ಹೊಸದಿಲ್ಲಿ: ಹಣಕಾಸು ವರ್ಷ 2021-22ರಲ್ಲಿ ಅತಿ ಹೆಚ್ಚಿನ ವಿದೇಶಿ ನೇರ ಬಂಡವಾಳ(ಎಫ್ಡಿಐ) ಸ್ವೀಕರಿಸಿದ ಭಾರತದ ರಾಜ್ಯಗಳಲ್ಲಿ ಕರ್ನಾಟಕ ಮೊದಲ ಸ್ಥಾನದಲ್ಲಿದೆ.
ಎಫ್ಡಿಐ ಹರಿವಿನ ಬಗ್ಗೆ ಕೇಂದ್ರ ಸರಕಾರ ಬಿಡುಗಡೆ ಮಾಡಿದ ಅಂಕಿಅಂಶಗಳ ಪ್ರಕಾರ, ಮಹಾರಾಷ್ಟ್ರ ರಾಜ್ಯಕ್ಕೆ ಶೇ.26.26ರಷ್ಟು ಎಫ್ಡಿಐ ಬಂದಿದೆ.
ಭಾರತ ಸರಕಾರವು ಉತ್ಪಾದನೆ, ರಕ್ಷಣೆ, ನಾಗರಿಕ ವಿಮಾನಯಾನ, ಚಿಲ್ಲರೆ ವ್ಯಾಪಾರ, ಟೆಲಿಕಾಂ, ಚಿಲ್ಲರೆ ವ್ಯಾಪಾರ, ವಿಮೆ, ಔಷಧಗಳು, ಇ-ಕಾಮರ್ಸ್, ನಿರ್ಮಾಣ ಮತ್ತು ಅಭಿವೃದ್ಧಿ ಸೇರಿದಂತೆ ಹಲವಾರು ಕ್ಷೇತ್ರಗಳಲ್ಲಿ ತನ್ನ ಎಫ್ಡಿಐ ನೀತಿಯ ಅಡಿಯಲ್ಲಿ ಹಲವಾರು ಸುಧಾರಣೆಗಳನ್ನು ಜಾರಿಗೆ ತಂದಿದೆ. ಭಾರತವು 2021-22ರ ಆರ್ಥಿಕ ವರ್ಷದಲ್ಲಿ 101 ದೇಶಗಳಿಂದ ಎಫ್ಡಿಐ ಸ್ವೀಕರಿಸಿದೆ.
ಯಾವ ದೇಶಗಳಿಂದ ಎಷ್ಟೆಷ್ಟು?
ಹಣಕಾಸು ವರ್ಷ 2021-22ರಲ್ಲಿ ಎರಡು ದೇಶಗಳಾದ ಸಿಂಗಾಪುರ (ಶೇ.27.01) ಮತ್ತು ಅಮೆರಿಕದಿಂದ (ಶೇ.17.94) ಭಾರತಕ್ಕೆ ಅತಿ ಹೆಚ್ಚು ಎಫ್ಡಿಐ ಬಂದಿದೆ. ನಂತರದ ಸ್ಥಾನದಲ್ಲಿ ಮಾರಿಷಸ್ ಇದ್ದು, ಭಾರತಕ್ಕೆ ಬಂದ ಎಫ್ಡಿಐನಲ್ಲಿಈ ದೇಶದ ಪಾಲು ಶೇ.15.98ರಷ್ಟಿದೆ. ನೆದರ್ಲೆಂಡ್ (ಶೇ.7.86), ಸ್ವಿಜರ್ಲೆಂಡ್ (ಶೇ.7.31) ದೇಶಗಳು ಭಾರತಕ್ಕೆ ಬಂಡವಾಳ ಪೂರೈಸಿದ ಇತರ ಪ್ರಮುಖ ದೇಶಗಳಾಗಿವೆ.
ತಯಾರಿಕಾ ವಲಯಕ್ಕೆ ಹೆಚ್ಚಿನ ಪಾಲು ಹಿಂದಿನ ಹಣಕಾಸು ವರ್ಷ 2020-21ಕ್ಕೆ ಹೋಲಿಸಿದರೆ (12.09 ಶತಕೋಟಿ ಡಾಲರ್) ಹಣಕಾಸು ವರ್ಷ 2021-22ರಲ್ಲಿ ಭಾರತದ ತಯಾರಿಕಾ ವಲಯಕ್ಕೆ ಬಂದಿರುವ ವಿದೇಶಿ ನೇರ ಬಂಡವಾಳವು ಶೇ. 76ರಷ್ಟು ಏರಿಕೆಯಾಗಿದ್ದು, 21.34 ಶತಕೋಟಿ ಡಾಲರ್ (1.70 ಲಕ್ಷ ಕೋಟಿ ರೂ.) ಹೂಡಿಕೆ ಹರಿದು ಬಂದಿದೆ.