ಏ.1ರಿಂದ ದೇಶದ 10 ಬ್ಯಾಂಕುಗಳ ವಿಲೀನ: ಏಕೆ? ಹೇಗೆ? ಇಲ್ಲಿದೆ ಮಾಹಿತಿ!

ಹೊಸದಿಲ್ಲಿ: ಸಿಂಡಿಕೇಟ್‌, ಕಾರ್ಪೊರೇಷನ್‌ ಬ್ಯಾಂಕ್‌ ಸೇರಿದಂತೆ ಸಾರ್ವಜನಿಕ ವಲಯದ 10 ಬ್ಯಾಂಕ್‌ಗಳ ವಿಲೀನ 2020ರ ಏಪ್ರಿಲ್‌ 1ರಿಂದ ಜಾರಿಯಾಗುತ್ತಿದೆ. ಇದರಿಂದ ಒಟ್ಟು 6 ದೊಡ್ಡ ಬ್ಯಾಂಕ್‌ಗಳು ಹೊರಹೊಮ್ಮಿದಂತಾಗಲಿದೆ.

ಕೇಂದ್ರದ ಮೊದಲ ಪ್ರಯತ್ನದಲ್ಲಿ ಎಸ್‌ಬಿಐ ಹಾಗೂ ಅದರ ಸಹವರ್ತ ಬ್ಯಾಂಕುಗಳ ವಿಲೀನ ಮಾಡಲಾಯಿತು. ನಂತರ ಎರಡನೇ ಪ್ರಯತ್ನದಲ್ಲಿ, ಬ್ಯಾಂಕ್ ಆಫ್ ಬರೋಡಾ, ದೇನಾ ಮತ್ತು ವಿಜಯಾ ಬ್ಯಾಂಕುಗಳನ್ನು ವಿಲೀನಗೊಳಿಸಿತ್ತು. ಇದೀಗ ಮೂರನೇ ಹಂತದಲ್ಲಿ ದೇಶದ ಪ್ರಮುಖ ಹತ್ತು ಬ್ಯಾಂಕುಗಳನ್ನು ನಾಲ್ಕು ಭಾಗಗಳಾಗಿ ವಿಂಗಡಿಸಲಾಗಿದೆ. ಈ ಮತ್ತೊಂದು ಸುತ್ತಿನ ಮಹಾ ವಿಲೀನದ ವಿವರ ಇಲ್ಲಿದೆ.

ಮಹಾ ವಿಲೀನ:
2019ರ ಆಗಸ್ಟ್‌ನಲ್ಲಿ ಘೋಷಣೆಯಾಗಿದ್ದ ಈ ವಿಲೀನದ ಪರಿಣಾಮ 2017ರಲ್ಲಿ 27ರಷ್ಟಿದ್ದ ಸಾರ್ವಜನಿಕ ಬ್ಯಾಂಕ್‌ಗಳ ಸಂಖ್ಯೆ 12ಕ್ಕೆ ಇಳಿಯುತ್ತಿದೆ.

ಇಎಂಐ ಮುಂದೂಡಿದರೂ ಬಡ್ಡಿ ಕಟ್ಟಲೇಬೇಕು, ದುಡ್ಡಿದ್ದರೆ ಸಾಲದ ಕಂತು ತುಂಬುವುದೇ ಸೂಕ್ತ

ವಿಲೀನ ಹೇಗೆ?
ಓರಿಯೆಂಟಲ್‌ ಬ್ಯಾಂಕ್‌ ಆಫ್‌ ಕಾಮರ್ಸ್‌ (ಒಬಿಸಿ) ಮತ್ತು ಯುನೈಟೆಡ್‌ ಬ್ಯಾಂಕ್‌ ಆಫ್‌ ಇಂಡಿಯಾ (ಯುಬಿಐ), ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ ಜತೆ ವಿಲೀನವಾಗಲಿದೆ. ಈ ವಿಲೀನದ ಪರಿಣಾಮ ಎಸ್‌ಬಿಐ ನಂತರ ಎರಡನೇ ಅತಿ ದೊಡ್ಡ ಪಿಎಸ್‌ಯು ಬ್ಯಾಂಕ್‌ ಆಗಿ ಹೊರಹೊಮ್ಮಲಿದೆ.

ಕೆನರಾಬ್ಯಾಂಕ್‌ ಜತೆ ಸಿಂಡಿಕೇಟ್‌:
ಸಿಂಡಿಕೇಟ್‌ ಬ್ಯಾಂಕ್‌, ಕೆನರಾ ಬ್ಯಾಂಕ್‌ ಜತೆಗೆ ವಿಲೀನವಾಗಲಿದೆ. ಇದರೊಂದಿಗೆ ಕೆನರಾ ಬ್ಯಾಂಕ್‌ ದೇಶದ 4ನೇ ಅತಿ ದೊಡ್ಡ ಸಾರ್ವಜನಿಕ ಬ್ಯಾಂಕ್‌ ಎನ್ನಿಸಲಿದೆ. ಇಂಡಿಯನ್‌ ಬ್ಯಾಂಕ್‌ ಅಲಹಾಬಾದ್‌ ಬ್ಯಾಂಕ್‌ ಜತೆ ವಿಲೀನವಾಗಲಿದೆ. 2020ರ ಏಪ್ರಿಲ್‌ 1ರಿಂದ ಕೆನರಾ ಬ್ಯಾಂಕ್‌ನ ಶಾಖೆಯಾಗಿ ಸಿಂಡಿಕೇಟ್‌ ಬ್ಯಾಂಕ್‌ ಕಾರ್ಯನಿರ್ವಹಿಸಲಿದೆ.

ಮದ್ಯ ವ್ಯಸನಿಗಳಿಗೆ ಶಾಕಿಂಗ್‌ ನ್ಯೂಸ್‌..! ತಿಪ್ಪರಲಾಗ ಹೊಡೆದ್ರೂ ಇನ್ನೂ 15 ದಿನ ಲಿಕ್ಕರ್ ಸಿಗಲ್ಲ..

ಕಾರ್ಪೊರೇಷನ್‌ ಬ್ಯಾಂಕ್‌ ವಿಲೀನ:
ಯೂನಿಯನ್‌ ಬ್ಯಾಂಕ್‌ ಜತೆ ಕಾರ್ಪೊರೇಷನ್‌ ಬ್ಯಾಂಕ್‌ ಮತ್ತು ಆಂಧ್ರ ಬ್ಯಾಂಕ್‌ ವಿಲೀನವಾಗಲಿದೆ.

ವಿಲೀನದ ನಂತರ:
ವಿಲೀನಗೊಳಿಸಿದ ಬ್ಯಾಂಕ್‌ಗಳು: ಎಸ್‌ಬಿಐ, ಬ್ಯಾಂಕ್‌ ಆಫ್‌ ಬರೋಡಾ, ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌, ಕೆನರಾ ಬ್ಯಾಂಕ್‌, ಯೂನಿಯನ್‌ ಬ್ಯಾಂಕ್‌ ಆಫ್‌ ಇಂಡಿಯಾ, ಇಂಡಿಯನ್‌ ಬ್ಯಾಂಕ್‌.

3 ತಿಂಗಳ ಸಾಲ ಮರುಪಾವತಿ ರದ್ದಾಗುವುದೇ? ಇಎಂಐ ಮುಂದೂಡಿಕೆ ಏನು-ಎತ್ತ? ಇಲ್ಲಿದೆ ಪೂರ್ಣ ಮಾಹಿತಿ

ಸ್ವತಂತ್ರ ಬ್ಯಾಂಕ್‌ಗಳು: ಇಂಡಿಯನ್‌ ಓವರ್‌ಸೀಸ್‌ ಬ್ಯಾಂಕ್‌, ಯುಕೊ ಬ್ಯಾಂಕ್‌, ಬ್ಯಾಂಕ್‌ ಆಫ್‌ ಮಹಾರಾಷ್ಟ್ರ, ಪಂಜಾಬ್‌ ಆ್ಯಂಡ್‌ ಸಿಂಧ್‌ ಬ್ಯಾಂಕ್‌, ಬ್ಯಾಂಕ್‌ ಆಫ್‌ ಇಂಡಿಯಾ, ಸೆಂಟ್ರಲ್‌ ಬ್ಯಾಂಕ್‌ ಆಫ್‌ ಇಂಡಿಯಾ.

ವಿಲೀನ ಯಾಕೆ?
ಸಾರ್ವಜನಿಕ ಬ್ಯಾಂಕ್‌ಗಳನ್ನು ವಿಲೀನಗೊಳಿಸಿ ಜಾಗತಿಕ ಮಟ್ಟದ ಬೃಹತ್‌ ಬ್ಯಾಂಕ್‌ಗಳ ರಚನೆ. ಹೆಚ್ಚು ಬ್ಯಾಂಕ್‌ಗಳಿದ್ದರೆ ನಿರ್ವಹಣೆ ಕ್ಲಿಷ್ಟಕರ. ಬ್ಯಾಂಕಿಂಗ್‌ ವೆಚ್ಚ ನಿಯಂತ್ರಣಕ್ಕೆ ಸಹಕಾರಿ. ವಿಲೀನಗೊಳ್ಳಲಿರುವ ಬ್ಯಾಂಕಿನ ಗ್ರಾಹಕರು ವಿಲೀನ ಮಾಡಿಕೊಳ್ಳುವ ಬ್ಯಾಂಕಿನ ಗ್ರಾಹಕರೆನಿಸಲಿದ್ದಾರೆ.

ಇತಿಹಾಸದ ಪುಟ ಸೇರಿದ ರಾಜ್ಯದ ಬ್ಯಾಂಕ್‌ಗಳು:
ಬ್ಯಾಂಕ್‌ಗಳ ವಿಲೀನದ ಪರಿಣಾಮ ಕರ್ನಾಟಕದ ಕರಾವಳಿ ಮೂಲದ ಬ್ಯಾಂಕ್‌ಗಳು ಇತಿಹಾಸದ ಪುಟ ಸೇರುತ್ತಿವೆ. ಸಾರ್ವಜನಿಕ ಬ್ಯಾಂಕ್‌ಗಳ ಪೈಕಿ ಕೆನರಾ ಬ್ಯಾಂಕ್‌ ಮಾತ್ರ ಉಳಿದುಕೊಳ್ಳಲಿದೆ. ಎಸ್‌ಬಿಎಂ, ವಿಜಯಾ ಬ್ಯಾಂಕ್‌, ಇದೀಗ ಕಾರ್ಪೊರೇಷನ್‌ ಬ್ಯಾಂಕ್‌ ಮತ್ತು ಸಿಂಡಿಕೇಟ್‌ ಬ್ಯಾಂಕ್‌ ವಿಲೀನವಾಗುತ್ತಿವೆ. ಕರಾವಳಿ ಮೂಲದ ಕರ್ಣಾಟಕ ಬ್ಯಾಂಕ್‌ ಖಾಸಗಿ ವಲಯದ ಬ್ಯಾಂಕ್‌.