ನೆನಪಿರಲಿ ಐಟಿ ರಿಟರ್ನ್ಸ್‌ಗೆ ಕೊನೆಯ ದಿನಾಂಕ ಜುಲೈ 31

2016-17ನೇ ಆರ್ಥಿಕ ವರ್ಷದ ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸಲು ಜುಲೈ 31 ಕೊನೆಯ ದಿನಾಂಕ. ಅದಕ್ಕಿಂತಲೂ ಮೊದಲು ತಿಳಿದುಕೊಳ್ಳಬೇಕಾದ ವಿಷಯಗಳು ಕೆಲವು ಇವೆ. ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸುವ ಸಮಯದ ಫಾರಂ 16 ಜತೆಗೆ ಫಾರಂ 26 ಎಎಸ್ ಅಗತ್ಯದ ಬಗ್ಗೆಯೂ ತಿಳಿದುಕೊಳ್ಳಬೇಕು.

ಫಾರಂ 16ನ್ನು ಕೆಲಸ ಮಾಡುತ್ತಿರುವ ಕಂಪೆನಿಗಳಲ್ಲಿ ಕೊಡುತ್ತಾರೆ. ಇದು ಸಂಬಳದಲ್ಲಿ ಟಿಡಿಎಸ್ (ಟ್ಯಾಕ್ಸ್ ಡಿಡೆಕ್ಟೆಡ್ ಅಟ್ ಸೋರ್ಸ್) ವಿನಾಯಿತಿ ನೀಡಿದಂತೆ ಎಂದು ಕಂಪೆನಿ ದೃಢಪಡಿಸಿದ ಪತ್ರ. ಆದರೆ ಫಾರಂ 26 ಎಎಸ್ ಮಾತ್ರ ಎಲ್ಲಾ ವಿಧದ ತೆರಿಗೆಯನ್ನು ಸಲ್ಲಿಸಿದಂತೆ ನೀವೇ ಸ್ವತಃ ದೃಢೀಕರಿಸಿಕೊಂಡು ಸಲ್ಲಿಸುವ ಪತ್ರ. ಇದನ್ನು ಆದಾಯ ತೆರಿಗೆ ಇಲಾಖೆಯ ವೆಬ್‍ಸೈಟ್‌ನಿಂದ ಡೌನ್‌ಲೋಡ್ ಮಾಡಿಕೊಳ್ಳಬಹುದು.

ಈ ಎರಡೂ ಪತ್ರಗಳಿಂದ ಆದಾಯ ತೆರಿಗೆ ರಿಟರ್ನ್ಸ್ ದಾಖಲು ಮಾಡುವ ಮೊದಲು ಒಮ್ಮೆ ಅವುಗಳಲ್ಲಿ ಲೆಕ್ಕಚಾರ ತಾಳೆಯಾಗುತ್ತಿದೆಯಾ ಎಂದು ಪರೀಕ್ಷಿಸಿಕೊಳ್ಳಿ. ಎರಡೂ ಹೋಲಿಕೆ ಇಲ್ಲದಿದ್ದರೆ ಆ ಬಳಿಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಸಾಧ್ಯವಾದರೆ ಕಂಪೆನಿ ಸಹಾಯ ಪಡೆದು ನಿಮ್ಮ ಟಿಡಿಎಸ್ ವಿವರಗಳನ್ನು ಸರಿಯಾಗಿ ಹೋಲಿಕೆ ಮಾಡಿಕೊಳ್ಳಬೇಕು.

ಒಬ್ಬ ವ್ಯಕ್ತಿಯ ಸಂಬಳ, ಫಿಕ್ಸಡ್ ಡಿಪಾಸಿಟ್‍ಗಳ ಮೇಲಿನ ಬಡ್ಡಿ, ಇನ್ನಿತರೆ ಆದಾಯದಿಂದ ಟಿಡಿಎಸ್‌ ತೆಗೆದ ಬಳಿಕ ಕ್ರೆಡಿಟನ್ನು ನಿರ್ಧಾರಿಸಲು ಫಾರಂ 26 ಎಎಸ್ ಬಹಳ ಮುಖ್ಯ ಎಂದು ತಜ್ಞರು ಹೇಳುತ್ತಾರೆ. ಆದಾಯ ತೆರಿಗೆ ರಿಟರ್ನ್ ಸಲ್ಲಿಸಿದ ಬಳಿಕ ಸೆಂಟ್ರಲೈಸ್ಡ್ ಪ್ರಾಸೆಸಿಂಗ್ ಸೆಂಟರ್ ಮೂಲಕ ಆದಾಯದಲ್ಲಿನ ಗಳಿಕೆ, ಟಿಡಿಎಸ್‍ ಕೊರತೆ ಇದರಲ್ಲಿ ಪ್ರತಿಫಲಿಸುತ್ತದೆ. ಆದಕಾರಣ ಸೂಕ್ಷ್ಮವಾಗಿ ಒಂದಕ್ಕೆ ಎರಡು ಸಲ ಪರಿಶೀಲಿಸಿದ ಬಳಿಕ ಸಲ್ಲಿಸಬೇಕು.