ಭಾರತದ ಜತೆ ವ್ಯಾಪಾರ ಮಾತುಕತೆ ಆರಂಭಿಸಿದ ಅಮೆರಿಕ
ಭಾರತದ ಜತೆ ಅತ್ಯಂತ ಮಹತ್ವದ ವ್ಯಾಪಾರ ಮತ್ತು ವಾಣಿಜ್ಯ ಸಂಬಂಧಿತ ಮಾತುಕತೆಯನ್ನು ಆರಂಭಿಸಿರುವುದಾಗಿ ಅಮೆರಿಕ ಹೇಳಿದೆ. ಭಾರತವು ಅಮೆರಿಕದ ಉತ್ಪನ್ನಗಳ ಆಮದಿಗೆ ಸುಂಕ ಹೆಚ್ಚಿಸಿರುವುದನ್ನು ಟೀಕಿಸಿದ್ದರು. ಹೀಗಿದ್ದರೂ, ಭಾರತದ ಜತೆ ಉತ್ತಮ ಬಾಂಧವ್ಯ ಮುಂದುವರಿಯಲಿದೆ ಎಂದೂ ತಿಳಿಸಿದ್ದರು.
Vijaya Karnataka 12 Oct 2018, 8:58 am
ವಾಷಿಂಗ್ಟನ್: ಭಾರತದ ಜತೆ ಅತ್ಯಂತ ಮಹತ್ವದ ವ್ಯಾಪಾರ ಮತ್ತು ವಾಣಿಜ್ಯ ಸಂಬಂಧಿತ ಮಾತುಕತೆಯನ್ನು ಆರಂಭಿಸಿರುವುದಾಗಿ ಅಮೆರಿಕ ಗುರುವಾರ ಹೇಳಿದೆ.
ವ್ಯಾಪಾರದ ಡೀಲ್ಗಳಿಗೆ ಸಂಬಂಧಿಸಿದಂತೆ ಚರ್ಚೆ ಆರಂಭವಾಗಿದೆ ಎಂದು ಶ್ವೇತಭವನ ಹೇಳಿಕೆ ಪ್ರಕಟಿಸಿದೆ. ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಆರ್ಥಿಕ ಸಲಹೆಗಾರ ಲಶಾರ್ರಿ ಕುಡ್ಲೋವ್ ಈ ವಿಷಯವನ್ನು ತಿಳಿಸಿದ್ದು, ಹೆಚ್ಚಿನ ವಿವರ ನೀಡಲು ನಿರಾಕರಿಸಿದ್ದಾರೆ. ''ಭಾರತ ಅಮರಿಕದ ಆಪ್ತ ಮಿತ್ರ ರಾಷ್ಟ್ರ. ಮಾತುಕತೆ ಈಗಷ್ಟೇ ಆರಂಭವಾಗಿದ್ದು, ಹೆಚ್ಚಿನ ವಿವರ ಸದ್ಯ ಲಭ್ಯವಿಲ್ಲ,'' ಎಂದು ಅವರು ತಿಳಿಸಿದ್ದಾರೆ. ಕಳೆದ ಅಕ್ಟೋಬರ್ 1 ರಂದು ಟ್ರಂಪ್, ಭಾರತವು ಅಮೆರಿಕದ ಉತ್ಪನ್ನಗಳ ಆಮದಿಗೆ ಸುಂಕ ಹೆಚ್ಚಿಸಿರುವುದನ್ನು ಟೀಕಿಸಿದ್ದರು. ಹೀಗಿದ್ದರೂ, ಭಾರತದ ಜತೆ ಉತ್ತಮ ಬಾಂಧವ್ಯ ಮುಂದುವರಿಯಲಿದೆ ಎಂದೂ ತಿಳಿಸಿದ್ದರು. ಈ ಹಿನ್ನೆಲೆಯಲ್ಲಿ ಮಾತುಕತೆ ಮಹತ್ವ ಪಡೆದುಕೊಂಡಿದೆ.
ವ್ಯಾಪಾರದ ಡೀಲ್ಗಳಿಗೆ ಸಂಬಂಧಿಸಿದಂತೆ ಚರ್ಚೆ ಆರಂಭವಾಗಿದೆ ಎಂದು ಶ್ವೇತಭವನ ಹೇಳಿಕೆ ಪ್ರಕಟಿಸಿದೆ. ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಆರ್ಥಿಕ ಸಲಹೆಗಾರ ಲಶಾರ್ರಿ ಕುಡ್ಲೋವ್ ಈ ವಿಷಯವನ್ನು ತಿಳಿಸಿದ್ದು, ಹೆಚ್ಚಿನ ವಿವರ ನೀಡಲು ನಿರಾಕರಿಸಿದ್ದಾರೆ. ''ಭಾರತ ಅಮರಿಕದ ಆಪ್ತ ಮಿತ್ರ ರಾಷ್ಟ್ರ. ಮಾತುಕತೆ ಈಗಷ್ಟೇ ಆರಂಭವಾಗಿದ್ದು, ಹೆಚ್ಚಿನ ವಿವರ ಸದ್ಯ ಲಭ್ಯವಿಲ್ಲ,'' ಎಂದು ಅವರು ತಿಳಿಸಿದ್ದಾರೆ. ಕಳೆದ ಅಕ್ಟೋಬರ್ 1 ರಂದು ಟ್ರಂಪ್, ಭಾರತವು ಅಮೆರಿಕದ ಉತ್ಪನ್ನಗಳ ಆಮದಿಗೆ ಸುಂಕ ಹೆಚ್ಚಿಸಿರುವುದನ್ನು ಟೀಕಿಸಿದ್ದರು. ಹೀಗಿದ್ದರೂ, ಭಾರತದ ಜತೆ ಉತ್ತಮ ಬಾಂಧವ್ಯ ಮುಂದುವರಿಯಲಿದೆ ಎಂದೂ ತಿಳಿಸಿದ್ದರು. ಈ ಹಿನ್ನೆಲೆಯಲ್ಲಿ ಮಾತುಕತೆ ಮಹತ್ವ ಪಡೆದುಕೊಂಡಿದೆ.