ಸಬ್ಸಿಡಿ ಎಲ್‌ಪಿಜಿ ಸಿಲಿಂಡರ್ ಬೆಲೆ ರೂ.7 ಏರಿಕೆ

ಹೊಸದಿಲ್ಲಿ: ಸಬ್ಸಿಡಿ ಸಹಿತ ಅಡುಗೆ ಅನಿಲ (ಎಲ್‌ಪಿಜಿ) ಬೆಲೆ ಇಂದು ರೂ.7 ಏರಿಕೆ ಮಾಡಲಾಗಿದೆ. ಈ ಆರ್ಥಿಕ ವರ್ಷದ ಅಂತ್ಯಕ್ಕೆ ಸಬ್ಸಿಡಿಯನ್ನು ನಿಲ್ಲಿಸಲು ಪ್ರತಿ ತಿಂಗಳೂ ಏರಿಕೆ ಮಾಡುತ್ತಾ ಹೋಗುವುದಾಗಿ ಕೇಂದ್ರ ಸರಕಾರ ಈ ಹಿಂದೆಯೇ ತಿಳಿಸಿತ್ತು. ಆ ಪ್ರಕಾರ ಈ ತಿಂಗಳಲ್ಲಿ ರೂ.7 ಏರಿಕೆ ಮಾಡಲಾಗಿದೆ.

ಸಬ್ಸಿಡಿ ಸಹಿತ 14.2 ಕೆಜಿ ಎಲ್‍ಪಿಜಿ ಬೆಲೆ ಹೊಸದಿಲ್ಲಿಯಲ್ಲಿ ಪ್ರಸ್ತುತ ರೂ.487.18 ರಷ್ಟಿದ್ದು ಏರಿಕೆಯಿಂದಾಗಿ ರೂ.479.77 ರಷ್ಟಾಗಲಿದೆ ಎಂದಿದೆ ದೇಶದ ಅತಿದೊಡ್ಡ ಇಂಧನ ರೀಟೇಲರ್ ಇಂಡಿಯನ್ ಆಯಿಲ್ ಕಾರ್ಪೊರೇಷನ್ ತಿಳಿಸಿದೆ.

ಮುಂದಿನ ವರ್ಷ ಮಾರ್ಚ್ ವೇಳೆಗೆ ಎಲ್‌ಪಿಜಿ ಮೇಲಿನ ಸಬ್ಸಿಡಿಯನ್ನು ನಿಲ್ಲಿಸಲು ಪ್ರತಿ ತಿಂಗಳು ರೂ.4 ಏರಿಸುವಂತೆ ರಾಜ್ಯ ಒಡೆತನದ ಎಲ್ಲಾ ಇಂಧನ ಕಂಪೆನಿಗಳಿಗೆ ಸೂಚಿಸಲಾಗಿದೆ ಎಂದು ಇಂಧನ ಸಚಿವ ಧರ್ಮೇಂದ್ರ ಪ್ರಧಾನ್ ಜುಲೈ 31ರಂದು ಲೋಕಸಭೆಗೆ ತಿಳಿಸಿದ್ದರು.

ಕಳೆದ ವರ್ಷ ಜುಲೈನಿಂದ ಎಲ್‌ಪಿಜಿ ಸಬ್ಸಿಡಿ ನಿಲ್ಲಿಸಲು ಪ್ರತಿ ತಿಂಗಳು ರೂ.2ರಷ್ಟು ಏರಿಕೆ ಮಾಡಿಕೊಂಡು ಬಂದಿದ್ದು ಇದುವರೆಗೆ ಸಿಲಿಂಡರ್ ಒಂದರ ಬೆಲೆ ರೂ.68ರಷ್ಟು ಏರಿಕೆಯಾಗಿದೆ. 14.2 ಕೆಜಿ ಎಲ್‌ಪಿಜಿ ಸಿಲಿಂಡರ್ ಬೆಲೆ ಜೂನ್ 2016ರ ವೇಳೆಗೆ ರೂ.410.18ರಷ್ಟಿತ್ತು.

LPG price hiked by Rs 7 per cylinder, ATF by 4%

Subsidised cooking gas (LPG) price was today raised by over Rs 7 per cylinder, in line with the government's decision to hike prices every month so that all subsidises are eliminated by this fiscal-end.