ಕಡಿಮೆ ದರದ ಮನೆಗಳಿಗೆ ಕರ್ನಾಟಕ ಹೊಸನೀತಿ

ಬೆಂಗಳೂರು: ಕರ್ನಾಟಕ ಸರಕಾರ ಕಡಿಮೆ ದರದ ಮನೆಗಳ ನಿರ್ಮಾಣ ವಲಯಕ್ಕೆ ಸಂಬಂಧಿಸಿ ತನ್ನದೇ ಆದ ನೀತಿಯನ್ನು ಜಾರಿಗೊಳಿಸಿ ಜನತೆಗೆ ಅನುಕೂಲ ಕಲ್ಪಿಸಲು ಕಾರ್ಯಪ್ರವೃತ್ತವಾಗಿದೆ.

ಕೇಂದ್ರದ ಪ್ರಧಾನಮಂತ್ರಿ ಆವಾಸ್‌ ಯೋಜನೆಯ (ಪಿಎಂಎವೈ) ಅಡಿಯಲ್ಲಿಜನತೆಗೆ ಅಧಿಕಾರಿ ವರ್ಗದವರಿಂದ ಯಾವುದೇ ಸಮಸ್ಯೆ, ಅಡಚಣೆ ಆಗದಂತೆ ನೋಡಿಕೊಳ್ಳಲು ಹೊಸ ಪರಿಕಲ್ಪನೆ ಜಾರಿಗೊಳಿಸಲು ರಾಜ್ಯ ಸರಕಾರ ಮುಂದಾಗಿದೆ. ಇದಕ್ಕೆ ಕೇಂದ್ರವೂ ಸಕಾರಾತ್ಮಕವಾಗಿ ಸ್ಪಂದಿಸಿದೆ.

ಹೊಸ ಪರಿಕಲ್ಪನೆಯಲ್ಲಿಸ್ವಂತ ಮನೆ ಹೊಂದಲು ಬಯಸುವವರು ತಮ್ಮದೇ ಸೊಸೈಟಿಗಳ ಮೂಲಕ ತಮಗೆ ಬೇಕೆನಿಸಿದ ವಿನ್ಯಾಸದ ಫ್ಲ್ಯಾಟ್‌ಗಳನ್ನು ನಿರ್ಮಿಸಬಹುದು. ಈ ಯೋಜನೆಯನ್ನು ಪ್ರಾಯೋಗಿಕವಾಗಿ ಜಾರಿಗೊಳಿಸಲು ವಸತಿ ಇಲಾಖೆ ಮುಂದಾಗಿದೆ. ಉತ್ತರ ಕರ್ನಾಟಕದಲ್ಲಿ56 ಬುಡಕಟ್ಟು ಕುಟುಂಬಗಳು ಈ ಯೋಜನೆಗೆ ಆಸಕ್ತಿ ವಹಿಸಿವೆ. ಕರ್ನಾಟಕದಲ್ಲಿಪಿಎಂಎವೈ ಯೋಜನೆ ಮಂದಗತಿಯಲ್ಲಿರುವುದರಿಂದ ಹೊಸ ಪ್ರಯೋಗ, ಮಾದರಿಗಳ ಅಗತ್ಯ ಉಂಟಾಗಿದೆ.

ಕರ್ನಾಟಕಕ್ಕೆ 2015ರಿಂದ ಅಫರ್ಡಬಲ್‌ ಹೌಸಿಂಗ್‌ ಯೋಜನೆಯಡಿಯಲ್ಲಿ3.55 ಲಕ್ಷ ಮನೆಗಳು ಮಂಜೂರಾಗಿದ್ದರೂ, ಇದುವರೆಗೆ ಕೇವಲ 11,306 ಮನೆಗಳ ನಿರ್ಮಾಣ ಪೂರ್ಣವಾಗಿದೆ.