗಳಿಕೆ ಹೊಂದಿರುವ 'ಅಂಚೆ ಕಚೇರಿ ಬ್ಯಾಂಕ್' (ಪೋಸ್ಟ್‌ ಆಫೀಸ್‌ ಸೇವಿಂಗ್ ಬ್ಯಾಂಕ್‌) ನಲ್ಲಿ ಇಂಟರ್‌ನೆಂಟ್‌ ಬ್ಯಾಂಕಿಂಗ್ ಸೌಲಭ್ಯವಿರುವ ವಿಚಾರ ಹಲವರಿಗೆ ತಿಳಿದೇ ಇಲ್ಲ. ತಿಳಿದಿದ್ದರೂ, ಅದನ್ನು ಆರಂಭಿಸುವುದು ಹೇಗೆಂದು ಗೊತ್ತಿರುವುದಿಲ್ಲ. ಅಂಚೆ ಕಚೇರಿ ಇಂಟರ್‌ನೆಂಟ್‌ ಬ್ಯಾಂಕಿಂಗ್ ಆಕ್ಟಿವೇಶನ್‌ ಹೇಗೆ ಎಂಬ ಮಾಹಿತಿ ಇಲ್ಲಿದೆ.

ವಾಣಿಜ್ಯ ಬ್ಯಾಂಕುಗಳಂತೆ ಅಂಚೆ ಕಚೇರಿ ಬ್ಯಾಂಕಿನಲ್ಲೂ ಎಟಿಎಂ, ಪಾಸ್ ಬುಕ್, ಚೆಕ್ ಬುಕ್, ಇಂಟರ್‌ನೆಟ್ ಬ್ಯಾಂಕಿಂಗ್, ಮೊಬೈಲ್‌ ಬ್ಯಾಂಕಿಂಗ್‌ ಎಲ್ಲ ಸೌಲಭ್ಯಗಳೂ ಇವೆ. ಅಂಚೆ ಕಚೇರಿ ಇಂಟರ್ನೆಟ್‌ ಬ್ಯಾಂಕಿಂಗ್‌ನಲ್ಲಿ ಕೇವಲ ಹಣ ವರ್ಗಾವಣೆ ಮಾಡುವುದಷ್ಟೇ ಅಲ್ಲದೆ, ಮನೆಯಲ್ಲೇ ಕುಳಿತು ಅತ್ಯುತ್ತಮ ಲಾಭದಾಯಕ ವಿಧಾನಗಳಲ್ಲಿ ಹೂಡಿಕೆ ಮಾಡಲೂ ಸಾಧ್ಯವಿದೆ.

ಅಂಚೆ ಇಲಾಖೆ ವಿಶಿಷ್ಟ ದಾಖಲೆ: ಒಂದೇ ದಿನ ಲಕ್ಷ ಖಾತೆ ಓಪನ್‌, ಡಿಜಿಟಲ್‌ ಪರಿವರ್ತನೆಯ ಮೊದಲ ಹೆಜ್ಜೆ!

ಅಂಚೆ ಕಚೇರಿ ಇಂಟರ್‌ನೆಟ್‌ ಖಾತೆ ಆರಂಭಿಸುವುದು ಹೇಗೆ?
ಅಂಚೆ ಕಚೇರಿಯಲ್ಲಿ ಉಳಿತಾಯ ಖಾತೆ ಹೊಂದಿರುವ ಎಲ್ಲರೂ ಸರಳ ವಿಧಾನದಲ್ಲಿ ಇಂಟರ್ನೆಟ್ ಬ್ಯಾಂಕಿಂಗ್ ಸಕ್ರಿಯಗೊಳಿಸಬಹುದು. ವೈಯಕ್ತಿಕ ಖಾತೆದಾರರು ಜತಗೆ ಜಂಟಿ ಖಾತೆದಾರರು ಕೂಡ ಇಂಟರ್ನೆಟ್‌ ಬ್ಯಾಂಕಿಂಗ್‌ ಆರಂಭಿಸಬಹುದು. ಆದರೆ, ಇದಕ್ಕೂ ಮೊದಲು ನಿಮ್ಮಲ್ಲಿ ಕೆಲವು ಪ್ರಮುಖ ದಖಲೆಗಳು ಇರಬೇಕಾಗುತ್ತದೆ. ಅವುಗಳೆಂದರೆ,

• *ಪ್ಯಾನ್‌ ಕಾರ್ಡ್‌
• *ಮೊಬೈಲ್ ನಂಬರ್‌
• *ಇ-ಮೇಲ್ ಐಡಿ
• *ಕೆವೈಸಿ ದಾಖಲೆಗಳು (ಇದುವರೆಗೂ ಖಾತೆಗೆ ಕೆವೈಸಿ ಮಾಡಿಸದಿದ್ದರೆ)
• *ಖಾತೆಯ ಪಾಸ್‌ ಪುಸ್ತಕ

ಗಮನಿಸಿ: ಅಂಚೆ ಇಲಾಖೆಯಲ್ಲೂ ಬಂತು ಮಿನಿಮಮ್‌ ಬ್ಯಾಲೆನ್ಸ್‌, ಎಸ್‌ಬಿ ಖಾತೆಯಲ್ಲಿ ಕಡ್ಡಾಯ 500 ರೂ. ಇರಬೇಕು!

ಮೊದಲು ಅರ್ಜಿ ನಮೂನೆ ಪಡೆಯಬೇಕು:
ಪೋಸ್ಟ್ ಆಫೀಸ್ ಇಂಟರ್ನೆಟ್ ಇಂಟರ್ನೆಟ್ ಬ್ಯಾಂಕಿಂಗ್ ಸಕ್ರಿಯಗೊಳಿಸಲು ನೀವು ಖಾತೆ ಹೊಂದಿರುವ ಅಂಚೆ ಕಚೇರಿ ಬ್ಯಾಂಕ್‌ ಶಾಖೆಗೆ ತೆರಳಿ ಅರ್ಜಿ ನಮೂನೆ ಪಡೆಯಬೇಕು. ಆನ್‌ಲೈನ್‌ ಮೂಲಕವೂ ಅರ್ಜಿ ನಮೂನೆಯನ್ನು ಡೌನ್‌ಲೋಡ್ ಮಾಡಿಕೊಳ್ಳಬಹುದು. ಭಾರತೀಯ ಅಂಚೆಯ ಅಧಿಕೃತ ವೆಬ್‌ಸೈಟ್‌ (https://www.indiapost.gov.in/VAS/Pages/Form.aspx) ನಲ್ಲಿ ಇ-ಬ್ಯಾಂಕಿಂಗ್‌ ಆಕ್ಟಿವೇಷನ್‌ ಫಾರ್ಮ್‌ ಡೌನ್ಲೋಡ್ ಮಾಡಿ ಪ್ರಿಂಟ್‌ ಪಡೆಯಬಹುದು. ನಂತರ ಭರ್ತಿ ಮಾಡಿ, ಅಗತ್ಯ ದಾಖಲೆಗಳನ್ನು ಲಗತ್ತಿಸಿ ಅಂಚೆ ಕಚೇರಿಗೆ ನೀಡಿದರೆ, ಇ-ಬ್ಯಾಂಕಿಂಗೆ ನೋದಣಿ ಮಾಡಿಕೊಳ್ಳುತ್ತಾರೆ.

ಜನರ ಮನಗೆದ್ದ ಅಂಚೆ ಬ್ಯಾಂಕ್‌‌: ಕೊಡಗಿನಲ್ಲಿ 15 ದಿನದಲ್ಲಿ 4,187 ಹೊಸ ಖಾತೆದಾರರು!

ನೋಂದಣಿ ನಂತರ ಆಕ್ಟಿವೇಷನ್ ಹೇಗೆ?
ನಿಮ್ಮ ಇ-ಬ್ಯಾಂಕಿಂಗ್‌ ಅರ್ಜಿ ನೋಂದಣಿಯಾದ ನಂತರ ಅಂಚೆ ಕಚೇರಿ ಖಾತೆಗೆ ಲಿಂಕ್ ಆಗಿರುವ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಎಸ್ ಎಂಎಸ್ ಅಲರ್ಟ್ ಬರುತ್ತದೆ. SMSನಲ್ಲಿ ಸೂಚಿಸಲಾದ URL ಮೇಲೆ . ಇದನ್ನ ಬಳಸಿ ಇಂಟರ್ನೆಟ್ ಬ್ಯಾಂಕಿಂಗ್ ಪೇಜ್ ತೆರೆದುಕೊಳ್ಳುತ್ತೆ. ಇಲ್ಲಿ New User Activation'ಬಟನ್‌ ಕ್ಲಿಕ್‌ ಮಾಡಬೇಕು. ನಂತರ ಗ್ರಾಹಕರ ಸಂಖ್ಯೆ, ಖಾತೆ ಸಂಖ್ಯೆ ಮೊದಲಾದ ಮಾಹಿತಿಯನ್ನ ಎಂಟರ್‌ ಮಾಡಬೇಕು.

ನಂತರ ಇಂಟರ್ನೆಟ್ ಬ್ಯಾಂಕಿಂಗ್ ಲಾಗಿನ್ ಪಾಸ್‌ವರ್ಡ್‌ ಸೆಟ್‌ ಮಾಡಬೇಕು. ನಿಮ್ಮ ಪಾಸ್ವರ್ಡ್‌ ಭದ್ರತೆಗಾಗಿ ಹಲವು ಪ್ರಕ್ರಿಯೆಗಳಿದ್ದ ಅವೆಲ್ಲವನ್ನೂ ಪೂರ್ಣಗೊಳಿಸಬೇಕು. ಇದಾದ ನಂತರ ನಿಮ್ಮ ಇಂಟರ್ನೆಟ್ ಬ್ಯಾಂಕಿಂಗ್ ಸಕ್ರಿಯಗೊಳ್ಳುತ್ತೆ.

ಅಂಚೆ ಕಚೇರಿ ಇಂಟರ್ನೆಟ್ ಬ್ಯಾಂಕಿಂಗ್ ಅನುಕೂಲಗಳು
ವಾಣಿಜ್ಯ ಬ್ಯಾಂಕುಗಳ ಇಂಟರ್‌ನೆಟ್‌ ಬ್ಯಾಂಕಿಂಗ್‌ನಂತೆಯೇ ಅಂಚೆ ಕಚೇರಿ ಇಂಟರ್ನೆಟ್ ಬ್ಯಾಂಕಿಂಗ್‌ನಿಂದ ಗ್ರಾಹಕರಿಗೆ ಹಲವಾರು ಅನುಕೂಲಗಳಿವೆ. ಗ್ರಾಹಕರು ಬ್ಯಾಂಕಿಗೆ ಹೋಗದೆಯೇ ಮನೆಯಲ್ಲೇ ಕುಳಿತು ಹಣಕಾಸು ವ್ಯವಹಾರ ನಡೆಸಬಹುದಾಗಿದೆ. ಹಣ ವರ್ಗಾವಣೆ ಮಾಡಬಹುದು, ಖಾತೆಗೆ ಹಣ ಜಮೆ ಮಾಡಬಹುದು. ಆರ್‌ಡಿ ಮೊದಲಾದ ಉಳಿತಾಯ ಯೋಜನೆಗಳಲ್ಲಿ ಹಣ ಹೂಡಿಕೆ ಮಾಡಬಹುದು. ಇದಲ್ಲದೆ ಇಂಟರ್ನೆಟ್ ಬ್ಯಾಂಕಿಂಗ್ ಮೂಲಕ ಗ್ರಾಹಕರಿಗೆ ಇನ್ನೂ ಅನೇಕ ಸೌಲಭ್ಯಗಳಿದ್ದು, ಅವೆಲ್ಲವನ್ನೂ ಬಳಸಬಹದು.