ವಿತ್ತ ವರ್ಷ ಅಂತ್ಯಕ್ಕೆ ಎಚ್‌ಪಿಸಿಎಲ್‌ನಲ್ಲಿ ಎಂಆರ್‌ಪಿಎಲ್‌ ವಿಲೀನ

ಹೊಸದಿಲ್ಲಿ: ಹಿಂದೂಸ್ಥಾನ್‌ ಪೆಟ್ರೋಲಿಯಂ ಕಾರ್ಪೊರೇಷನ್‌ ಲಿಮಿಟೆಡ್‌ನಲ್ಲಿ(ಎಂಆರ್‌ಪಿಎಲ್‌) 2018-19ರ ಹಣಕಾಸು ವರ್ಷದ ಅಂತ್ಯಕ್ಕೆ ಮಂಗಳೂರು ರಿಫೈನರಿ ಆ್ಯಂಡ್‌ ಪೆಟ್ರೋಕೆಮಿಕಲ್ಸ್‌ ಲಿಮಿಟೆಡ್‌(ಎಂಆರ್‌ಪಿಎಲ್‌) ವಿಲೀನವಾಗಲಿದೆ.

ಒಎನ್‌ಜಿಸಿಯ ಅಂಗಸಂಸ್ಥೆಯಾದ ಎಂಆರ್‌ಪಿಎಲ್‌ ಅನ್ನು ಖರೀದಿಸಲು ಎಚ್‌ಪಿಸಿಎಲ್‌ ಈಗಾಗಲೇ ಆಸಕ್ತಿ ತೋರಿಸಿದೆ. ಇದರಿಂದ ತಮ್ಮ ಸಂಸ್ಕರಣೆ ಸಾಮರ್ಥ್ಯ‌ ವೃದ್ಧಿಯಾಗಲಿದೆ. ಈ ಖರೀದಿ ಪ್ರಕ್ರಿಯೆಯು ಪ್ರಸಕ್ತ ಹಣಕಾಸು ವರ್ಷಕ್ಕೆ ಅಂತ್ಯಕ್ಕೆ ಪೂರ್ಣಗೊಳ್ಳುವ ವಿಶ್ವಾಸವಿದೆ,'' ಎಂದು ಎಚ್‌ಪಿಸಿಎಲ್‌ ಮುಖ್ಯಸ್ಥ, ಎಂಡಿ ಎಂ.ಕೆ. ಸುರಾನಾ ಹೇಳಿದ್ದಾರೆ.

ಈಗಾಗಲೇ ಎಂಆರ್‌ಪಿಎಲ್‌ನಲ್ಲಿ ಒಎನ್‌ಜಿಸಿಯ ಹೂಡಿಕೆ ಪ್ರಮಾಣ ತಗ್ಗುತ್ತಾ ಬಂದಿದೆ. ವಿಶಾಖಪಟ್ಟಣ ಮತ್ತು ಮುಂಬಯಿನಲ್ಲಿ ಎಚ್‌ಪಿಸಿಎಲ್‌ ತೈಲ ಸಂಸ್ಕರಣೆಗಳನ್ನು ಹೊಂದಿದ್ದು, ವಿಸ್ತರಣೆಗೆ ಮುಂದಾಗಿದೆ.