ಆಹಾರ ಉತ್ಪನ್ನ ಬೆಲೆ ಕುಸಿತ: ಮೋದಿ ಸರಕಾರಕ್ಕೆ ತೊಂದರೆ?

ಹೊಸದಿಲ್ಲಿ: ಆಹಾರ ಉತ್ಪನ್ನಗಳ ಬೆಲೆ ಕುಸಿತ ಮತ್ತು ಸಗಟು ಹಣದುಬ್ಬರ ಸಮಸ್ಯೆ ಸೃಷ್ಟಿಯಾಗಿರುವುದರಿಂದ ಪ್ರಧಾನಿ ನರೇಂದ್ರ ಮೋದಿ ಸರಕಾರದ ಬಜೆಟ್‌ ಯೋಜನೆಗೆ ತೊಂದರೆಯಾಗಲಿದೆ ಎನ್ನಲಾಗಿದೆ.

ತರಕಾರಿ ಮತ್ತು ದವಸಧಾನ್ಯಗಳ ಬೆಲೆ ಇಳಿಕೆಯಾಗುತ್ತಿದ್ದು, ಬೆಲೆ ಇಳಿಕೆಯಿಂದ ರೈತರು ಸಂಕಷ್ಟದಲ್ಲಿದ್ದಾರೆ. ಜತೆಗೆ ಕೃಷಿ ಆದಾಯ ಕೂಡ ಇಳಿಕೆಯಾಗುತ್ತಿರುವುದು ಕೇಂದ್ರಕ್ಕೆ ಆದಾಯದ ಕೊರತೆಯಾಗಲಿದೆ. ಒಟ್ಟಾರೆ ಆರ್ಥಿಕ ಕೊರತೆ ಸೃಷ್ಟಿಯಾಗುವುದರಿಂದ ಕೇಂದ್ರದ ಬಜೆಟ್‌ ಪ್ಲ್ಯಾನ್ ಮೇಲೆ ಪರಿಣಾಂ ಬೀರಲಿದೆ.

ಕೇಂದ್ರದ ಬಜೆಟ್‌ ಪ್ಲ್ಯಾನ್ ರೂಪಿಸುವಲ್ಲಿ ಕೃಷಿ ಆದಾಯದ ಕೊರತೆಯಾದರೆ ಅದರಿಂದ ಒಟ್ಟಾರೆ ಬಜೆಟ್ ಗಾತ್ರದಲ್ಲೂ ಇಳಿಕೆಯಾಗಲಿದೆ.

ಆದರೆ ಮುಂದಿನ ಬಜೆಟ್‌ ಬಳಿಕ ಲೋಕಸಭಾ ಚುನಾವಣೆ ನಡೆಯಲಿರುವುದರಿಂದ ಕೇಂದ್ರ ಬಜೆಟ್‌ ರೂಪಿಸುವಲ್ಲೂ ಎಚ್ಚರ ವಹಿಸಬೇಕಾಗುತ್ತದೆ. ಹೀಗಾಗಿ ಪ್ರಧಾನಿ ಮೋದಿಯವರ ಬಜೆಟ್ ಯೋಜನೆಗೆ ಆಹಾರ ಉತ್ಪನ್ನಗಳ ಬೆಲೆ ಇಳಿಕೆ ಮತ್ತು ಸಗಟು ಹಣದುಬ್ಬರ ಸಮಸ್ಯೆಯಾಗಲಿದೆ ಎನ್ನಲಾಗಿದೆ.

ಪರಿಸ್ಥಿತಿ ಸುಧಾರಿಸಲು ಕೇಂದ್ರ ಸರಕಾರ ರೈತರಿಗೆ ಬೆಂಬಲ ಬೆಲೆ, ಮತ್ತಷ್ಟು ಹೆಚ್ಚಿನ ಯೋಜನೆ ಜಾರಿ ಮಾಡಿದರೆ ಅದರಿಂದ ಪ್ರಯೋಜನವಾಗಲಿದೆಯಾದರೂ, ಕೇಂದ್ರಕ್ಕೆ ಹೆಚ್ಚಿನ ಆರ್ಥಿಕ ಹೊರೆಯಾಗಲಿದೆ.