ಕೈಗಾರಿಕಾ ಉತ್ಪಾದನೆ ಶೇ.3.4ಕ್ಕೆ ವೃದ್ಧಿ

ಹೊಸದಿಲ್ಲಿ: ಗಣಿ ಮತ್ತು ವಿದ್ಯುತ್‌ ಉತ್ಪಾದನೆಯಲ್ಲಿ ಸುಧಾರಣೆಯಾಗಿದ್ದು ಕೈಗಾರಿಕಾ ಉತ್ಪಾದನೆಯ ಬೆಳವಣಿಗೆ ಏಪ್ರಿಲ್‌ನಲ್ಲಿ ಶೇ.3.4ಕ್ಕೆ ಏರಿಕೆಯಾಗಿದೆ. ಇದು ಕಳೆದ 6 ತಿಂಗಳಲ್ಲಿನ ಗರಿಷ್ಠ ಮಟ್ಟವಾಗಿದೆ.

2018ರ ಏಪ್ರಿಲ್‌ನಲ್ಲಿ ಕೈಗಾರಿಕಾ ಉತ್ಪಾದನೆ ಸೂಚ್ಯಂಕವು ಶೇ.4.5ರಷ್ಟಿತ್ತು. ಸರಕಾರ ಬಿಡುಗಡೆ ಮಾಡಿರುವ ವರದಿ ಪ್ರಕಾರ, ಗಣಿಗಾರಿಕೆ ವಲಯದಲ್ಲಿ ಉತ್ಪಾದನೆಯು ಶೇ.5.1ಕ್ಕೆ ಏರಿದೆ. ಕಳೆದ ವರ್ಷದ ಇದೇ ಅವಧಯಲ್ಲಿ ಅದು ಶೇ.3.8ರಷ್ಟಿತ್ತು. ಇದೇ ರೀತಿ ವಿದ್ಯುತ್‌ ವಲಯದಲಿ ಏಪ್ರಿಲ್‌ನಲ್ಲಿ ಶೇ.6ರಷ್ಟು ಬೆಳವಣಿಗೆ ಕಂಡು ಬಂದಿದೆ. ಕಳೆದ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ಶೇ.2.1ರಷ್ಟಿತ್ತು. ಆದಾಗ್ಯೂ, ಉತ್ಪಾದನಾ ವಲಯದಲ್ಲಿ ಬೆಳವಣಿಗೆ ಮಂದಗತಿಯಲ್ಲಿಯೇ ಇದೆ.