ಕಳೆದ 7 ವರ್ಷಗಳಲ್ಲಿ ಗೃಹಉಪಯೋಗಿ ಎಲ್‌ಪಿಜಿ ದರ ಡಬಲ್‌

ಹೊಸದಿಲ್ಲಿ: ಕಳೆದ 7 ವರ್ಷಗಳಲ್ಲಿ ಅಡುಗೆ ಅನಿಲದ(ಎಲ್‌ಪಿಜಿ) ಸಿಲಿಂಡರ್‌ ದರ ದುಪ್ಪಟ್ಟಾಗಿದ್ದು 819 ರೂ.ಗೆ ಏರಿದೆ. ಇದೇ ಅವಧಿಯಲ್ಲಿ ಪೆಟ್ರೋಲ್‌ ಮತ್ತು ಡೀಸೆಲ್‌ ಮೇಲಿನ ತೆರಿಗೆ ಸಂಗ್ರಹವು 459 ಪರ್ಸೆಂಟ್‌ ಹೆಚ್ಚಳವಾಗಿದೆ ಎಂದು ಕೇಂದ್ರ ತೈಲ ಸಚಿವ ಧರ್ಮೇಂದ್ರ ಪ್ರಧಾನ್‌ ಹೇಳಿದ್ದಾರೆ.

ಲೋಕಸಭೆಗೆ ನೀಡಿದ ಲಿಖಿತ ಉತ್ತರದಲ್ಲಿಈ ವಿಷಯವನ್ನು ಪ್ರಧಾನ್‌ ತಿಳಿಸಿದ್ದಾರೆ. ''2014ರ ಮಾ.1ರಂದು 14.2 ಕೆ.ಜಿ ತೂಕದ ಗೃಹಬಳಕೆಯ ಸಿಲಿಂಡರ್‌ ದರ 410 ರೂ. ಇತ್ತು. ಅದೀಗ 819 ರೂ.ಗೆ ಏರಿಕೆಯಾಗಿದೆ,'' ಎಂದಿದ್ದಾರೆ.

''ಕಳೆದ ಕೆಲವು ವರ್ಷಗಳಿಂದ ಎಲ್‌ಪಿಜಿ ಸಿಲಿಂಡರ್‌ ದರವನ್ನು ಅಲ್ಪ ಪ್ರಮಾಣದಲ್ಲಿಏರಿಸುತ್ತಾ ಬಂದಿದ್ದು, ಸಬ್ಸಿಡಿಯನ್ನು ಸರಕಾರವು ಸಂಪೂರ್ಣ ತೆಗೆದು ಹಾಕಿದೆ. ಸೀಮೆಎಣ್ಣೆ ಮೇಲಿನ ಸಬ್ಸಿಡಿಯನ್ನೂ ತೆರವುಗೊಳಿಸಲಾಗಿದೆ. 2014ರ ಮಾರ್ಚ್‌ನಲ್ಲಿ 14.96 ರೂ. ಇದ್ದ ಲೀಟರ್‌ ಸೀಮೆಎಣ್ಣೆ ದರ, ಈಗ 35.35 ರೂ.ಗೆ ಏರಿಕೆಯಾಗಿದೆ,'' ಎಂದು ಸಚಿವರೇ ಮಾಹಿತಿ ನೀಡಿದ್ದಾರೆ.

ಬ್ಯಾಡಗಿ ಮಾರುಕಟ್ಟೆಗೆ ಒಂದೇ ದಿನ 2.22 ಲಕ್ಷ ಮೆಣಸಿನ ಚೀಲ ಆವಕ, ಇಳಿಕೆಯಾಗದ ದರ