ಹೊಸದಿಲ್ಲಿ: ಭಾರತದ ವಿದೇಶಿ ವಿನಿಮಯ ಸಂಗ್ರಹ (ಫೊರೆಕ್ಸ್)ವು ಜೂನ್ 11ಕ್ಕೆ ಅಂತ್ಯವಾದ ವಾರದಲ್ಲಿ ದಾಖಲೆಯ 608 ಶತಕೋಟಿ ಡಾಲರ್ಗೆ (ಅಂದಾಜು 44 ಲಕ್ಷ ಕೋಟಿ ರೂ.) ಏರಿಕೆಯಾಗಿದೆ. ಜೂನ್ 4-11ರ ಅವಧಿಯಲ್ಲಿ 300 ಕೋಟಿ ಡಾಲರ್ (ಅಂದಾಜು 21,900 ಕೋಟಿ ರೂ.) ಮೌಲ್ಯದ ವಿದೇಶಿ ವಿನಿಮಯ ಸಂಗ್ರಹ ಸೇರ್ಪಡೆಯಾಗಿತ್ತು.
ವಿದೇಶಿ ಕರೆನ್ಸಿಗಳ ಸಂಗ್ರಹವೇ ಫೊರೆಕ್ಸ್ನಲ್ಲಿ ಬಹುಪಾಲನ್ನು ಹೊಂದಿವೆ. ಯುರೊ, ಪೌಂಡ್, ಯೆನ್ಗೆ ಹೋಲಿಸಿದರೆ ವಿದೇಶಿ ವಿನಿಮಯ ಮೌಲ್ಯದಲ್ಲಿ ಡಾಲರ್ನ ಪ್ರಮಾಣ ಹಾಗೂ ಮೌಲ್ಯ ಇತ್ತೀಚೆಗೆ ಏರಿಕೆಯಾಗಿದೆ. ಕಳೆದ ವಾರದ ಕುಸಿತದ ನಂತರ ಫೊರೆಕ್ಸ್ನಲ್ಲಿ ಚಿನ್ನದ ಸಂಗ್ರಹದ ಮೌಲ್ಯ 38 ಶತಕೋಟಿ ಡಾಲರ್ಗೆ (ಅಂದಾಜು 2.77 ಲಕ್ಷ ಕೋಟಿ ರೂ.) ವೃದ್ಧಿಸಿದೆ.
ಭಾರತದ ವಿದೇಶಿ ವಿನಿಮಯ ಸಂಗ್ರಹ 600 ಶತಕೋಟಿ ಡಾಲರ್ಗಿಂತಲೂ ಹೆಚ್ಚಿದ್ದರೂ, ಇದು ಕೂಡ ಬಹುಶಃ ಸಾಕಾಗುವಷ್ಟು ಪ್ರಮಾಣದಲ್ಲಿ ಇಲ್ಲ ಎಂದು ರಿಸರ್ವ್ ಬ್ಯಾಂಕ್ ಹೇಳಿದೆ.
ಭಾರತದ ಆಮದು ಮತ್ತು ಸಾಲದ ಪ್ರಮಾಣವನ್ನು ಪರಿಗಣಿಸಿದರೆ, ವಿದೇಶಿ ವಿನಿಮಯ ಸಂಗ್ರಹ ಸೂಕ್ತ ಎನ್ನುವಷ್ಟರ ಮಟ್ಟಿಗೆ ಇಲ್ಲ. ಒಂದು ವೇಳೆ ಜಾಗತಿಕ ಮಟ್ಟದಲ್ಲಿನ ಬಾಹ್ಯ ಆರ್ಥಿಕ ವಿಪತ್ತುಗಳನ್ನು ಎದುರಿಸಲು ಮತ್ತಷ್ಟು ಫೊರೆಕ್ಸ್ ಸಂಗ್ರಹದ ಅವಶ್ಯಕತೆ ಬೇಕಾಗಬಹುದು ಎಂದು ಆರ್ಬಿಐನ ಸಂಶೋಧಕರು ಅಭಿಪ್ರಾಯಪಟ್ಟಿದ್ದಾರೆ ಎಂದು ವರದಿಯಾಗಿದೆ.
ಚೀನಾ, ಜಪಾನ್, ಸ್ವಿಜರ್ಲೆಂಡ್ ಮತ್ತು ರಷ್ಯಾದ ನಂತರ ಭಾರತ ಹೆಚ್ಚು ಫೊರೆಕ್ಸ್ ಸಂಗ್ರಹವನ್ನು ಹೊಂದಿದೆ. ಈಗಿನ ಮಟ್ಟವು 15 ತಿಂಗಳಿನ ಆಮದಿಗೆ ಸಾಕು.
ಸ್ವಿಜರ್ಲೆಂಡ್ 39 ತಿಂಗಳಿನ ಆಮದು ವೆಚ್ಚಕ್ಕೆ ಬೇಕಾದಷ್ಟು ಫೊರೆಕ್ಸ್ ಹೊಂದಿದ್ದರೆ, ಜಪಾನ್ 22, ರಷ್ಯಾ 20 ಮತ್ತು ಚೀನಾ 16 ತಿಂಗಳಿನ ಆಮದು ಖರ್ಚಿಗೆ ಬೇಕಾದಷ್ಟು ಫೊರೆಕ್ಸ್ ಸಂಗ್ರಹವನ್ನು ಹೊಂದಿವೆ.
ವಿದೇಶಿ ಕರೆನ್ಸಿಗಳ ಸಂಗ್ರಹವೇ ಫೊರೆಕ್ಸ್ನಲ್ಲಿ ಬಹುಪಾಲನ್ನು ಹೊಂದಿವೆ. ಯುರೊ, ಪೌಂಡ್, ಯೆನ್ಗೆ ಹೋಲಿಸಿದರೆ ವಿದೇಶಿ ವಿನಿಮಯ ಮೌಲ್ಯದಲ್ಲಿ ಡಾಲರ್ನ ಪ್ರಮಾಣ ಹಾಗೂ ಮೌಲ್ಯ ಇತ್ತೀಚೆಗೆ ಏರಿಕೆಯಾಗಿದೆ. ಕಳೆದ ವಾರದ ಕುಸಿತದ ನಂತರ ಫೊರೆಕ್ಸ್ನಲ್ಲಿ ಚಿನ್ನದ ಸಂಗ್ರಹದ ಮೌಲ್ಯ 38 ಶತಕೋಟಿ ಡಾಲರ್ಗೆ (ಅಂದಾಜು 2.77 ಲಕ್ಷ ಕೋಟಿ ರೂ.) ವೃದ್ಧಿಸಿದೆ.
ಭಾರತದ ವಿದೇಶಿ ವಿನಿಮಯ ಸಂಗ್ರಹ 600 ಶತಕೋಟಿ ಡಾಲರ್ಗಿಂತಲೂ ಹೆಚ್ಚಿದ್ದರೂ, ಇದು ಕೂಡ ಬಹುಶಃ ಸಾಕಾಗುವಷ್ಟು ಪ್ರಮಾಣದಲ್ಲಿ ಇಲ್ಲ ಎಂದು ರಿಸರ್ವ್ ಬ್ಯಾಂಕ್ ಹೇಳಿದೆ.
ಭಾರತದ ಆಮದು ಮತ್ತು ಸಾಲದ ಪ್ರಮಾಣವನ್ನು ಪರಿಗಣಿಸಿದರೆ, ವಿದೇಶಿ ವಿನಿಮಯ ಸಂಗ್ರಹ ಸೂಕ್ತ ಎನ್ನುವಷ್ಟರ ಮಟ್ಟಿಗೆ ಇಲ್ಲ. ಒಂದು ವೇಳೆ ಜಾಗತಿಕ ಮಟ್ಟದಲ್ಲಿನ ಬಾಹ್ಯ ಆರ್ಥಿಕ ವಿಪತ್ತುಗಳನ್ನು ಎದುರಿಸಲು ಮತ್ತಷ್ಟು ಫೊರೆಕ್ಸ್ ಸಂಗ್ರಹದ ಅವಶ್ಯಕತೆ ಬೇಕಾಗಬಹುದು ಎಂದು ಆರ್ಬಿಐನ ಸಂಶೋಧಕರು ಅಭಿಪ್ರಾಯಪಟ್ಟಿದ್ದಾರೆ ಎಂದು ವರದಿಯಾಗಿದೆ.
ಚೀನಾ, ಜಪಾನ್, ಸ್ವಿಜರ್ಲೆಂಡ್ ಮತ್ತು ರಷ್ಯಾದ ನಂತರ ಭಾರತ ಹೆಚ್ಚು ಫೊರೆಕ್ಸ್ ಸಂಗ್ರಹವನ್ನು ಹೊಂದಿದೆ. ಈಗಿನ ಮಟ್ಟವು 15 ತಿಂಗಳಿನ ಆಮದಿಗೆ ಸಾಕು.
ಸ್ವಿಜರ್ಲೆಂಡ್ 39 ತಿಂಗಳಿನ ಆಮದು ವೆಚ್ಚಕ್ಕೆ ಬೇಕಾದಷ್ಟು ಫೊರೆಕ್ಸ್ ಹೊಂದಿದ್ದರೆ, ಜಪಾನ್ 22, ರಷ್ಯಾ 20 ಮತ್ತು ಚೀನಾ 16 ತಿಂಗಳಿನ ಆಮದು ಖರ್ಚಿಗೆ ಬೇಕಾದಷ್ಟು ಫೊರೆಕ್ಸ್ ಸಂಗ್ರಹವನ್ನು ಹೊಂದಿವೆ.