₹100ಕ್ಕೆ ಕೇಬಲ್‌ ಟಿವಿ: ಮುಂಬಯಿಯಲ್ಲಿ ಹೊಸ ಪ್ಲ್ಯಾನ್‌ ಆರಂಭಿಸಿದ ಜಿಯೋ ಹಾಥ್‌ವೇ

ಬೆಂಗಳೂರು: ಮೊಬೈಲ್‌ ಫೋನ್‌ ಸೇವೆಯನ್ನು ಕ್ರಾಂತಿಯನ್ನೇ ಮಾಡಿರುವ ರಿಲಯನ್ಸ್‌ ಜಿಯೋ, ಇದೀಗ ದೇಶದ ಕೇಬಲ್‌ ನೆಟ್ವರ್ಕ್‌ ಕ್ಷೇತ್ರದಲ್ಲೂ ಸಂಚಲನ ಮೂಡಿಸುತ್ತಿದೆ. ತಿಂಗಳಿಗೆ ಕೇವಲ 100 ರೂಪಾಯಿಗೆ ಕೇಬಲ್‌ ಟಿವಿ ಸೇವೆ ಒದಗಿಸುವ ನೂತನ ಯೋಜನೆ ಪ್ರಾಯೋಗಿಕವಾಗಿ ಆರಂಭವಾಗಿದೆ.

ರಿಲಯನ್ಸ್ ಜಿಯೋ ನೆಟ್‌ವರ್ಕ್‌ನ ಭಾಗವಾಗಿರುವ ಹ್ಯಾಥ್‌ವೇ ಕೇಬಲ್ ಮತ್ತು ಡಾಟಾಕಾಮ್ ಕಂಪನಿಗಳು ಮುಂಬೈನ ಕೆಲವು ಭಾಗಗಳಲ್ಲಿ ಅಗ್ಗದ ಬೆಲೆಯ ಕೇಬಲ್ ಟಿವಿ ಸೇವೆ ನೀಡುವ ಯೋಜನೆಗಳನ್ನು ಆರಂಭಿಸಿವೆ.

ಜಿಯೋ ಹ್ಯಾಥ್‌ವೇ ತಿಂಗಳಿಗೆ ಕೇವಲ 100 ರೂ. ಬೆಲೆಯಲ್ಲಿ ಕೇಬಲ್‌ ಟಿವಿ ಸೇವೆ ಒದಗಿಸುವ ನೂತನ ಪ್ರಯೋಗಕ್ಕೆ ಮುಂದಾಗಿದೆ. ಜಿಯೋ ಹಾಥ್‌ವೇ ಈ ಯೋಜನೆಯಲ್ಲಿ ಭಾರತದ ಎಲ್ಲ ಜನಪ್ರಿಯ ಚಾನೆಲ್‌ಗಳೂ ಸ್ಟ್ಯಾಂಡರ್ಡ್ ಡೆಫಿನಿಷನ್‌ (ಎಸ್‌ಡಿ) ಗುಣಮಟ್ಟದಲ್ಲಿ ಬರಲಿವೆ. ತಿಂಗಳಿಗೆ 200 ರೂಪಾಯಿ ಪ್ಲ್ಯಾನ್‌ನಲ್ಲಿ ಎಚ್‌ಡಿ ಗುಣಮಟ್ಟದ ಚಾನಲ್‌ಗಳು ಲಭ್ಯವಾಗಲಿವೆ.

ಏರ್‌ಟೆಲ್‌, ವೊಡಾಫೋನ್‌ ಐಡಿಯಾ ಜೊತೆ ಪೋಸ್ಟ್‌ಪೇಯ್ಡ್‌ ಸಮರಕ್ಕಿಳಿದ ಜಿಯೋ

ಜಿಯೋ ಹಾಥ್‌ವೇ ಅನುಷ್ಠಾನ ಶುಲ್ಕ ಹಾಗೂ ಸೆಟ್‌ಟಾಪ್‌ ಬಾಕ್ಸ್‌ ಶುಲ್ಕಗಳನ್ನು ತೆಗೆದುಕೊಳ್ಳದಿರುವುದು ಮತ್ತೊಂದು ಶುಭ ಸುದ್ಧಿ. ಗ್ರಾಹಕರು ಹೊಸ ಸಂಪರ್ಕ ಪಡೆಯಲು ಕೇವಲ 600 ರೂಪಾಯಿ ಪಾವತಿಸಿದರೆ ಸಾಕು. ಜತೆಗೆ ಆರು ತಿಂಗಳ ಕೇಬಲ್ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ. ಎಚ್‌ಡಿ ಸಂಪರ್ಕ ಪಡೆಯುವ ಗ್ರಾಹಕರು ಆರು ತಿಂಗಳಿಗೆ ಕೇವಲ 1,000 ರೂಪಾಯಿ ಶುಲ್ಕ ಪಾವತಿಸಿದರೆ ಸಾಕು.

ರಿಲಯನ್ಸ್‌ ರಿಟೇಲ್‌ನಲ್ಲಿ ಅಮೆರಿಕಾದ ಕೆಕೆಆರ್‌ನಿಂದ 5,550 ಕೋಟಿ ರೂ. ಹೂಡಿಕೆ

ಪ್ರಸ್ತುತ ಎಸ್‌ಡಿ ಗುಣಮಟ್ಟದ ಕೇಬಲ್‌ ಸಂಪರ್ಕಕ್ಕೆ 320 ರೂಪಾಯಿ ಶುಲ್ಕ ವಿಧಿಸಲಾಗುತ್ತಿದೆ. ಜಿಯೋ ಹಾಥ್‌ವೇಯಲ್ಲಿ ಶೇ.70ರಷ್ಟು ಹಣ ಉಳಿತಾಯವಾಗಲಿದೆ. ಎಚ್‌ಡಿ ಗುಣಮಟ್ಟದ ಕೇಬಲ್‌ ಸಂಪರ್ಕಕ್ಕೆ ಪ್ರಸ್ತುತ 420 ರೂಪಾಯಿಗೂ ಹೆಚ್ಚು ಶುಲ್ಕ ವಿಧಿಸಲಾಗುತ್ತಿದೆ. ಜಿಯೋ ಹಾಥ್‌ವೇ ಸಂಪರ್ಕದಿಂದ ಶೇ.50ರಷ್ಟು ಹಣ ಉಳಿತಾಯವಾಗಲಿದೆ.

ಆದರೆ, ಪ್ರಸ್ತುತ ಈ ಯೋಜನೆ ಮುಂಬಯಿಯ ಕೆಲವೇ ಆಯ್ದ ಪ್ರದೇಶಗಳಲ್ಲಿ ಮಾತ್ರ ಲಭ್ಯವಿದೆ. ಪ್ರಾಯೋಗಿಕವಾಗಿ ಅನುಷ್ಠಾನ ಮಾಡುತ್ತಿದ್ದು, ಈ ಯೋಜನೆಯು ಶೀಘ್ರದಲ್ಲೇ ಎಲ್ಲ ಮಹಾನಗರಗಳಿಗೂ ವಿಸ್ತರಣೆಗೊಳ್ಳುವ ಸಾಧ್ಯತೆ ಇದೆ.