ಹೂಡಿಕೆದಾರರ ಸಂಪತ್ತು 2 ದಿನದಲ್ಲಿ 3.86 ಲಕ್ಷ ಕೋಟಿ ರೂ. ಏರಿಕೆ

ಮುಂಬಯಿ: ಷೇರು ಮಾರುಕಟ್ಟೆಯಲ್ಲಿ ವಹಿವಾಟು ಏರುಗತಿಯಲ್ಲಿದ್ದು, ಹಿಂದಿನ 2 ದಿನಗಳಲ್ಲಿ ಹೂಡಿಕೆದಾರರ ಸಂಪತ್ತು 3.86 ಲಕ್ಷ ಕೋಟಿ ರೂ. ಏರಿಕೆಯಾಗಿದೆ. ಈ ಎರಡು ದಿನಗಳಲ್ಲಿ ಸೆನ್ಸೆಕ್ಸ್‌ 872 ಅಂಕ ಏರಿಕೆಯಾಗಿದ್ದು, ಹೂಡಿಕೆದಾರರು ಉತ್ಸಾಹದಲ್ಲಿದ್ದಾರೆ.

ಬಿಎಸ್‌ಇ ನೋಂದಣಿಯ ಷೇರುಪೇಟೆಯಲ್ಲಿನ ಕಂಪನಿಗಳ ಮಾರುಕಟ್ಟೆ ಬಂಡವಾಳವು 3,86,220 ಕೋಟಿ ಏರಿಕೆಯಾಗಿದ್ದು, 1,54,11,395 ಕೋಟಿ ರೂ. ಮುಟ್ಟಿದೆ. ''ಬಿಜೆಪಿಗೆ ಸಿಕ್ಕಿದ ಸ್ಪಷ್ಟ ಜನಾದೇಶವು ಮಾರುಕಟ್ಟೆಯನ್ನು ಪ್ರಭಾವಿಸಿದೆ. ವಿದೇಶಿ ಸಾಂಸ್ಥಿಕ ಹೂಡಿಕೆಯ ಒಳಹರಿವಿಲ್ಲಿ ಹೆಚ್ಚಳ ಕಂಡು ಬಂದಿದೆ,'' ಎಂದು ತಜ್ಞರು ವಿಶ್ಲೇಷಿಸಿದ್ದಾರೆ.