ಐಡಿಬಿಐ ಬ್ಯಾಂಕ್‌ನಲ್ಲಿ 772 ಕೋಟಿ ರೂ. ಹಗರಣ

ಹೊಸದಿಲ್ಲಿ : ಸಾರ್ವಜನಿಕ ವಲಯದ ಐಡಿಬಿಐ ಬ್ಯಾಂಕ್‌ನಲ್ಲಿ 772 ಕೋಟಿ ರೂ.ಗಳನ್ನು ದುರ್ಬಳಕೆ ಮಾಡಿರುವ ಹಗರಣ ಬಯಲಾಗಿದೆ. ಬ್ಯಾಂಕಿನ ಆಂಧ್ರಪ್ರದೇಶ ಮತ್ತು ತೆಲಂಗಾಣದಲ್ಲಿರುವ 5 ಶಾಖೆಗಳಲ್ಲಿ ವಂಚನೆ ಪತ್ತೆಯಾಗಿದೆ.

ಐಡಿಬಿಐ ಬ್ಯಾಂಕಿನಲ್ಲಿ 2009-2013ರ ಅವಧಿಯಲ್ಲಿ ಮೀನುಗಾರಿಕೆ ಹಾಗೂ ಇತರ ಉದ್ದೇಶಗಳಿಗೆ ನಕಲಿ ದಾಖಲೆಗಳನ್ನು ಬಳಸಿಕೊಂಡು ಸಾಲಗಳನ್ನು ವಿತರಿಸಲಾಗಿತ್ತು. ನೀರಿನ ಕೊಳ, ಕೆರೆ ಯಾವುದೂ ಇಲ್ಲದಿದ್ದರೂ, ಮೀನುಗಾರಿಕೆಗೆ ಸಾಲ ವಿತರಣೆಯಾಗಿತ್ತು. ಬ್ಯಾಂಕ್‌ನ ಇಬ್ಬರು ಅಧಿಕಾರಿಗಳು ಸಾಲ ವಿತರಣೆಯಲ್ಲಿ ಲೋಪವೆಸಗಿರುವುದು ಬಯಲಾಗಿದೆ. ಒಬ್ಬ ಅಧಿಕಾರಿಯನ್ನು ಸೇವೆಯಿಂದ ವಜಾಗೊಳಿಸಲಾಗಿದೆ.ಮತ್ತೊಬ್ಬ ಅಧಿಕಾರಿ ಈಗಾಗಲೇ ನಿವೃತ್ತರಾಗಿದ್ದಾರೆ.

ಸಿಬಿಐ ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ಮುಂದುವರಿಸಿದೆ. ಬಶೀರ್‌ ಬಾಗ್‌ ಮತ್ತು ಗುಂಟೂರಿನಲ್ಲಿ ಬ್ಯಾಂಕಲಿನ ಶಾಖೆಯಲ್ಲಿ ನಡೆದಿರುವ ಅವ್ಯವಹಾರದ ಬಗ್ಗೆ ತನಿಖೆ ನಡೆಯಲಿದೆ. ಹಗರಣದ ಬಯಲಾದ ಹಿನ್ನೆಲೆಯಲ್ಲಿ ಐಡಿಬಿಐ ಷೇರು ದರ ಇಳಿಕೆಯಾಗಿದೆ.