ಕಾಗ್ನಿಜೆಂಟ್‌ ಬ್ಯಾಂಕ್‌ ಖಾತೆ ಮುಟ್ಟುಗೋಲು

ಹೊಸದಿಲ್ಲಿ : ಮಾಹಿತಿ ತಂತ್ರಜ್ಞಾನ ಕಂಪನಿ ಕಾಗ್ನಿಜೆಂಟ್‌ ಆದಾಯ ತೆರಿಗೆ ವಂಚನೆ ಆರೋಪ ಎದುರಿಸುತ್ತಿದ್ದು, ತೆರಿಗೆ ಇಲಾಖೆಯು ಕಂಪನಿಯ ಕೆಲವು ಬ್ಯಾಂಕ್‌ ಖಾತೆಗಳನ್ನು ಹಾಗೂ ಬ್ಯಾಂಕ್‌ ಠೇವಣಿಗಳನ್ನು ಮುಟ್ಟುಗೋಲು ಹಾಕಿಕೊಂಡಿದೆ.

ಆದಾಯ ತೆರಿಗೆ ಇಲಾಖೆಯು ಕಾಗ್ನಿಜೆಂಟ್‌ನ ಭಾರತೀಯ ಘಟಕಕ್ಕೆ 2,500 ಕೋಟಿ ರೂ. ತೆರಿಗೆ ವಂಚನೆಯ ನೋಟಿಸ್‌ ಅನ್ನು ಜಾರಿಗೊಳಿಸಿತ್ತು.

ಕಾಗ್ನಿಜೆಂಟ್‌ ಟೆಕ್ನಶಾಲಜಿ ಸಲ್ಯೂಷನ್ಸ್‌ 2016-17ರಲ್ಲಿ ತನ್ನ ಮಾತೃ ಕಂಪನಿಗೆ ಡಿವಿಡೆಂಡ್‌ ಸಲ್ಲಿಸಿದ ಸಂದರ್ಭ, ಡಿವಿಡೆಂಡ್‌ ವಿತರಣೆ ತೆರಿಗೆಯನ್ನು ಸಲ್ಲಿಸಿಲ್ಲ ಎಂದು ಆದಾಯ ತೆರಿಗೆ ಇಲಾಖೆ ಆರೋಪಿಸಿದೆ. ಒಟ್ಟು ಡಿವಿಡೆಂಡ್‌ನ 20 ಪರ್ಸೆಂಟ್‌ ಮೊತ್ತವನ್ನು ತೆರಿಗೆಯಾಗಿ ನೀಡಬೇಕಿತ್ತು. ಅಂದರೆ ಸುಮಾರು 2,500 ಕೋಟಿ ರೂ.ಗಳಾಗಿವೆ. ಈ ಹಿನ್ನೆಲೆಯಲ್ಲಿ ವಾರದ ಹಿಂದೆಯೇ ಕಂಪನಿಯ ಕೆಲ ಬ್ಯಾಂಕ್‌ ಖಾತೆಗಳು ಮುಟ್ಟುಗೋಲಾಗಿವೆ.