ಹೊಸದಿಲ್ಲಿ: ಕೋಟ್ಯಂತರ ಜನತೆಗೆ ಅನುಕೂಲವಾಗುವಂತೆ ಕೇಂದ್ರ ಸರಕಾರ ಮೋಟಾರು ವಾಹನ ವಿಮೆ ಹಾಗೂ ಆರೋಗ್ಯ ವಿಮೆಗಳ ವ್ಯಾಲಿಡಿಟಿ ಅವಧಿಯನ್ನು 2020ರ ಏಪ್ರಿಲ್‌ 21ರ ತನಕ ವಿಸ್ತರಿಸಿದೆ.

ಖಾಸಗಿ ಅಥವಾ ಸಾರ್ವಜನಿಕ ಆರೋಗ್ಯ ವಿಮೆ ಯೋಜನೆಗಳಲ್ಲಿ ವಿಮೆ ಖರೀದಿಸಿದವರಿಗೆಲ್ಲರಿಗೂ ಈ ನಿಯಮ ಅನ್ವಯವಾಗಲಿದೆ. ವಿಮೆ ದಾಖಲಾತಿಗಳ ವ್ಯಾಲಿಡಿಟಿಯನ್ನು ವಿಸ್ತರಿಸಲು ಕಾನೂನಿನಲ್ಲಿ ಅಗತ್ಯ ತಿದ್ದುಪಡಿ ಮಾಡಲಾಗಿದೆ.

ಕೊರೊನಾ ಬಿಕ್ಕಟ್ಟು ಎದುರಿಸಲು ನೋಟು ಮುದ್ರಿಸಬೇಕೆ? ಚರ್ಚೆಗೆ ಗ್ರಾಸವಾದ ತಜ್ಞರ ಹೇಳಿಕೆ

ಇದರಿಂದ 23 ಕೋಟಿ ವಾಹನ ಮಾಲೀಕರು ಮತ್ತು 40 ಕೋಟಿ ಜನತೆಗೆ ಅನುಕೂಲವಾಗಲಿದೆ. ಮಾರ್ಚ್‌ 25 ಮತ್ತು ಏಪ್ರಿಲ್‌ 14ರ ನಡುವಣ ಲಾಕ್‌ ಡೌನ್‌ ಅವಧಿಯಲ್ಲಿ ವಿಮೆದಾರರ ವಿಮೆ ಪಾಲಿಸಿಗಳ ಮೂಲ ಅವಧಿ ಮುಗಿದರೂ, ವಿಮೆ ಪರಿಹಾರದ ಕವರೇಜ್‌ ಏಪ್ರಿಲ್‌ 21ರ ತನಕ ಮುಂದುವರಿಯಲಿದೆ. ವಿಮೆದಾರರಿಗೆ ಪ್ರೀಮಿಯಂ ಪಾವತಿಸಲು ಏಪ್ರಿಲ್‌ 21ರ ತನಕ ಕಾಲಾವಕಾಶವೂ ಸಿಗಲಿದೆ ಎಂದು ಕೇಂದ್ರ ಹಣಕಾಸು ಸಚಿವಾಲಯ ತಿಳಿಸಿದೆ.