ಭಾರತೀಯ ಷೇರು ಮಾರುಕಟ್ಟೆಯತ್ತ ವಿದೇಶಿ ನಿಧಿ

ಹೊಸದಿಲ್ಲಿ: ಷೇರುಪೇಟೆಗೆ ಹೆಚ್ಚಿನ ವಿದೇಶಿ ಹೂಡಿಕೆ ಹರಿದು ಬರುತ್ತಿದೆ. 2019ರಲ್ಲಿ ವಿಶ್ವದ ತ್ವರಿತ ಬೆಳವಣಿಗೆಯ ಷೇರು ಮಾರುಕಟ್ಟೆಗಳ ಪೈಕಿ, ಬಹು ಆದ್ಯತೆಯ ಮಾರುಪೇಟೆಯಾಗಿ ಭಾರತ ಗುರ್ತಿಸಿಕೊಳ್ಳಲಿದೆ ಎಂದು ಸಮೀಕ್ಷೆಯೊಂದರಲ್ಲಿ ಹೇಳಲಾಗಿದೆ.

2019ರ ಲೋಕಸಭೆ ಚುನಾವಣೆ ಅನಿಶ್ಚಿತತೆಗಳ ನಡುವೆಯೂ ಭಾರತೀಯ ಷೇರು ಮಾರುಕಟ್ಟೆ ತನ್ನ ಬೆಳವಣಿಗೆ ವೇಗ ಕಾಯ್ದುಕೊಳ್ಳಲಿದೆ. ಬ್ಲೂಮ್‌ಬರ್ಗ್‌ ಸಮೀಕ್ಷೆ ಪ್ರಕಾರ, 2019ರಲ್ಲಿ ವಿಶ್ವದ ಬಹು ಆದ್ಯತೆಯ ಮಾರುಕಟ್ಟೆಯಾಗಿ ಭಾರತ ಹೊರಹೊಮ್ಮಲಿದ್ದು, ಬ್ರೆಜಿಲ್‌ ಬಳಿಕದ ಎರಡನೇ ದೇಶವಾಗಿ ಭಾರತ ಗುರ್ತಿಸಿಕೊಳ್ಳಲಿದೆ. ಮುಂದಿನ ವರ್ಷ ಬ್ರೆಜಿಲ್‌ ಈಕ್ವಿಟಿ ಮಾರುಕಟ್ಟೆಯ ಬೆಳವಣಿಗೆ ಶೇ.19.4ರಷ್ಟಿದ್ದರೆ, ಭಾರತದ ಮಾರುಕಟ್ಟೆಯ ಬೆಳವಣಿಗೆ ಶೇ.26.6ರಷ್ಟಿರಲಿದೆ ಎಂದು ಸಮೀಕ್ಷೆಯಲ್ಲಿ ಅಂದಾಜು ಮಾಡಲಾಗಿದೆ.

ಲೋಕಸಭೆ ಚುನಾವಣೆಯು ಷೇರುಪೇಟೆ ಮೇಲೆ ಒಂದಿಷ್ಟು ನಕಾರಾತ್ಮಕ ಪ್ರಭಾವ ಬೀರಿದರೂ, ಆ ಶಾಕ್‌ನಿಂದ ಮಾರುಕಟ್ಟೆ ತ್ವರಿತವಾಗಿ ಚೇತರಿಸಿಕೊಳ್ಳಲಿದೆ ಎಂದು ತಜ್ಞರು ಹೇಳಿದ್ದಾರೆ.