ತ್ರೈಮಾಸಿಕ ಜಿಡಿಪಿ ಶೇ.8.2ಕ್ಕೆ ಏರಿಕೆ

ಹೊಸದಿಲ್ಲಿ ರೂಪಾಯಿಯ ಮೌಲ್ಯ ಕುಸಿತದ ನಡುವೆಯೂ, ಭಾರತದ ಆರ್ಥಿಕ ಬೆಳವಣಿಗೆ ಕಳೆದ ಏಪ್ರಿಲ್‌-ಜೂನ್‌ ಅವಧಿಯಲ್ಲಿ ಶೇ.8.2ಕ್ಕೆ ಏರಿಕೆಯಾಗಿದೆ. ಇದು ಕಳೆದ 15 ತ್ರೈಮಾಸಿಕಗಳಲ್ಲಿಯೇ ಗರಿಷ್ಠ ಜಿಡಿಪಿಯಾಗಿದೆ. ಉತ್ಪಾದನೆ ಹಾಗೂ ಕೃಷಿ ಕ್ಷೇತ್ರದಲ್ಲಿನ ಸುಧಾರಣೆಯ ಪರಿಣಾಮ ಜಿಡಿಪಿ ವೃದ್ಧಿಸಿದೆ. ಮುಂದಿನ ವರ್ಷ ಸಾರ್ವತ್ರಿಕ ಚುನಾವಣೆ ನಡೆಯಲಿರುವುದರಿಂದ ಮೋದಿ ಸರಕಾರಕ್ಕೂ ಇದು ಶುಭ ಸುದ್ದಿಯಾಗಿದೆ.

ಇದೇ ಅವಧಿಯಲ್ಲಿ ಚೀನಾ ಶೇ.6.7 ಜಿಡಿಪಿ ದಾಖಲಿಸಿದ್ದು, ವಿಶ್ವದಲ್ಲಿಯೇ ಅತಿ ವೇಗದಲ್ಲಿ ಬೆಳವಣಿಗೆಯಾಗುತ್ತಿರುವ ಅರ್ಥವ್ಯವಸ್ಥೆಯಾಗಿ ಮುಂದುವರಿದಿದೆ. ಡಾಲರ್‌ ಎದುರು ರೂಪಾಯಿ ಮೌಲ್ಯ ಇಳಿಕೆಯಾಗುತ್ತಿರುವುದರ ನಡುವೆ

2018-19ರ ಏಪ್ರಿಲ್‌-ಜೂನ್‌ ಅವಧಿಯಲ್ಲಿ ಜಿಡಿಪಿ ಮೌಲ್ಯ 33.74 ಲಕ್ಷ ಕೋಟಿ ರೂ.ಗೆ ವೃದ್ಧಿಸಿದೆ. 2017-18ರ ಇದೇ ಅವಧಿಯಲ್ಲಿ 31.18 ಲಕ್ಷ ಕೋಟಿ ರೂ.ಗಳಷ್ಟಿತ್ತು. ಇದರೊಂದಿಗೆ ಶೇ.8.2ರಷ್ಟು ಪ್ರಗತಿ ದಾಖಲಿಸಿದೆ. ಈ ಹಿಂದೆ 2014-15ರ ಜುಲೈ-ಸೆಪ್ಟೆಂಬರ್‌ನಲ್ಲಿ ಶೇ.8.4ರ ಜಿಡಿಪಿ ದಾಖಲಾಗಿತ್ತು.

ಮುಖ್ಯಾಂಶಗಳು

- ಕಳೆದ 2 ವರ್ಷಗಳಲ್ಲಿಯೇ ಇದು ಗರಿಷ್ಠ ತ್ರೈಮಾಸಿಕ ಆರ್ಥಿಕ ಬೆಳವಣಿಗೆ.

- ಉತ್ಪಾದನೆ, ವಿದ್ಯುತ್‌, ಅನಿಲ, ನೀರಿನ ಪೂರೈಕೆ, ನಿರ್ಮಾಣ, ಸಾರ್ವಜನಿಕ ಆಡಳಿತ, ರಕ್ಷಣೆ ಮತ್ತು ಇತರ ಸೇವೆಗಳಲ್ಲಿ ಶೇ.7ರಷ್ಟು ಜಿಡಿಪಿ ದಾಖಲಾಗಿದೆ.

- ಕೃಷಿ, ಅರಣ್ಯ ಮತ್ತು ಮೀನುಗಾರಿಕೆ,ಗಣಿಗಾರಿಕೆ, ಕ್ವಾರೆ ಗಣಿಗಾರಿಕೆ, ಹೋಟೆಲ್‌, ಸಾರಿಗೆ, ಸಂವಹನ ಮತ್ತು ಸೇವೆ, ರಿಯಲ್‌ ಎಸ್ಟೇಟ್‌, ವೃತ್ತಿಪರ ಸೇವೆ ವಲಯ ಅನುಕ್ರಮವಾಗಿ ಶೇ.5.3, ಶೇ.0.1ರಿಂದ ಶೇ.6.7 ತನಕ ಜಿಡಿಪಿ ಪ್ರಗತಿ ಕಂಡಿದೆ.