ಎಲ್ಪಿಜಿ ಸಬ್ಸಿಡಿ ಶೇ.60 ಹೆಚ್ಚಳ, ಗ್ರಾಹಕರಿಗೆ ನಿರಾಳ

ಹೊಸದಿಲ್ಲಿ : ಕಳೆದ ಎರಡು ತಿಂಗಳಿನಲ್ಲಿ ಕೇಂದ್ರ ಸರಕಾರ ಅಡುಗೆ ಅನಿಲ ಸಬ್ಸಿಡಿಯನ್ನು ಶೇ.60ರಷ್ಟು ಏರಿಸಿದೆ.

ಹೀಗಾಗಿ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲ ದರಗಳು ಜಿಗಿದಿದ್ದರೂ, ಬಳಕೆದಾರರಿಗೆ ದರ ಏರಿಕೆಯ ಬಿಸಿ ತಟ್ಟಿಲ್ಲ. ಇದಕ್ಕಾಗಿ ಸರಕಾರ ಸಬ್ಸಿಡಿಯಲ್ಲಿ ಏರಿಕೆ ಮಾಡಿದೆ.

ಗ್ರಾಹಕರಿಗೆ ನೇರವಾಗಿ ಅವರ ಬ್ಯಾಂಕ್‌ ಖಾತೆಗೆ ಸಬ್ಸಿಡಿ ಜಮೆಯಾಗುತ್ತಿದೆ. ಮೇ ತಿಂಗಳಿನಲ್ಲಿ ಪ್ರತಿ ಸಿಲಿಂಡರ್‌ಗೆ 159 ರೂ. ಸಬ್ಸಿಡಿ ಜಮೆಯಾಗಿದೆ. ಇದು ಜೂನ್‌ನಲ್ಲಿ 204 ರೂ. ಹಾಗೂ ಜುಲೈನಲ್ಲಿ 257 ರೂ.ಗೆ ಏರಿಕೆಯಾಗಿದೆ ಎಂದು ಇಂಡಿಯನ್‌ ಆಯಿಲ್‌ ಕಾರ್ಪೊರೇಷನ್‌ ಅಧ್ಯಕ್ಷ ಸಂಜೀವ್‌ ಸಿಂಗ್‌ ತಿಳಿಸಿದ್ದಾರೆ.

ಅಂತಾರಾಷ್ಟ್ರೀಯ ತೈಲ ದರ ಹೆಚ್ಚಳವಾಗಿದ್ದರೂ, ಸಬ್ಸಿಡಿ ದರ ಹೆಚ್ಚಳದಿಂದ ಅಡುಗೆ ಅನಿಲ ದರವನ್ನು ನಿಯಂತ್ರಣದಲ್ಲಿಡಲು ಸಾಧ್ಯವಾಗಿದೆ.