ಆನ್‌ಲೈನ್‌ ಮೂಲಕ ಅಂಚೆ ಕಚೇರಿಯ ಆರ್‌ಡಿ ಹೇಗೆ?

ಹೊಸದಿಲ್ಲಿ : ಅಂಚೆ ಇಲಾಖೆಯ ಉಳಿತಾಯ ಯೋಜನೆಗಳಲ್ಲಿ ರಿಕರಿಂಗ್‌ ಡಿಪಾಸಿಟ್‌ (ಆರ್‌ಡಿ) ಅತ್ಯಂತ ಜನಪ್ರಿಯ. ಪ್ರತಿ ತಿಂಗಳು ನಿಶ್ಚಿತ ಮೊತ್ತವನ್ನು ಉಳಿತಾಯ ಮಾಡಲು ಇದು ಸಹಕಾರಿ. ಸುರಕ್ಷಿತ ಹೂಡಿಕೆ ಕೂಡ. ನೀವು ಬ್ಯಾಂಕ್‌ ಅಥವಾ ಅಂಚೆ ಇಲಾಖೆಯಲ್ಲಿ ಆರ್‌ಡಿ ಅಕೌಂಟ್‌ ತೆರೆಯಬಹುದು.

ಅಂಚೆ ಕಚೇರಿಯಲ್ಲಿ ಆರ್‌ ಡಿ ತೆರೆಯಲು ಮಾಸಿಕ ಕನಿಷ್ಠ ಹೂಡಿಕೆ 10 ರೂ.ಗಳಿಂದ ಆರಂಭಿಸಬಹುದು. ಹೂಡಿಕೆಯ ಅವಧಿ 5 ವರ್ಷಗಳು. ಸಮೀಪದ ಅಂಚೆ ಕಚೇರಿಗೆ ತೆರಳಿ ಮಾಡಬಹುದು. ಇದೀಗ ಅಂಚೆ ಇಲಾಖೆಯ ಪೇಮೆಂಟ್ಸ್‌ ಬ್ಯಾಂಕ್‌ ಕೂಡ ಇರುವುದರಿಂದ (ಐಪಿಪಿಬಿ) ಆನ್‌ಲೈನ್‌ ಮೂಲಕವೇ ಆರ್‌ಡಿ ಅಕೌಂಟ್‌ಗೆ ಹಣ ವರ್ಗಾಯಿಸಬಹುದು. ನಿಮ್ಮ ಮೊಬೈಲ್‌ನಲ್ಲಿ ಐಪಿಪಿಬಿಯ ಆ್ಯಪ್‌ ಡೌನ್‌ಲೋಡ್‌ ಮಾಡಿದರೆ, ಅದರ ಮೂಲಕ ವರ್ಗಾಯಿಸಬಹುದು. ಅದರ ವಿಧಾನ ಹೀಗಿದೆ

-ನಿಮ್ಮ ಬ್ಯಾಂಕ್‌ ಖಾತೆಯಿಂದ ಐಪಿಪಿಬಿ ಅಕೌಂಟ್‌ಗೆ ಹಣ ಜಮೆ ಮಾಡಿ.

-ಡಿಒಪಿ ಪ್ರಾಡಕ್ಟ್ ವಿಭಾಗಕ್ಕೆ ಹೋಗಿ ರಿಕರಿಂಗ್‌ ಡಿಪಾಸಿಟ್‌ ಆಯ್ಕೆ ಮಾಡಿ

-ಆರ್‌ಡಿ ಅಕೌಂಟ್‌ ಸಂಖ್ಯೆ ನಮೂದಿಸಿ. ಡಿಒಪಿ ಕಸ್ಟಮರ್‌ ಐಡಿ ನಮೂದಿಸಿ.

- ಕಂತು ಮತ್ತು ಮೊತ್ತ ನಮೂದಿಸಿ.

-ಐಪಿಪಿಬಿಯು ಪೇಮೆಂಟ್‌ ವರ್ಗಾವಣೆಗ ಬಗ್ಗೆ ನಿಮಗೆ ದೃಢಪಡಿಸುತ್ತದೆ.

---------------

ಐಪಿಪಿಬಿ ಖಾತೆ ತೆರೆಯುವುದು ಹೇಗೆ?

- ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಪ್ಲೇ ಸ್ಟೋರ್‌ ಅಥವಾ ಆ್ಯಪ್‌ ಸ್ಟೋರ್‌ಗೆ ಹೋಗಿ ಐಪಿಪಿಬಿ ಮೊಬೈಲ್‌ ಬ್ಯಾಂಕಿಂಗ್‌ ಆಯ್ಕೆ ಮಾಡಿ.

- ಡಿಜಿಟಲ್‌ ಸೇವಿಂಗ್ಸ್‌ ಅಕೌಂಟ್‌ಗೆ ಸೈನ್‌ ಅಪ್‌ ಮಾಡಿ. 'ಓಪನ್‌ ಯುವರ್‌ ಅಕೌಂಟ್‌' ಲಿಂಕ್‌ ಮೇಲೆ ಕ್ಲಿಕ್ಕಿಸಿ.

-ಪ್ಯಾನ್‌ , ಮೊಬೈಲ್‌ ಸಂಖ್ಯೆ ಇತ್ಯಾದಿ ವಿವರ ನೀಡಿ.

-ಆಧಾರ್‌ ಸಂಖ್ಯೆ ಕೊಡಬೇಕಾಗುತ್ತದೆ.

-ಒಟಿಪಿಯು ನಿಮ್ಮ ಮೊಬೈಲ್‌ಗೆ ಸಿಗುತ್ತದೆ.

-ಎಂಪಿನ್‌ ಅನ್ನು ಸೃಷ್ಟಿಸಿದಾಗ ಅಕೌಂಟ್‌ ತೆರೆಯುವ ಪ್ರಕ್ರಿಯೆ ಪೂರ್ಣವಾಗುತ್ತದೆ.