ಟಿಸಿಎಸ್‌ಗೆ 8,126 ಕೋಟಿ ರೂ. ಲಾಭ

ಹೊಸದಿಲ್ಲಿ: ಭಾರತದ ಅತಿ ದೊಡ್ಡ ಐಟಿ ಕಂಪನಿ ಟಿಸಿಎಸ್‌ ಶುಕ್ರವಾರ ಜನವರಿ-ಮಾರ್ಚ್‌ ತ್ರೈಮಾಸಿಕ ಫಲಿತಾಂಶವನ್ನು ಪ್ರಕಟಿಸಿದ್ದು, 8,126 ಕೋಟಿ ರೂ. ನಿವ್ವಳ ಲಾಭ ಗಳಿಸಿದೆ.

ಟಿಸಿಎಸ್‌ ಲಾಭ ಶೇ.17.70ರಷ್ಟು ಏರಿಕೆಯಾಗಿದ್ದು, ಕಳೆದ ವರ್ಷ ಇದೇ ಅವಧಿಯಲ್ಲಿ 6,904 ಕೋಟಿ ರೂ. ಲಾಭವಾಗಿತ್ತು. ಕಂಪನಿಯ ನಿವ್ವಳ ಬಿಸಿನೆಸ್‌ 38,010 ಕೋಟಿ ರೂ.ಗೆ ವೃದ್ಧಿಸಿದ್ದು, ಶೇ.18.5 ಏರಿಕೆಯಾಗಿದೆ.

''ಆದಾಯದ ದೃಷ್ಟಿಯಿಂದ ಕಳೆದ 15 ತ್ರೈಮಾಸಿಕಗಳಲ್ಲಿಯೇ ಕಂಪನಿಯ ಪ್ರಬಲ ಬೆಳವಣಿಗೆ ಇದಾಗಿದೆ. ಕಂಪನಿಯ ಆರ್ಡರ್‌ ಬುಕ್‌ ಕಳೆದ ಮೂರು ತ್ರೈಮಾಸಿಕಗಳಲ್ಲಿಯೇ ದೊಡ್ಡದಾಗಿದೆ. ಜಾಗತಿಕ ಅನಿಶ್ಚಿತತೆಯ ಹೊರತಾಗಿಯೂ ಕಂಪನಿ ಹೊಸ ಆರ್ಥಿಕ ವರ್ಷದಲ್ಲಿ ಉತ್ತಮ ಸ್ಥಿತಿಯಲ್ಲಿದೆ '' ಎಂದು ಟಿಸಿಎಸ್‌ ಸಿಇಒ ರಾಜೇಶ್‌ ಗೋಪಿನಾಥನ್‌ ತಿಳಿಸಿದ್ದಾರೆ.

2018-19ರ ಸಾಲಿಗೆ 18 ರೂ.ಗಳ ಅಂತಿಮ ಡಿವಿಡೆಂಡ್‌ ಘೋಷಿಸಿದೆ.