ಭಾರತಕ್ಕೆ ಚೀನಾ ವಸ್ತುಗಳ ಆಮದು ಪ್ರಮಾಣ ಶೇ.27 ಇಳಿಕೆ

ಹೊಸದಿಲ್ಲಿ: ಭಾರತವು ಚೀನಾದಿಂದ ಮಾಡುವ ಸರಕುಗಳ ಆಮದು ಕಳೆದ ಏಪ್ರಿಲ್‌-ಆಗಸ್ಟ್‌ ಅವಧಿಯಲ್ಲಿ ಶೇ.27.63ರಷ್ಟು ಇಳಿಕೆಯಾಗಿದೆ.

ಚೀನಾದಿಂದ ಭಾರತಕ್ಕೆ ಏಪ್ರಿಲ್‌-ಆಗಸ್ಟ್‌ ನಲ್ಲಿ ಆಮದು 21.58 ಕೋಟಿ ಡಾಲರ್‌ಗೆ ಇಳಿಕೆಯಾಗಿದೆ ಎಂದು ವಾಣಿಜ್ಯ ಸಚಿವ ಪಿಯೂಷ್‌ ಗೋಯಲ್‌ ಲೋಕಸಭೆಗೆ ತಿಳಿಸಿದರು. ಚೀನಾಕ್ಕೆ ನೀಡಿರುವ ವಿಶೇಷ ಆಪ್ತ ರಾಷ್ಟ್ರದ ಸ್ಥಾನಮಾನವನ್ನು (ಎಂಎಫ್‌ಎನ್‌) ಹಿಂತೆಗೆದುಕೊಳ್ಳುವ ಪ್ರಸ್ತಾಪ ಸರಕಾರದ ಮುಂದಿಲ್ಲಎಂದರು.

ಎಂಎಫ್‌ಎನ್‌ ಅಡಿಯಲ್ಲಿ ಉಭಯ ರಾಷ್ಟ್ರಗಳು ಡಬ್ಲ್ಯುಟಿಒ ಒಪ್ಪಂದಗಳನ್ನು ಸಮಾನವಗಿ ಗೌರವಿಸುತ್ತವೆ. ಕಸ್ಟಮ್ಸ್‌ ಸುಂಕದಲ್ಲಿ ರಿಯಾಯಿತಿಗಳು ಇರುತ್ತವೆ.

ಚೀನಾ ವಸ್ತುಗಳ ಮೇಲೆ ಕೇಂದ್ರದ ಕಣ್ಗಾವಲು: ಬಂದರು, ವಿಮಾನ ನಿಲ್ದಾಣದಲ್ಲಿ ಕಟ್ಟೆಚ್ಚರ!

ಗಡಿ ಸಂಘರ್ಷದ ನಂತರ ಚೀನಾದಿಂದ ಭಾರತಕ್ಕೆ ಆಮದು ಕ್ಲಿಯರೆನ್ಸ್‌ ಮಾಡುವ ಪ್ರಕ್ರಿಯೆಯನ್ನು ಹೆಚ್ಚು ಸಂಕೀರ್ಣಗೊಳಿಸಲಾಯಿತು. ಇದರಿಂದ ಆಮದು ವಿಳಂಬವಾಗತೊಡಗಿತು. ದೇಶದ ಬಂದರು ಮತ್ತು ವಿಮಾನ ನಿಲ್ದಾಣಗಳಲ್ಲಿ ಚೀನಾ ಮೂಲದ ಸರಕುಗಳ ಮೇಲೆ ಹದ್ದಿನ ಕಣ್ಣು ಇರಿಸಲಾಯಿತು. ಚೀನಾದಿಂದ ಆಮದಾಗುವ ಎಲ್ಲ ವಸ್ತುಗಳ ಸಮಗ್ರ ಪರಿಶೀಲನೆ ನಡೆಸಲಾಗುತ್ತಿದೆ. ಚೀನಾದಿಂದ ಆಮದುಗಳಿಗೆ ಕಠಿಣ ನಿರ್ಬಂಧ ಹಾಗೂ ಆಮದು ಸುಂಕ ಹೆಚ್ಚಳಕ್ಕೂ ಸರಕಾರ ಪರಿಶೀಲನ ನಡೆಸುತ್ತಿದೆ. ಈ ಎಲ್ಲದರ ಪರಿಣಾಮ ಚೀನಾದಿಂದ ಭಾರತಕ್ಕಾಗುವ ಆಮದು ಪ್ರಮಾಣ ಇಳಿಕೆಯಾಗಿದೆ.

ಸ್ನೇಹ ಹಸ್ತ ಚಾಚುತ್ತಾ ಸಂಘರ್ಷದ ಹಾದಿ ತುಳಿದ ಚೀನಾವನ್ನು ಸುಮ್ನೆ ಬಿಟ್ಟೇವಾ?