ಬೆಂಗಳೂರು: ರಿಲಯನ್ಸ್‌ ಜಿಯೊ ತನ್ನ ಡೇಟಾ ದರಗಳನ್ನು ಮತ್ತಷ್ಟು ಕಡಿತಗೊಳಿಸಿದ್ದು, ದಿನಕ್ಕೆ 1 ಜಿಬಿ ಡೇಟಾ ದರದ ಪ್ಯಾಕೇಜ್‌ನ ಬೆಲೆಯಲ್ಲಿ 50 ರೂ. ಕಡಿತಗೊಳಿಸಿದೆ. 28 ದಿನಗಳಿಗೆ 28 ಜಿಬಿ ಡೇಟಾ ಪ್ಯಾಕೇಜ್‌ಗೆ ಈ ಹಿಂದೆ 199 ರೂ. ದರ ಇತ್ತು. ಅದನ್ನು 149 ರೂ.ಗೆ ಜಿಯೊ ಇಳಿಸಿದೆ.
70 ದಿನಗಳ ಅವಧಿಯ 70 ಜಿಬಿ ಡೇಟಾ ಪ್ಯಾಕೇಜ್‌ನ ಬೆಲೆಯನ್ನು 399 ರೂ.ಗಳಿಂದ 349 ರೂ.ಗೆ ತಗ್ಗಿಸಿದೆ. 84 ದಿನಗಳ ಅವಧಿಯ 84 ಜಿಬಿ ಡೇಟಾ ಪ್ಯಾಕೇಜ್‌ನ ದರವನ್ನು 459 ರೂ.ಗಳಿಂದ 399 ರೂ.ಗೆ ಕಡಿತಗೊಳಿಸಿದೆ. 91 ದಿನಗಳ ಅವಧಿಯ 91 ಜಿಬಿ ಡೇಟಾ ಪ್ಯಾಕೇಜ್‌ನ ದರ 499 ರೂ.ಗಳಿಂದ 449 ರೂ.ಗೆ ಇಳಿಸಿದೆ.
ಈ ದರಗಳು ಟೆಲಿಕಾಂ ಉದ್ದಿಮೆಯಲ್ಲಿಯೇ ಅತ್ಯಂತ ಕಡಿಮೆ ದರಗಳು ಎಂದು ರಿಲಯನ್ಸ್‌ ಜಿಯೊ ಹೇಳಿದೆ. ಹೊಸ ಪ್ಲಾನ್‌ಗಳು ಜನವರಿ 9ರಿಂದ ಜಾರಿಯಾಗಲಿವೆ. ಈ ವರ್ಷ ಮತ್ತಷ್ಟು ಹೊಸ ಯೋಜನೆಗಳು, ಕೊಡುಗೆಗಳನ್ನು ಜಿಯೊ ನೀಡಲಿದ್ದು, ಇದು ಆರಂಭವಷ್ಟೇ ಎಂದು ಜಿಯೊ ತಿಳಿಸಿದೆ.