ಹೊಸದಿಲ್ಲಿ: ಭಾರತದ ಜಿಡಿಪಿ ಪ್ರಸಕ್ತ ಸಾಲಿನಲ್ಲಿ ಶೇ.4.5ರಷ್ಟು ಇರಬಹುದು ಎಂದು ವಿಶ್ವಸಂಸ್ಥೆಯ ವರದಿ ತಿಳಿಸಿದೆ. ಈ ಹಿಂದಿನ 2019-20ರ ಸಾಲಿಗೆ ಹೋಲಿಸಿದರೆ ಇದು ಕಡಿಮೆಯಾದರೂ, ಕೋವಿಡ್‌ 19 ಬಿಕ್ಕಟ್ಟಿನ ನಡುವೆ ಮತ್ತಷ್ಟು ಕುಸಿಯುವ ಆತಂಕವನ್ನು ಸ್ವಲ್ಪಮಟ್ಟಿಗೆ ಕಡಿಮೆ ಮಾಡಿದೆ ಎಂದು ವಿಶ್ಲೇಷಕರು ಹೇಳಿದ್ದಾರೆ. ಹೀಗಿದ್ದರೂ ಕೋವಿಡ್‌-19ರ ದೂರಗಾಮಿ ಪರಿಣಾಮಗಳ ಬಗ್ಗೆ ವಿಶ್ವಸಂಸ್ಥೆ ಎಚ್ಚರಿಸಿದೆ.

ಕೈಗಾರಿಕಾ ಉತ್ಪಾದನೆ ಕಳೆದ ಫೆಬ್ರವರಿಯಲ್ಲಿ ಶೇ.4.5ಕ್ಕೆ ಬೆಳವಣಿಗೆ ದಾಖಲಿಸಿದೆ. ಗಣಿಗಾರಿಕೆ ಮತ್ತು ಉತ್ಪಾದನಾ ಚಟುವಟಿಕೆಗಳು ಚುರುಕಾಗಿರುವುದರಿಂದ ಇದು ಸಾಧ್ಯವಾಗಿದೆ. ಕಾರ್ಖಾನೆಗಳ ಉತ್ಪಾದನೆ ಶೇ. 0.2ರಷ್ಟು ಚೇತರಿಸಿದ್ದು, ವಿದ್ಯುತ್‌ ಉತ್ಪಾದನೆ ಕೂಡ ಶೇ. 8.1ರಷ್ಟು ಸುಧಾರಿಸಿತ್ತು. ಕಳೆದ 7 ತಿಂಗಳುಗಳಲ್ಲಿಯೇ ಕೈಗಾರಿಕಾ ಉತ್ಪಾದನೆ ಗರಿಷ್ಠ ಮಟ್ಟಕ್ಕೆ ಫೆಬ್ರವರಿಯಲ್ಲಿ ಸುಧಾರಿಸಿತ್ತು.

ಆರ್ಥಿಕ ಚೇತರಿಕೆಗೆ ಪೆಟ್ಟು: ಆರ್‌ಬಿಐ ಎಚ್ಚರಿಕೆ

ಕೊರೊನಾ ವೈರಸ್‌ ದೇಶದ ಭವಿಷ್ಯದ ಆರ್ಥಿಕತೆಗೆ ಹೊಡೆತ ನೀಡಲಿದೆ ಎಂದು ರಿಸರ್ವ್‌ ಬ್ಯಾಂಕ್‌ ಆಫ್‌ ಇಂಡಿಯಾ ಎಚ್ಚರಿಸಿದೆ.

ಭಾರತದ ಜಿಡಿಪಿ ಶೇ. 2ಕ್ಕೆ ಇಳಿಕೆ, 30 ವರ್ಷಗಳಲ್ಲಿಯೇ ಕನಿಷ್ಠ ಮಟ್ಟಕ್ಕೆ ಕುಸಿತ: ಫಿಚ್‌ ಅಂದಾಜು

‘‘ಲಾಕ್‌ ಡೌನ್‌ ನೇರವಾಗಿ ದೇಶದ ಆರ್ಥಿಕ ಚಟುವಟಿಕೆಗಳ ಮೇಲೆ ಪ್ರತಿಕೂಲ ಪರಿಣಾಮ ಬೀರಲಿದೆ. ಜಾಗತಿಕ ಆರ್ಥಿಕ ಹಿಂಜರಿತದ ನೆರಳೂ ಕಾಡಲಿದೆ. ಏಕೆಂದರೆ ಕೋವಿಡ್‌-19 ಜಾಗತಿಕ ಉತ್ಪಾದನೆ, ಪೂರೈಕೆ ಸರಣಿ, ವ್ಯಾಪಾರ, ಪ್ರವಾಸೋದ್ಯಮಕ್ಕೆ ಮಾರಕವಾಗಿ ಪರಿಣಮಿಸಿದೆ. ದೇಶದ ಆರ್ಥಿಕತೆ ಚೇತರಿಸುತ್ತಿತ್ತು. ಆದರೆ ಕೋವಿಡ್‌ 19 ಪರಿಣಾಮ ಈ ಅಂದಾಜನ್ನು ನಕಾರಾತ್ಮಕವಾಗಿ ಬದಲಿಸಿದೆ’’ ಎಂದು ಎಚ್ಚರಿಸಿದೆ.

ಆರ್‌ಬಿಐ 2019-20ರ ಜಿಡಿಪಿ ಬೆಳವಣಿಗೆಯನ್ನು ಶೇ. 5.0ಕ್ಕೆ ಅಂದಾಜಿಸಿತ್ತು. ಮೇ ಅಂತ್ಯಕ್ಕೆ ಅಂತಿಮ ವರದಿ ಪ್ರಕಟವಾಗಲಿದೆ. ಮುಂಬರುವ ದಿನಗಳಲ್ಲೂ ಹಣಕಾಸು ನೀತಿಯನ್ನು ಸಡಿಲಗೊಳಿಸುವ ಇಂಗಿತವನ್ನು ಆರ್‌ಬಿಐ ವ್ಯಕ್ತಪಡಿಸಿದೆ.