ವಿಶ್ವದ ನಂ.1 ಶ್ರೀಮಂತ ಮಹಿಳೆ ಯಾರು? ಇವರು ಸಂಪತ್ತು ಗಳಿಸಿದ್ದು ಹೇಗೆ?

ಹೊಸದಿಲ್ಲಿ: ಫ್ರೆಂಚ್‌ ಲೇಖಕಿ ಫ್ರಾಂಕೋಯಿಸ್‌ ಬೆಟೆನ್‌ಕೋರ್ಟ್‌ ಮೇಯರ್ಸ್‌ ಅವರು ವಿಶ್ವದ ಶ್ರೀಮಂತ ಮಹಿಳೆ ಎನ್ನುವ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ತಾಯಿಯ ಆಸ್ತಿಗೆ ಉತ್ತರಾಧಿಕಾರಿಯಾಗಿರುವ ಇವರ ಒಟ್ಟು ಸಂಪತ್ತು 65.1 ಶತಕೋಟಿ ಡಾಲರ್‌(4.94 ಲಕ್ಷ ಕೋಟಿ ರೂ.).

ಅಮೆಜಾನ್‌ ಮಾಲೀಕ ಜೆಫ್‌ ಬಿಜೋಸ್‌ಗೆ ವಿಚ್ಛೇದನ ನೀಡಿ ದೊಡ್ಡ ಮೊತ್ತದ ಪರಿಹಾರ ಮೊತ್ತ ಪಡೆದಿದ್ದ ಮ್ಯಾಕೆಂಜಿ ಬಿಜೋಸ್‌ 63.2 ಶತಕೋಟಿ ಡಾಲರ್‌ ಸಂಪತ್ತನ್ನು ಹೊಂದಿದ್ದಾರೆ. ಇವರು ಅಮೆರಿಕದ ಕಾದಂಬರಿಗಾರ್ತಿ ಮತ್ತು ಉದಾರಿಯಾಗಿಯೂ ಪರಿಚಿತರು.

ಉದ್ಯಮಿಗಳಾದ ಆಲೈಸ್‌ ವಾಲ್ಟನ್‌ 57.1 ಶತಕೋಟಿ ಡಾಲರ್‌, ಜೂಲಿಯಾ ಕೋಚ್‌ 51.4 ಶತಕೋಟಿ ಡಾಲರ್‌ ಸಂಪತ್ತನ್ನು ಹೊಂದಿದ್ದಾರೆ. ವಿಶ್ವದ ಸಿರಿವಂತ ಮಹಿಳೆಯರಲ್ಲಿ ಕ್ರಮವಾಗಿ ಮೂರು ಮತ್ತು ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಸಿರಿವಂತ ಕುಟುಂಬದ ಉತ್ತರಾಧಿಕಾರಿ ಜಾಕ್ವೆಲಿನ್‌ ಮಾರ್ಸ್‌ 37.2 ಶತಕೋಟಿ ಡಾಲರ್‌ ಸಂಪತ್ತಿನ ಒಡತಿ.

ಹೂಡಿಕೆ ದಿಗ್ಗಜ ವಾರೆನ್‌ ಬಫೆಟ್‌ರನ್ನು ಹಿಂದಿಕ್ಕಿದ ಮುಕೇಶ್‌ ಅಂಬಾನಿ

ಇತ್ತೀಚೆಗಷ್ಟೇ ಫ್ರಾಂಕೋಯಿಸ್‌ ಬೆಟೆನ್‌ಕೋರ್ಟ್‌ ಮೇಯರ್ಸ್‌ ಅವರು ವಿಶ್ವದ ಟಾಪ್‌ 10 ಶ್ರೀಮಂತರ ಪಟ್ಟಿಯಲ್ಲಿ ಸ್ಥಾನಗಳಿಸಿದ್ದರು. ಇವರನ್ನು ಹಿಂದಿಕ್ಕಿ ರಿಲಯನ್ಸ್‌ ಒಡೆ ಮುಕೇಶ್ ಅಂಬಾನಿ ಅವರು 9ನೇ ಸ್ಥಾನಕ್ಕೆ ಬಡ್ತಿಪಡೆದಿದ್ದರು. ಪ್ರಸ್ತುತ ಮುಕೇಶ್ ಅಂಬಾನಿ ಅವರು ವಿಶ್ವದ ಟಾಪ್‌ 10 ಶ್ರೀಮಂತರಲ್ಲಿ 8 ಸ್ಥಾನಕ್ಕೆ ಏರಿಕೆಯಾಗಿದ್ದರೆ. ಲಾರ್ರಿ ಎಲ್ಲಿಸನ್ ಅವರು ಬೆಟೆನ್‌ಕೋರ್ಟ್‌ ಮೇಯರ್ಸ್‌ ಅವರನ್ನು ಹಿಂದಿಕ್ಕಿ 10ನೇ ಸ್ಥಾನ ಪಡೆದಿದ್ದಾರೆ. ಆದರೆ, ಇಂದಿಗೂ ಬೆಟೆನ್‌ಕೋರ್ಟ್‌ ಮೇಯರ್ಸ್‌ ಅವರು ವಿಶ್ವದ ಅತಿ ಶ್ರೀಮಂತ ಮಹಿಳೆ ಎನಿಸಿದ್ದಾರೆ.