ತೆರಿಗೆ ಗೊಂದಲಕ್ಕೆ ತೆರೆ: ಚಾಟ್‌ ಮಾಡಿ ತೆರಿಗೆ ಮಾಹಿತಿ ಪಡೆಯಿರಿ

ಹೊಸದಿಲ್ಲಿ: ನೇರ ತೆರಿಗೆ ವಿಚಾರದಲ್ಲಿ ಹಲವಾರು ಗೊಂದಲಗಳನ್ನು ಹೊಂದಿರುವ ತೆರಿಗೆ ಪಾವತಿದಾರಿಗೆ ಸುಲಭ ಮಾಹಿತಿ ನೀಡಲು ಆದಾಯ ಇಲಾಖೆ ಆನ್‌ಲೈನ್‌ ಚಾಟ್‌ ಸೌಲಭ್ಯವನ್ನು ತೆರೆದಿದೆ.

ಆದಾರ ತೆರಿಗೆ ಇಲಾಖೆ ವೆಬ್‌ಸೈಟ್‌ನಲ್ಲಿ ಲೈವ್‌ ಚಾಟ್‌ ಆನ್‌ಲೈನ್‌ ಎಂಬ ಹೊಸ ವಿಂಡೋ ತೆರೆದಿದ್ದು ಇಲ್ಲಿ ಸಾಮಾನ್ಯ ಪ್ರಶ್ನೆಗಳಿಗೆ ಉತ್ತರಿ ಸಿಗುತ್ತದೆ ಎನ್ನಲಾಗಿದೆ.

'ಮಾಹಿತಿ ಇಲಾಖೆಯಿಂದ ತೆರಿಗೆ ವಿಚಾರಕ್ಕೆ ಸಂಬಂಧಿಸಿದಂತೆ ತಜ್ಞರು ಮತ್ತು ಸ್ವತಂತ್ರ ತೆರಿಗೆ ವೃತ್ತಿಗಾರರನ್ನು ನೇಮಕ ಮಾಡಲಾಗಿದೆ. ತೇರಿಗೆ ಪಾವತಿದಾರರಿಗೆ ಸುಲಭ ಮಾಡುವ ಉದ್ದೇಶದಿಂದ ಈ ಸೇವೆಯನ ಇದೇ ಮೊದಲ ಬಾರಿಗೆ ದೇಶದಲ್ಲಿ ಜಾರಿಗೆ ತರಲಾಗಿದೆ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.

'ಯಾರು ಬೇಕಾದರೂ ಇ-ಮೇಲ್‌ ಹಾಕಿ ಗೆಸ್ಟ್‌ ವಿಂಡೋ ಮುಲಕ ತಮ್ಮ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಬಹುದು. ಮುಂದಿನ ದಿನಗಳಲ್ಲಿ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾದರೆ ಇನ್ನಷ್ಟು ಸೌಲಭ್ಯಗಳನ್ನು ಇಲ್ಲಿ ಅಳಿವಡಿಸಿಕೊಳ್ಳುತ್ತೇವೆ' ಎಂದು ಅಧಿಕಾರಿ ತಿಳಿಸಿದ್ದಾರೆ.

ಆದರೆ ಈ ಚಾಟ್‌ ರೂಂ ಹೊಕ್ಕುವುದಕ್ಕೂ ಮುನ್ನ, ಇಲ್ಲಿ ನೀಡುವ ಪ್ರತ್ಯುತ್ತರಗಳು ತಜ್ಞರ ಅಭಿಪ್ರಾಯವನ್ನು ಆಧರಿಸಿವೆ ಹೀಗಾಗಿ ಇದನ್ನು ಆದಾಯ ತೆರಿಗೆ ಇಲಾಖೆಯ ಸ್ಪಷ್ಟೀಕರಣವೆಂದು ಅರ್ಥೈಸಿಕೊಳ್ಳಬಾರದು ಎಂಬ ಮುನ್ನೆಚ್ಚರಿಕಾ ಪೋಸ್ಟ್ ಕೂಡಾ ಲಗತ್ತಿಸಲಾಗಿದೆ.