ಚೋಕ್ಸಿ ಗ್ರೂಪ್‌ನ ಥಾಯ್ಲೆಂಡ್‌ ಫ್ಯಾಕ್ಟರಿ ಮುಟ್ಟುಗೋಲು

ಹೊಸದಿಲ್ಲಿ : ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ನ ಬಹುಕೋಟಿ ವಂಚನೆ ಪ್ರಕರಣದ ಪ್ರಮುಖ ಆರೋಪಿ, ವಜ್ರದ ವ್ಯಾಪಾರಿ ಮೆಹುಲ್‌ ಚೋಕ್ಸಿ ಗ್ರೂಪ್‌ಗೆ ಸೇರಿದ ಥಾಯ್ಲೆಂಡ್‌ನಲ್ಲಿನ ಕಾರ್ಖಾನೆಯನ್ನು ಜಾರಿ ನಿರ್ದೇಶನಾಲವು ಶುಕ್ರವಾರ ಮುಟ್ಟುಗೋಲು ಹಾಕಿಕೊಂಡಿದೆ.

''ವಿದೇಶಗಳಲ್ಲಿನ ಚೋಕ್ಸಿ ಆಸ್ತಿಗಳನ್ನು ಗುರ್ತಿಸುವ ತನಿಖೆಯನ್ನು ನಡೆಸಲಾಗಿದ್ದು, ಥಾಯ್ಲೆಂಡ್‌ನಲ್ಲಿರುವ 13.14 ಕೋಟಿ ರೂ. ಮೌಲ್ಯದ ಗೀತಾಂಜಲಿ ಗ್ರೂಪ್‌ ಕಂಪನಿಯ ಕಾರ್ಖಾನೆಯನ್ನು ವಶಪಡಿಸಿಕೊಳ್ಳಲಾಗಿದೆ. ಕಾಳಧನ ನಿಗ್ರಹ ಕಾಯ್ದೆಯನ್ವಯ ಮುಟ್ಟುಗೋಲು ಹಾಕಿಕೊಳ್ಳಲಾಗಿದೆ,'' ಎಂದು ಪ್ರಕಟಣೆಯಲ್ಲಿ ಜಾರಿ ನಿರ್ದೇಶನಾಲಯ ಹೇಳಿದೆ. ವಂಚನೆ ಪ್ರಕರಣವನ್ನು ಜಾರಿ ನಿರ್ದೇಶನಾಲಯ ದಾಖಲಿಸಿದ ಬಳಿಕ ಚೋಕ್ಸಿ ಮತ್ತು ನೀರವ್‌ ಮೋದಿ ಅವರು ವಿದೇಶಕ್ಕೆ ಪಯಾಯನ ಮಾಡಿದ್ದರು.