ಸದ್ಯದಲ್ಲಿಯೇ 48 ಗಂಟೆಗಳಲ್ಲಿ ಪಾಸ್‌ಪೋರ್ಟ್‌

ವಾಷಿಂಗ್ಟನ್‌: ವಿಶ್ವದ ಯಾವುದೇ ದೇಶದಲ್ಲಿರುವ ಭಾರತೀಯ ರಾಯಭಾರ ಕಚೇರಿಗಳು ಸದ್ಯದಲ್ಲಿಯೇ ಕೇವಲ 48 ಗಂಟೆಗಳಲ್ಲಿ ಪಾಸ್‌ಪೋರ್ಟ್‌ ಅನ್ನು ನೀಡಲಿವೆ ಎಂದು ಕೇಂದ್ರ ವಿದೇಶಾಂಗ ವ್ಯವಹಾರಗಳ ರಾಜ್ಯ ಸಚಿವ ವಿ.ಕೆ.ಸಿಂಗ್‌ ಹೇಳಿದ್ದಾರೆ.

ಇಲ್ಲಿನ ಭಾರತೀಯ ರಾಯಭಾರ ಕಚೇರಿಯಲ್ಲಿ 'ಪಾಸ್‌ಪೋರ್ಟ್‌ ಸೇವಾ' ಯೋಜನೆ ಉದ್ಘಾಟಿಸಿ ಮಾತನಾಡಿದ ಅವರು,''ಭಾರತೀಯ ರಾಯಭಾರ ಕಚೇರಿಗಳು ದೇಶದ ಅಂಕಿಅಂಶ ಕೇಂದ್ರಗಳ ಜೊತೆ ಡಿಜಿಟಲ್‌ ಸಂಪರ್ಕ ಹೊಂದಿವೆ. ಈ ಮೂಲಕ ತ್ವರಿತ ಪಾಸ್‌ಪೋರ್ಟ್‌ ವಿತರಣೆ ಸಾಧ್ಯವಾಗಲಿದೆ,'' ಎಂದರು. ಸದ್ಯಕ್ಕೆ ನ್ಯೂಯಾರ್ಕ್‌ನಲ್ಲಿನ ಭಾರತೀಯ ರಾಯಭಾರ ಕಚೇರಿಯಲ್ಲಿ ಸೇವೆ ಲಭ್ಯವಿದ್ದು, ವಿಶ್ವಾದ್ಯಂತ ಎಲ್ಲ ದೇಶಗಳಿಗೂ ವಿಸ್ತರಿಸುವುದಾಗಿ ಸಿಂಗ್‌ ಹೇಳಿದ್ದಾರೆ.