ಗ್ರೂಪ್‌ ಇನ್ಷೂರೆನ್ಸ್‌ನಿಂದ ವೈಯಕ್ತಿಕ ವಿಮೆಗೆ ವಲಸೆ ಹೇಗೆ?

ಹೊಸದಿಲ್ಲಿ: ವೇತನ ಪಡೆಯುವ ಉದ್ಯೋಗಿಗಳಿಗೆ ಅವರ ಕಂಪನಿ ಅಥವಾ ಸಂಸ್ಥೆಗಳಲ್ಲಿ ಸಿಗುವ ಗ್ರೂಪ್‌ ಇನ್ಸೂರೆನ್ಸ್‌ (ಸಾಮೂಹಿಕ ವಿಮೆ) ಬಗ್ಗೆ ಗೊತ್ತಿರಬಹುದು. ಸರ್ವೇ ಸಾಮಾನ್ಯ ಸಂಗತಿ ಇದು. ಇದರ ಪ್ರೀಮಿಯಂ ಮೊತ್ತವನ್ನು ಉದ್ಯೋಗದಾತರು ಭರಿಸುತ್ತಾರೆ. ಕೆಲವು ಸಲ ಹೆಚ್ಚುವರಿ ವಿಮೆಯ ಅಗತ್ಯವಿದ್ದರೆ ನಿರ್ದಿಷ್ಟ ಮೊತ್ತವನ್ನು ಉದ್ಯೋಗಿಗಳಿಂದ ಪಡೆಯುವ ನಿದರ್ಶನಗಳೂ ಇವೆ. ಹೀಗಿದ್ದರೂ ಉದ್ಯೋಗಿಗಳು ಕಾರಣಾಂತರಗಳಿಂದ ಕೆಲಸ ಬಿಟ್ಟಾಗ ಈ ವಿಮೆಯ ಕಥೆ ಏನಾಗುತ್ತದೆ? ಎಂಬ ವಿವರ ಬಹುತೇಕ ಮಂದಿಗೆ ಇರುವುದಿಲ್ಲ.

ನಿಮಗೆ ಅಚ್ಚರಿಯಾಗಬಹುದು. ಆರೋಗ್ಯ ವಿಮೆಯ ನಿಯಮಾವಳಿಗಳ ಪ್ರಕಾರ, ಉದ್ಯೋಗಿಗಳು ಕೆಲಸ ಬಿಟ್ಟ ನಂತರ ತಮ್ಮ ಗ್ರೂಪ್‌ ಇನ್ಸೂರೆನ್ಸ್‌ ಪಾಲಿಸಿಯನ್ನು ವೈಯಕ್ತಿಕ ವಿಮೆ ಪಾಲಿಸಿಯಾಗಿ ಪರಿವರ್ತಿಸಬಹುದು!

ಹೌದು. ಆರೋಗ್ಯ ನಿಯಂತ್ರಣ 2016ರ ನಿಯಮಾವಳಿಗಳ ಪ್ರಕಾರ, ಗ್ರೂಪ್‌ ಹೆಲ್ತ್‌ ಇನ್ಷೂರೆನ್ಸ್‌ ಅನ್ನು ವೈಯಕ್ತಿಕ ವಿಮೆಯಾಗಿ ಬ ದಲಿಸಲು ಅವಕಾಶವಿದೆ. ಯಾವುದೇ ಗ್ರೂಪ್‌ ಇನ್ಸೂರೆನ್ಸ್‌ ಆಗಿದ್ದರೂ, ಪಾಲಿಸಿದಾರರಿಗೆ ಗ್ರೂಪ್‌ನಿಂದ ವೈಯಕ್ತಿಕ ವಿಮೆಗೆ ವಲಸೆ ಹೋಗಲು ಹಕ್ಕು ಇದೆ.

ವಲಸೆ ಹೇಗೆ?

ಒಂ ದು ಕಂಪ ನಿಯಿಂದ ಉ ದ್ಯೋಗ ಬಿಡುವ ಕ ನಿಷ್ಠ 30 ದಿನಗಳ ಮುಂಚೆಯೇ ವೈಯಕ್ತಿಕ ವಿಮೆ ಪಾಲಿಸಿಗೆ ಬದಲಿಸಿಕೊಳ್ಳಲು ಪಾಲಿಸಿದಾರ ಮನವಿ ಸಲ್ಲಿಸ ಬೇಕು. ರಾಜೀನಾಮೆ ಅಥವಾ ನಿವೃತ್ತಿಯ ದೃಢೀಕರಣ ಹಾಗೂ ಇತರ ಕೆಲವು ಬೇಸಿಕ್‌ ದಾಖಲಾತಿಗಳು ಇದಕ್ಕೆ ಸಾಕು.

ಗ್ರೂಪ್‌ ಪಾಲಿಸಿಯ ಕವರೇಜ್‌ ಎಷ್ಟು?

ವೈಯಕ್ತಿಕ ಆರೋಗ್ಯ ವಿಮೆ ಪಾಲಿಸಿಗೆ ಅನ್ವಯವಾಗುವ ಎಲ್ಲ ನಿಯಮಗಳೂ ಗ್ರೂಪ್‌ ಇನ್ಷೂರೆನ್ಸ್‌ಗೂ ಅನ್ವಯವಾಗುತ್ತದೆ. ಗ್ರೂಪ್‌ ಪಾಲಿಸಿಯ ಜತೆಗೆ ವೈಯಕ್ತಿಕ ವಿಮೆಯನ್ನೂ ಹೊಂದಿರುವುದು ಉತ್ತಮ.