ಮಾರುತಿ ಸುಜುಕಿ ಇಗ್ನಿಸ್‌ ಕಾರು ಉತ್ಪಾದನೆ ಸ್ಥಗಿತ

ಹೊಸದಿಲ್ಲಿ : ಮಾರುತಿ ಸುಜುಕಿ ತನ್ನ ಹ್ಯಾಚ್‌ಬ್ಯಾಕ್‌, ಇಗ್ನಿಸ್‌ ಕಾರಿನ ಉತ್ಪಾದನೆಯನ್ನು (ಡೀಸೆಲ್‌ ಬಳಸುವ ಮಾದರಿ) ಸ್ಥಗಿತಗೊಳಿಸಿದೆ.

ಬೇಡಿಕೆ ಕಡಿಮೆಯಾಗಿರುವುದು ಇದಕ್ಕೆ ಕಾರಣ. ಕಂಪನಿಯು ಕಳೆದ ವರ್ಷ ಜನವರಿಯಲ್ಲಿ ಈ ಕಾರನ್ನು ಬಿಡುಗಡೆಗೊಳಿಸಿತ್ತು. ಇದುವರೆಗೆ 72,000 ಕಾರುಗಳನ್ನು ಮಾರಾಟ ಮಾಡಿದೆ. 2018ರ ಜನವರಿ-ಮೇ ಅವಧಿಯಲ್ಲಿ ಮಾಸಿಕ ಸರಾಸರಿ 4,500 ಇಗ್ನಿಸ್‌ ಕಾರುಗಳನ್ನು ಮಾರಾಟ ಮಾಡಿದೆ. ಪೆಟ್ರೋಲ್‌ ಬಳಸುವ ಇಗ್ನಿಸ್‌ ಕಾರು ಈಗ ಮಾರಾಟಕ್ಕೆ ಲಭ್ಯವಿದೆ. ಮಾರುತಿ ಸುಜುಕಿಯು ಗ್ರಾಹಕರ ಬೇಡಿಕೆಯನ್ನು ಪರಿಗಣಿಸಿ ಕಾರುಗಳಲ್ಲಿ ಪರಿಷ್ಕರಣೆ, ಹಾಗೂ ಉತ್ಪಾದನೆಯಲ್ಲಿ ಬದಲಾವಣೆಗಳನ್ನು ಮಾಡುತ್ತದೆ ಎಂದು ಕಂಪನಿಯ ವಕ್ತಾರರು ತಿಳಿಸಿದ್ದಾರೆ.